मरकुस 8:2 - ओङ राजपूत

² “मनु ये भीड़ी उपर तरस आवे पला, कांकि ये तीन ङिहां कनु लगातार माये लारे छी, वांचे कनु कोच्छ वी खाणे वास्ते कोनी।

मरकुस 8:2 ပူးပေါင်းရင်းမြစ်များ

मत्ती 14:14

ईशु ब़ेड़ी कनु उतरती कर हेक बङी भीड़ ङेखली ते वांचे उपर तरस खाला, ते वांचे बिमारा नु चंगे करले।

मत्ती 20:34

ईशु ने तरस खाती कर वांचीया आंखीया नु छूले, ते वे तुरन्त ङेखु लाग़ती गेले, ते ओचे भांसु टुरती पले।

मत्ती 9:36

जिसे बेले ओणे भीड़ ङेखली, तां वांचे उपर तरस खाला, कांकि वे वां भेङा आलीकर हुते, जाया कुई आजड़ी ना हो, बैचेन ते भटकलीया आलीया हुतीया।

मरकुस 1:41

ईशु ने ओचे उपर तरस खाती कर हाथ बढ़ाला, तां ओनु छूले ते केहले, “मैं चाहवे तु शोद्ध हुती जा।”

मरकुस 5:19

पर ईशु ने ओनु आज्ञा कोनी ङिली ते ओनु केहले, “आपणे घरे जती कर आपणे लौका नु बावड़ कि दुधे उपर दया करती कर प्रभु ने दुधे वास्ते किसड़ी बङी कामे करली।”

मरकुस 6:32

ऐवास्ते वे ब़ेड़ी उपर चढ़ती कर, बरब्यान जग़हा मां अलग़ चाह्‍ले गेले।

मरकुस 6:34

ईशु ब़ेड़ी कनु उतरती कर बङी भीड़ ङेखली। तां वांचे उपर तरस खाला कांकि वे वां भेङा आलीकर हुते, जाया कुई आजड़ी ना हो, तां ओ वानु ब़ोहत सारीया बाता सिखाऊं लाग़ला।

मरकुस 8:3

अगर मैं याहनु घरे भुक्‍के भेज़ती ङिये तां मार्ग़ा मां थाकती कर रेहती जाये, कांकि यांचे महु कुई-कुई दूर कनु आले।”

मरकुस 9:22

विणे ऐनू मारणे वास्ते कई बेले जाखते मां ते कई बेले पाणीया मां ढाले। पर अगर तु कोच्छ कर सग़ी, तां अम्चे उपर तरस खाती कर अम्चे उपर ऐहसान कर।”

लूका 15:20

बल्ति ओह उठती कर, आपणे ब़ा चे गोढु गेला, “ओ हालि दूर ही हुता कि ओचे ब़ा ने ओनु ङेखती कर तरस आती गेला, ते द्रोड़ती कर ओनु गेले लाले, ते घणीया मिठ्ठीया ङिलीया।

लूका 7:13

बांढी असतरी नु ङेखती कर प्रभु नु तरस आला ते ओणे केहले, “ना रो।”

इब्रानियां 2:17

ऐवास्ते ओनु जरुरी हुते, कि सब बाता मां आपणे भावां आलीकर बणो, जाये कनु ओ वां बाता मां जको नरीकारा लारे मेल खई, हेक दया करने आला ते भरोसेमन्द महायाजक बणो, कि लौका चे पापा वास्ते प्रायश्‍चित करो।

इब्रानियां 4:15

कांकि अम्चा महायाजक इसड़ा कोनी जको अम्ची कमजोरीया मां अम्चे लारे ङुखी ना हो सग़ो। बल्कि ओ सब बाता मां अम्चे आलीकर परखला गेला, तां वी निष्पाप रेहला।

इब्रानियां 5:2

ओ अज्ञानीया ते भूले-भटकले आला लारे नरमाई लारे व्यवहार कर सग़े। कांकि ओ खौद्द वी कमजोरीया चे अधीन छै।