मरकुस 9:20 - ओङ राजपूत

²⁰ बल्ति वे ओ छोरा नु ओचे गोढु गेहती आले ते जिसे बेले दुष्टात्मा ने ईशु नु ङेखले बल्ति ओणे ओही बेले छोरा नु मरोड़ती नाखले। ऊं भोंये उपर चक्‍कर खाती ढेती पले। ओचे मुँहा महु झग़ निकलु पड़ती गेला ते लिटु लाग़ले।

मरकुस 9:20 ပူးပေါင်းရင်းမြစ်များ

मरकुस 1:26

तब अशुद्ध आत्मा ओनु मरोड़ती कर ऊंची अवाजी मां रौल मचाती ओचे महु निकलती गेली

मरकुस 9:18

जिठे-किठी वा ओनु पकड़ती गिहे, उठी ढाती ङिये, ते ऊं मुँहा महु झग़ बाहती पड़े, ते ङांत पीसे, ते सूकते जाये। मैं दुधे चैला कनु बिनती करली कि वे विनु काढ़ती ङियो, पर वे काढ़ ना सग़ले।”

मरकुस 9:19

ईं सुणती कर ईशु ने उत्तर ङिला ते वानु केहले, “हे अविश्‍वासी लौक, मैं कब तक तम्चे लारे रिही? ते कब तक तम्ची सेहता रिही ? ओनु माये गोढु गेहती आवा।”

मरकुस 9:21

बल्ति ईशु ने ओचे ब़ा कनु पूछले, “ईं इसड़े कितने ङिहां कनु छै?” ओचे ब़ा ने केहले, “ईं बचपना कनु इसड़े छै।

मरकुस 9:26

बल्ति वा चीकती कर ते ओनु ब़ोहत मरोड़ती कर, ते निकलती आली, ते ब़ाल मरले समान हुती गेले, इठे तक कि ब़ोहत लौक किहुं लाग़ले कि ऊं मरती गेले।

लूका 4:35

ईशु ने ओनु धमकाती कर केहले, “चोप रेह, ते ओचे महु निकलती जा।” तब दुष्टात्मा ओनु आधे मां ढाती कर बिना नुकसान पुचाले ओचे महु निकलती गेली।

लूका 8:29

कांकि ईशु वे वा अशुद्ध आत्मा नु ओह बन्दे महु निकलणे ची आज्ञा ङिये पलता, ऐवास्ते कि वे ओचे उपर बार-बार जोर ङिये पलती, ते अगर लौक ओनु संगला ते ब़ेड़ीया लारे ब़ांथी नाखते, तां वी ओ बन्धन नु तरोड़ती नाखता, ते दुष्टात्मा ओनु बरब्याना भरमाली फिरती।

लूका 9:39

ते ङेख, हेक दुष्टात्मा ओनु पकड़ती गिहे, ते ऊं अचानक धाड़ हकले, ते वा ओनु इसड़े मरोड़ती ङिये कि ओचे मुँहा महु झग़ आऊं लाग़ती जाये, ते ओनु अधमरे करती कर मुश्किल लारे छोड़े।

लूका 9:42

ऊं आवे ही पलते कि दुष्टात्मा ने ओनु ढाती कर मरोड़ले, पर ईशु ने अशुद्ध आत्मा नु दड़काले ते छोरा नु ठीक करती ओचे ब़ा नु सोंपती ङिले।

यूहन्‍ना 8:44

तम्ही आपणे ब़ा शैताना ची ऊलाद्ध छिवा, ते आपणे ब़ा ची इच्छा नु पुरी करने चाहवा। ओ तां शुरु कनु हत्यारा छै, ते सच्‍च उपर कोनी रुकला, कांकि सच्‍च ओचे मां छै ही कोनी। जिसे बेले ओ कूड़ मारे, तां आपणे सुभाव लारे ही कूड़ मारे, कांकि ओ कूड़ा छै, बल्कि कूड़ा चा ब़ा छै।

1 पतरस 5:8

सचेत हुवा ते जाग़ते रिहा कांकि तम्चा विरोधी शैतान गरजणे आले शेरा आलीकर ईं सोता रिहे कि कानु फाड़ती खाये