फिलेमोन 1:24 - ओङ राजपूत

²⁴ माये साथी कार्यकर्ता, मरकुस, अरिस्तर्खुस, देमास, ते लूका चा तम्हानु नमस्कार किही।

फिलेमोन 1:24 ပူးပေါင်းရင်းမြစ်များ

प्रेरितां चे काम 12:12

ते ईं जाणती कर, ओ वे यूहन्‍ना ची आई मरियम चे घरे आला, यूहन्‍ना जको मरकुस किहवावे। ओठे ब़ोहत लौक भेले हुती कर प्राथना करी पलते।

प्रेरितां चे काम 12:25

जिसे बेले बरनबास ते शाऊल आपणी सेवा पुरी करती चुकले तां यूहन्‍ना नु जानु मरकुस किही, लारे गेहती यरुशलेम कनु पुठे आले।

प्रेरितां चे काम 13:13

पौलुस ते ओचे साथी पाफुस शहरा कनु जहाज खोलती कर पंफूलिया प्रदेस चे पिरगा शहरा मां आले, ते यूहन्‍ना वानु छोड़ती कर यरुशलेम सनु पुठा चाह्‍ला गेला।

प्रेरितां चे काम 19:29

ते सारे शहरा मां बङी हलचल मचती गेली ते लौका ने गयुस ते अरिस्तर्खुस, मकिदुनिया कनु आले जको पौलुस चे लारे रेहणे आला बन्दा नु पकड़ती गेले, ते सारा नु हेक रंगशाला मां गेहती गेले।

प्रेरितां चे काम 27:2

अम्ही सारे जणे अद्रमुतियुम शहर चे हेक पाणीया आले जहाजा उपर चढ़ले, जको एशिया इलाके चे समुन्दर चे किनारे लारे जको शहर हुते वांचे लारे हुती कर जाणे आला हुता। ते अम्चा सफर शुरु हुला, ते अरिस्तर्खुस वी अम्चे लारे सफर करने आला यात्री हुता, ते जको मकिदुनिया प्रदेस चे थिस्सलुनिके शहर चा रेहणे आला हुता।

2 कुरिन्थियां 8:23

अगर कुई तीतुस चे बारे मां पूछे, तां ओ माया साथी छै, ते तम्चे वास्ते माया भईवाल छै, ते अगर अम्चे भावां चे बारे मां पूछे, ते वे कलीसिया चे भेज़ले हुले ते मसीह ची महिमा छी।

फिलिप्पियां 2:25

पर मैं इपफ्रुदीतुस नु जको माया भऊ ते भईवाल ते संगी योद्धा ते तम्चा दूत छै, ते जरुरी बाता मां माई सेवा-टहल करने आला छै, तम्चे गोढु भेज़णे जरुरी समझले।

फिलिप्पियां 4:3

हे सच्‍चा भईवाल, मैं दुधे कनु वी बिनती करे पला कि तु वां असतरीया ची सहायता कर। कांकि वाणे माये लारे सुसमाचार प्रचार करने मां, क्लेमेन्स ते माये नेरे भईवाला समेत मेहनत करली, जाये नां जीवन ची किताबे मां लिखले पले।

कुलुस्सियां 4:10

अरिस्तर्खुस जको माये लारे कैदी छै, ते मरकुस जको बरनबास चा भऊ लाग़े वांचा ङुंहु चा तम्हानु नमस्कार। मरकुस जाये बारे मां तम्हानु आज्ञा मिड़ली हुती कि अगर ओ तम्चे गोढु आती जाये, तां ओची आच्छी इज्जत करजा

कुलुस्सियां 4:14

प्यारे वैद लूका ते देमास चा तम्हानु नमस्कार।

1 पतरस 5:13

जको बेबीलोन मां तम्चे आलीकर चुणले आले कलीसिया चे लौक छी, वे ते माया पूत मरकुस तम्हानु नमस्कार किही पले।

3 यूहन्‍ना 1:8

ऐवास्ते अम्ही विश्‍वास करने आला नु इसड़े सम्भालु, ताकि अम्ही वी वांचे लारे सच्‍चाई चे लारे काम करने आले हुती जऊं।