मरकुस 6:2 - ओङ राजपूत

² सब्त चे ङिओ ओ प्राथनाघरा मां उपदेश ङिऊं लाग़ला। ते ब़ोहत से लौक सुणती ते अचम्भित हुती कर किहुं लाग़ले, “ऐनू ये बाता किठु आती गेलीया? हा किसा ज्ञान छै जको ओनु ङिला गेला? किसड़े सामर्थ चे काम ऐचे हाथा कनु प्रकट हुवी?

मरकुस 6:2 ပူးပေါင်းရင်းမြစ်များ

मत्ती 4:23

ईशु सारे गलील प्रदेस मां फिरता हुला वांचे प्राथनाघरा मां उपदेश करता, ते नरीकारा चे राज़ चा सुसमाचार प्रचार करता, ते लौका ची हर-प्रकार ची बिमारी ते कमजोरी नु दूर करता रेहला।

मत्ती 7:28

जिसे बेले ईशु ये बाता केहती चुकला, तां इसड़े हुले कि भीड़ ओचे उपदेश कनु हैरान हुती गेली,

मरकुस 1:39

तां ओ सारे गलील प्रदेस मां वांचे प्राथनाघरा मां जती कर प्रचार करता ते दुष्टात्मा नु काढ़ता रेहला।

मरकुस 10:1

बल्ति ईशु उठु उठती कर यरदन नदी चे पार यहूदिया ची हद्दी मां आला। भीड़ ओचे गोढु बल्ति भेली हुती गेली। ते ओ आपणी रीति चे अनुसार वानु बल्ति उपदेश ङिऊं लाग़ला।

लूका 2:47

ते जितने ओची सुणी पलते वे सारे ओची समझ कनु ते ओचे उत्तर कनु अचम्भित हुते।

लूका 4:15

ओह वांचे प्राथनाघरा मां उपदेश करता रेहला, ते सब ओची बढ़ाई करते।

यूहन्‍ना 6:42

वाणे केहले, “का हाओ यूसुफ चा पूत ईशु कोनी? जाये आई-ब़ा नु अम्ही ना जाणु? बल्ति हा किवें केह सग़े कि, ‘मैं स्वर्ग़ा कनु उतरला?’ ”

यूहन्‍ना 7:15

तब यहूदी बन्दा ने हैरान हुती कर केहले, “ऐनू बिना पढ़ले विधिया किवें आती गेली?”