मरकुस 9:25 - ओङ राजपूत

²⁵ जिसे बेले ईशु ने ङेखले कि लौक द्रोड़ती कर भीड़ लावी पले, तां ओणे अशुद्ध आत्मा नु ईं केहती कर दड़काले, “हे गूंगी ते बहरी आत्मा, मैं तनु आज्ञा ङिये पला, ऐचे महु निकलती आ, ते ऐचे मां दुबारा कङी घिरयो ना पली।”

मरकुस 9:25 ပူးပေါင်းရင်းမြစ်များ

मत्ती 12:22

तब लौक हेक अन्धे-गूंगे नु जाये मां दुष्टात्मा हुती। ईशु चे गोढु गेहती आले, ते ओणे ओनु ठीक करले, ते ओ ब़ोलु ते ङेखु लाग़ला।

मत्ती 17:18

बल्ति ईशु ने दुष्टात्मा नु दड़काले, ते वां ओचे महु निकलती गेली, ते छोर ओही बेले ठीक हुती गेले।

मरकुस 9:15

ओनु ङेखते ही सारे ब़ोहत ही अचम्भा करु लाग़ले, ओची तरफ द्रोड़ती कर ओनु नमस्कार करले।

मरकुस 9:24

छोरा चे ब़ा ने तुरुन्त गिड़गिड़ाती कर केहले, “हे प्रभु, मैं विश्‍वास करे पला, माये अविश्‍वास चा उपा कर।”

मरकुस 9:26

बल्ति वा चीकती कर ते ओनु ब़ोहत मरोड़ती कर, ते निकलती आली, ते ब़ाल मरले समान हुती गेले, इठे तक कि ब़ोहत लौक किहुं लाग़ले कि ऊं मरती गेले।

लूका 11:14

ईशु हेक गूंगी दुष्टात्मा नु काढ़ले। जब दुष्टात्मा निकलती गेली, तां गूंगा ब़ोलु लाग़ती गेला, तां लौका नु अचम्भा हुला।

लूका 4:35

ईशु ने ओनु धमकाती कर केहले, “चोप रेह, ते ओचे महु निकलती जा।” तब दुष्टात्मा ओनु आधे मां ढाती कर बिना नुकसान पुचाले ओचे महु निकलती गेली।

लूका 4:41

ते दुष्टात्मा वी चीकतीया ते हा केहतीया हुलीया कि, “तु नरीकारा चा पूत छी,” घणा महु निकलती गेलीया। पर ईशु वानु धमकाता ते ब़ोलु ना ङिता, कांकि वे जाणतीया कि ओ मसीह छै।

लूका 8:29

कांकि ईशु वे वा अशुद्ध आत्मा नु ओह बन्दे महु निकलणे ची आज्ञा ङिये पलता, ऐवास्ते कि वे ओचे उपर बार-बार जोर ङिये पलती, ते अगर लौक ओनु संगला ते ब़ेड़ीया लारे ब़ांथी नाखते, तां वी ओ बन्धन नु तरोड़ती नाखता, ते दुष्टात्मा ओनु बरब्याना भरमाली फिरती।

लूका 9:42

ऊं आवे ही पलते कि दुष्टात्मा ने ओनु ढाती कर मरोड़ले, पर ईशु ने अशुद्ध आत्मा नु दड़काले ते छोरा नु ठीक करती ओचे ब़ा नु सोंपती ङिले।

प्रेरितां चे काम 16:18

वा घणा ङिहां तक यूंही करती रेहली आखरी मां पौलुस परेशान हुती गेला ते भांसु मुड़ती कर जको दुष्टात्मा विचे मां समाली हुती विनु केहले, “मैं तनु ईशु मसीह चे नांवा लारे आज्ञा ङिये पला।” कि यिचे महु निकलती जा ते वा दुष्टात्मा ओही बेले विचे महु ब़ाहरु निकलती गेली।

यहूदा 1:9

पर प्रधान स्वर्ग़दूत मीकाईल तक ने जब मूसा ची लाश चे बारे मां शैताना लारे वाद-विवाद करे पलता, तां ओनु बुरे-भले वी ना केहती कर दोष लावणे ची वी हिम्मत कोनी करली, सेर्फ इतने केहले, “प्रभु तनु फटकार ङियो।”