मरकुस 4:17 - ओङ राजपूत

¹⁷ पर आपणे भीतर ज़हड़ ना राखणे ची वजह कनु वे थोड़े ङिहां वास्ते रिही, ऐचे बाद जिसे बेले वचना ची वजह कनु वांचे उपर क्लेश जा परेशानी आवे, तां वे तुरन्त ठोकर खाती जई।

मरकुस 4:17 ပူးပေါင်းရင်းမြစ်များ

मत्ती 11:6

ते धन्‍न छी वे, जको माये उपर भरोसा करना ना छोड़ी।”

मत्ती 12:31

ऐवास्ते मैं तम्हानु सच्‍च किहे पला कि बन्दे चे सब तरह चे पाप ते निन्दा माफ करती ङिले जाये, पर पवित्र आत्मा ची निन्दा माफ नी करले जई।

मत्ती 13:21

पर आपणे भीतर ज़हड़ ना राखणे ची वजह कनु वे थोड़े ही ङिहां चे छी। ते जिसे बेले वचना ची वजह कनु वांचे उपर क्लेश जा परेशानी आवे, तां वे तुरन्त ठोकर खाती जई।

मरकुस 4:16

यूंही जको पत्थरीली भोंये उपर राहले जाये, ये वे छी जको वचना नु सुणती कर तुरन्त खुशी लारे मनती गिही।

मरकुस 4:18

जको झाड़ीया मां राहले गेले बीज, ये वे छी जेह्णे वचना नु सुणले,

लूका 12:10

जको कुई मैं इन्साना चे पूता चे विरोध मां कुई बात किही, ओचा हा अपराध माफ करला जई, पर जको पवित्र आत्मा ची निन्दा करी, ओचा अपराध माफ नी करला जई।

यूहन्‍ना 8:31

बल्ति ईशु ने वा यहूदिया नु जेह्णे ओचे उपर विश्‍वास करला हुता केहले, “अगर तम्ही माये वचना मां बणले रिहा, तां सच्‍चमां माये चैले बणा।

गलातियां 6:12

वे सेर्फ ङुजे यहूदिया नु ब़ाहर चा ङिखावा करना चाहवी, इसड़े लौक तम्चा खतना करवाणे वास्ते तम्चे उपर दब़ाव नाखी, ब़स ऐवास्ते कि वे मसीह चे क्रूसा चे सुसमाचार कि वजह कनु सताले ना जाओ।

2 तीमुथियुस 1:15

तु जाणी कि, आसीया आले सारे मनु छोड़ती गेले, जाये मां फूगिलुस ते हिरमुगिनेस शामिल हुते।

2 तीमुथियुस 4:10

कांकि देमास ने ऐ संसारा नु प्यारा जाणती कर मनु छोड़ती ङिले, ते थिस्सलुनिके शहर सनु चाह्‍ला गेला, ते क्रेसकेंस गलातिया शहर सनु ते तीतुस दलमतिया शहर सनु चाह्‍ला गेला।

2 तीमुथियुस 4:16

माये पेहले प्रतिवाद चे बेले किह्णी वी माया साथ कोनी ङिला, बल्कि सब ने मनु छोड़ती ङिले हुते। भले हो कि ऐचा वानु लेखा ङेणा ना पड़ो।

इब्रानियां 10:29

तां सोचती गिहा कि ओ कितने भारी ङण्ड चा भाग़ी बणी, जेह्णे नरीकारा चे पूता चा अनादर करला ते वाचा चे लुहींया नु जाये जरिये ओ पवित्र ठहराला गेलता, अपवित्र जाणले ते अनुग्रह ची आत्मा चा अपमान करला।

1 यूहन्‍ना 2:19

तां मसीह चे विरोधी अम्चे महु निकली, पर अम्चे जिसड़े हुते कोनी, कांकि अगर वे सच्‍चमां अम्चे लारे हुवीया तां, अम्चे लारे रिहा, पर निकलती ऐवास्ते गेले कि हा प्रकट हो कि वे सच्‍चमां सारे अम्चे कोनी।

प्रकाशितवाक्य 2:10

जको ङोख तनु भोग़णे हुवे वाकनु ना ङर। कांकि ङेखा, शैतान तम्हा महु कईयां नु कैदखाने मां नाखणे उपर छै, कि तम्ही परखले जावा ते तम्हानु ङस ङिहां तक क्लेश चवणे पड़े। मरणे तक विश्‍वासी बणले रिहा तां मैं तम्हानु जीवन चा मुग़ट ङी।

प्रकाशितवाक्य 2:13

मैं ईं जाणे कि तु ओठे रिही जिठे शैताना चा सिंहासन छै, तु माये नांवा उपर मजबूत रिही, ते माये उपर विश्‍वास करने मां वां ङिहां मां वी भांसु कोनी हटला जाये मां माया विश्‍वास लायक ग़वाह अन्तिपास, तम्चे आधे मां वे जग़हा उपर मारला गेला जिठे शैतान रिहे।