मरकुस 5:35 - ओङ राजपूत

³⁵ ईशु ईं किहे ही पलता कि प्राथनाघरा चे सरदार चे घरु लौका ने आती कर केहले, “दुधी धूउ तां मरती गेली, हमा गुरु नु कां कष्ट ङी पला?”

मरकुस 5:35 ပူးပေါင်းရင်းမြစ်များ

मत्ती 26:10

ईं जाणती कर ईशु ने वानु केहले, “असतरी नु कां सतावा पले? विणे माये लारे भलाई करली।

मत्ती 26:18

ईशु ने केहले, “शहरा मां फलाणे बन्दे चे गोढु जती कर ओनु किहा, ‘गुरु किहे पला कि माया समय गोढु छै, मैं आपणे चैला चे लारे दुधे इठे तेंहवार मनावी।’ ”

मत्ती 9:18

ईशु वानु ये बाता किहे ही पलता, कि ङेखा, हेक हाकिमा ने आती कर ओनु नमस्कार करली ते केहले, “माई धूउ हमा मरली, पर चालती कर आपणा हाथ विचे उपर मेहल, तां वा जीती हुती जई।”

मरकुस 10:17

जब ईशु उठु कनु निकलती कर मार्ग़ा मां जाये पलता, तां हेक बन्दे ओचे सनु द्रोड़ते हुले आले, ते ओचे आग़ु गोङे टेकती कर ओकनु पूछले, “हे उत्तम गुरु, अनन्त जीवन चा अधिकारी हुवणे वास्ते मैं का करे?”

मरकुस 5:22

याईर नांवा चा प्राथनाघरा चे सरदारा महु हेक आला, ते ओनु ङेखती कर ओचे पग़्ग़ा मां ढेला,

लूका 8:49

ईशु ईं किहे ही पलता कि किह्णी प्राथनाघरा चे सरदार चे इठु आती कर केहले, “दुधी धूउ मरती गेली, गुरु नु ङोख ना ङे।”

यूहन्‍ना 11:21

ओठे जती कर मारथा ने ईशु नु केहले, “हे प्रभु, अगर तु इठे हुवी हा तां, माया भऊ ना मरेहा।

यूहन्‍ना 11:25

ईशु ने वानु केहले, “मैं ही पुनरुत्थान छै ते जीवन मैं ही छै। जको कुई माये उपर विश्‍वास करे ऊं अगर मरती वी जाये तां वी जीवी,

यूहन्‍ना 11:28

ईं केहती कर मार्था चाह्‍ली गेली, ते आपणी ब़ेहण मरियम नु हकारती लुकती कर केहले, “गुरु जी इठी छै, तनु हकारे पला।”

यूहन्‍ना 11:32

जिसे बेले मरियम ओठे पुज़ली जिठे ईशु हुता, ओनु ङेखती कर ओचे पग़्ग़ा मां ढेती कर केहले, “हे प्रभु, अगर तु इठे हुवीया तां, माया भऊ कङी वी ना मरेहा।”

यूहन्‍ना 11:39

ईशु ने केहले, “पत्थर हटावा।” लाजर ची ब़ेहण मार्था ओनु किहुं लाग़ली, “हे प्रभु, ओचे महु हमा तां बद्दबू आवे पली, कांकि ओनु मरले आले चार ङिहें हुती गेली।”

यूहन्‍ना 5:25

मैं तम्हानु सच्‍च-सच्‍च किहे पला, ओह समय आवे पला ते हमा छै, जाये मां मरले आले नरीकारा चे पूता ची अवाज सुणे ते जको सुणे वे जिंवे।