मरकुस 13:3 - ओङ राजपूत

³ जब ओ जैतून चे पहाड़ा उपर मन्दरा चे सामणे ब़ेहला हुता, तां पतरस ते याकूब ते यूहन्‍ना ते अन्द्रियास ने अलग़ जती कर पूछले,

मरकुस 13:3 ပူးပေါင်းရင်းမြစ်များ

मत्ती 13:10

चैला ने गोढु आती कर ईशु नु केहले, “तु लौका लारे मिसाला मां कां बाता करी ?”

मत्ती 13:36

बल्ति ओ भीड़ी नु छोड़ती कर घरे आला, ते ओचे चैला ने ओचे गोढु आती कर केहले, “खेता चे जंगली खड़ा ची मिसाल अम्हानु समझाती ङे।”

मत्ती 17:1

छियां ङिहां चे बाद ईशु ने पतरस ते याकूब ते ओचे भऊ यूहन्‍ना नु लारे गेहले, ते वानु हेकले मां कुई ऊंचे पहाड़ा उपर गेहती गेला।

मत्ती 21:1

जिसे बेले वे यरुशलेम चे गोढु पुज़ले ते जैतून पहाड़ा उपर बैतफगे चे लारे आले, तां ईशु ने ङुंहु चैला नु ईं केहती कर भेज़ले,

मत्ती 24:3

जब ओ जैतून पहाड़ा उपर ब़ेहला हुता, तां चैला ने हेकले मां ओचे गोढु आती कर केहले, “अम्हानु बावड़ कि ये बाता कङण हुवे? दुधे आवणे ची ते संसारा चे अन्त ची का निशानी हुवी?”

मरकुस 10:35

तब जबदी चे पूत, याकूब ते यूहन्‍ना ईशु चे गोढु आतीकर केहले, “हे गुरु, अम्ही चाहु कि जको कोच्छ अम्ही दुधे कनु मांगु, ऊं तु अम्चे वास्ते कर।”

मरकुस 13:4

“अम्हानु बावड़ कि ये बाता कङण हुवे? ते जब ये बाता पुरीया हुवणे उपर हुवे ओ समय ची का निशानी हुवी ?”

मरकुस 14:33

ते ईशु पतरस ते याकूब ते यूहन्‍ना नु आपणे लारे गेहली गेला, ते ब़ोहत ही उदास ते बैचेन हुं लाग़ला।

मरकुस 4:34

ते बिना मिसाला चे ओ वानु कहीं ना केहता। पर हेकले मां ओ आपणे खास चैला नु सब बाता चा मतलब बावड़ता।

मरकुस 5:37

ते ईशु ने पतरस ते याकूब ते याकूब चे भऊ यूहन्‍ना नु छोड़ती कर, नेरे कानु आपणे लारे आऊं कोनी ङिले।

मरकुस 9:2

छियां ङिहां चे बाद ईशु ने पतरस ते याकूब ते यूहन्‍ना नु लारे गेहले, ते वानु हेकले मां कुई ऊंचे पहाड़ा उपर गेहती गेला। ओठे वांचे सामणे ईशु चा रुप बदलती गेला।