विणे आपणे कुणम्बे समेत बपतिस्मा गेहला, ते विणे विनती करली, “अगर तम्ही मनु प्रभु ची विश्वासण समझा तां चालती कर माये घरा मां रिहा।” ते वा अम्हानु राजी करती कर गेहती गेली।
अगर कुई तीतुस चे बारे मां पूछे, तां ओ माया साथी छै, ते तम्चे वास्ते माया भईवाल छै, ते अगर अम्चे भावां चे बारे मां पूछे, ते वे कलीसिया चे भेज़ले हुले ते मसीह ची महिमा छी।
मतलब हा छै कि, ईशु मसीह मां सुसमाचार चे जरिये नेरीया जातिया चे लौक यहूदिया लारे विरासत मां भईवाल हुती गेले, ते मसीह चे हेक ही शरीरा लारे ते वायदे मां भईवाल हुले।
माया हा विचार तम्चे वास्ते ठीक छै, कांकि तम्ही माये दिला मां बसती गेले, ते माई कैद मां ते सुसमाचार चे वास्ते उत्तर ते प्रमाण ङेणे मां तम्ही सारे माये लारे अनुग्रह मां भईवाल छिवा।
ते जाये स्वामी विश्वास करने आले छी, याहनु वे भऊ ते ब़ेहणी हुवणे ची वजह तोच्छ ना समझो, बल्कि वांची नेरी सेवा करो, कांकि ऐचे कनु फायदा चवणे आले विश्वास करने आले ते प्रेमी छी। जा बाता चा उपदेश करले कर ते समझाता रेह।
हे माये प्यारे भऊ, सुणा, का नरीकारा ने ऐ संसारा चे कंगाला नु कोनी चुणले कि विश्वासा मां अमीर ते ओ स्वर्ग़ राज़ चे अधिकारी हो जाया वायदा ओणे वांचे लारे करला जको ओचे लारे प्रेम राखे?
ते जानु अम्ही ङेखले ते सुणले ओचा समाचार तम्हानु ङिऊं पले, ऐवास्ते कि तम्ही वी अम्चे लारे शामिल हुवा, ते अम्ची हा सहभागिता ब़ा नरीकारा चे लारे ते ओचे पूत ईशु मसीह चे लारे छै।
