मरकुस 16:18 - ओङ राजपूत

¹⁸ वे आपणे हाथा मां नाग़ा नु पकड़ती गिहे ते वे अगर जहर वी पीती गिहे तां वांची कहीं वी हानि नी हुवी, वे बिमारा उपर आपणे हाथ मेहले, ते वे ठीक हुती जाये।”

मरकुस 16:18 ပူးပေါင်းရင်းမြစ်များ

मरकुस 5:23

ते ईं केहती कर ओकनु ब़ोहत बिनती करली कि, “माई छोटी छुवेर मरणे पे छै, तु आती कर विचे उपर आपणा हाथ मेहल कि वा ठीक हुती कर जीती रिहो।”

लूका 10:19

ङेखा, मैं तम्हानु नाग़ ते बिच्छुवा नु लताड़ने चा, ते दुश्मना ची सारी सामर्थ चे उपर अधिकार ङिला, ते कुई चीजी लारे तम्हानु कुई नुकसान नी हुवी।

प्रेरितां चे काम 19:12

इठे तक कि कन्दुरीया ते रुमाले ओचे शरीरा नु लवाती जब बिमारा उपर नाखते, ते वांची बिमारीया ठीक हुती जतीया। ते दुष्टात्मा वी वांचे महु निकलती जतीया।

प्रेरितां चे काम 3:12

ईं ङेखती कर पतरस ने लौका नु केहले, “हे इस्राएली, तम्ही ऐ बन्दे उपर कां हैरान हुवा पले? ते अम्चे सनु कां यूं करती कर ङेखा पले, कि मना अम्ही आपणी ताकती जा भग़ती लारे ऐनू चलणे फिरणे चे लायक बणाती ङिले?

प्रेरितां चे काम 3:16

“ते ईशु नांवा ने ओ विश्‍वासा चे जरिये जको ओचे नांवा उपर छै, ऐ बन्दे नु जानु तम्ही ङेखा पले, ते जाणा वी छिवा, ताकत ङिली। ओही विश्‍वासा ने जको ओचे जरिये छै, ऐनू तम्चे सारा सामणे चंगे भले करती ङिले।

प्रेरितां चे काम 4:10

तां तम्ही सारे इस्राएली लौक जाणती गिहा कि ईशु मसीह नासरी चे नांवा लारे जानु तम्ही क्रूसा उपर चढ़ाले, ते नरीकारा ने मरले आला महु जिवाले, ईं बन्दे तम्चे सामणे भले चंगे भिले ले।

प्रेरितां चे काम 4:22

कांकि ऊं बन्दे, जाये उपर हा चंगा करने चा चैन्ह ङिखाणला गेलता, चालीस साला कनु ज्यादा उम्री चे हुते।

प्रेरितां चे काम 4:30

ते चंगा करने वास्ते तु आपणा हाथ बधा कि चैन्ह ते अदभोत काम दुधे पवित्र सेवक ईशु चे नांवा लारे करले जाओ।”

प्रेरितां चे काम 9:34

पतरस ने ओनु केहले, “हे ऐनियास, ईशु मसीह तनु ठीक करे पला। ऊठ, आपणा बिस्तरा चा।” ते बल्ति ओ तुरन्त ऊठती खड़ा हुला।

रोमियां 16:20

शान्ति चा नरीकार शैताना नु तम्चे पग़्ग़ा तले जल्दी कुचलवाती ङी। अम्चे प्रभु ईशु मसीह चा अनुग्रह तम्चे उपर हुता रिहो।

1 कुरिन्थियां 12:9

ते कानु वेही आत्मा लारे विश्‍वास ते कानु वेही हेक आत्मा लारे चंगाई करने चा वरदान ङिला जाये।