मरकुस 9:19 - ओङ राजपूत

¹⁹ ईं सुणती कर ईशु ने उत्तर ङिला ते वानु केहले, “हे अविश्‍वासी लौक, मैं कब तक तम्चे लारे रिही? ते कब तक तम्ची सेहता रिही ? ओनु माये गोढु गेहती आवा।”

मरकुस 9:19 ပူးပေါင်းရင်းမြစ်များ

मत्ती 17:17

ईशु ने उत्तर ङिला, “हे अविश्‍वासी ते हठीले लौक, मैं कब तक तम्चे लारे रिही? कब तक तम्ची सेहता रिही? ओनु माये गोढु गेहती आवा।”

मरकुस 16:14

बादा मां जिसे बेले ओचे ग्यारा चैले रोटी खई पलते ले, ओ वांचे सामणे प्रकट हुला। ते ओणे वानु वांचे अविश्‍वास उपर ते वांची मना ची कठोरता उपर दड़काले, कांकि जेह्णे ओनु जीते हुवणे चे बादा मां ङेखले हुते, यांणे ओचा विश्‍वास कोनी करला हुता।

मरकुस 9:18

जिठे-किठी वा ओनु पकड़ती गिहे, उठी ढाती ङिये, ते ऊं मुँहा महु झग़ बाहती पड़े, ते ङांत पीसे, ते सूकते जाये। मैं दुधे चैला कनु बिनती करली कि वे विनु काढ़ती ङियो, पर वे काढ़ ना सग़ले।”

मरकुस 9:20

बल्ति वे ओ छोरा नु ओचे गोढु गेहती आले ते जिसे बेले दुष्टात्मा ने ईशु नु ङेखले बल्ति ओणे ओही बेले छोरा नु मरोड़ती नाखले। ऊं भोंये उपर चक्‍कर खाती ढेती पले। ओचे मुँहा महु झग़ निकलु पड़ती गेला ते लिटु लाग़ले।

लूका 24:25

तब ईशु ने वानु केहले, “हे ना समझ, ते भविष्यवक्‍ता चीया सारीया बाता उपर विश्‍वास करने मां बन्द मतड़े!

लूका 9:41

ईशु ने उत्तर ङिला, “हे अविश्‍वासी ते हठीले लौक, मैं कब तक तम्चे लारे रिही, ते तम्ची सेहता रिही? आपणे पूता नु इठे गेहती आ।”

यूहन्‍ना 12:27

“हमा माये जी घब़रावे पले, ऐवास्ते हमा मैं का किहे? ‘हे ब़ा, मनु ये घड़ी कनु बचा’ ना, कांकि मैं येही वजह कनु येही घड़ी मां पुज़ला।

यूहन्‍ना 20:27

बल्ति ईशु ने थोमे नु केहले, “आ आपणी आंगली नाख, ते माये हाथा नु ङेख। आपणा हाथ आणती कर माये पासे मां घाल। वहम करना छोड़ पर विश्‍वास कर।”