मरकुस 14:67 - ओङ राजपूत

⁶⁷ ते पतरस नु जाखते सेकते ङेखती ओनु बङे ध्यानारीत रीत ङेखले ते किहुं लाग़ली, “तु वी तां ईशु नासरी चे लारे हुता।”

मरकुस 14:67 ပူးပေါင်းရင်းမြစ်များ

मत्ती 2:23

ओठे नासरत नांवा चे शहरा मां जती बसला, ताकि ओ वचन पूरा हो, जको भविष्यवक्‍ता चे जरिये केहला गेलता, “ओ नासरी किहवावी।”

मत्ती 21:11

लौका ने केहले, “हा गलील चे नासरत शहरा चा भविष्यवक्‍ता ईशु छै।”

मरकुस 1:24

ओणे रौल मचाला ते केहले, “हे ईशु नासरी, अम्हानु दुधे लारे का काम ? का तु अम्हानु नाश करु आला? मैं तनु जाणे, तु कूण छी, तु नरीकारा चे पवित्र इन्सान छी!”

मरकुस 10:47

ओणे ईं सुणले कि ईशु नासरी छै, साङ मारती कर किहुं लाग़ला, “हे दाऊद ची ऊलाद्ध, ईशु माये उपर दया कर।”

मरकुस 14:54

पतरस दूर ही दूर ओचे भांसु-भांसु महायाजक चे बेहड़े चे भीतर तक गेला, ते पाहरेदारा लारे ब़ेसती कर जाखते सेकु लाग़ती गेला।

यूहन्‍ना 18:18

दास ते पाहरेदार ठड्डी ची वजह कनु कौले भड़काती कर जाखते सेकी भिलते, ते पतरस वी वांचे लारे जाखते सेके भीलता।

यूहन्‍ना 19:19

पिलातुस ने दोष-पत्र लिखती कर क्रूसा उपर लाती ङिला, ते ओचे मां ईं लिखले पलते, “ईशु नासरी, यहूदिया चा राजा छै।”

प्रेरितां चे काम 10:38

नरीकारा ने किसी रीति लारे ईशु नासरी नु पवित्र आत्मा ते सामर्थ लारे अभिषेक करले, ओ भलाई करता, ते सारा नु जको शैताना चे सताले आले हुते, ठीक करता फिरला, कांकि नरीकार ओचे लारे हुता।