मरकुस 12:37 - ओङ राजपूत

³⁷ दाऊद ओनु प्रभु किहे। तां बल्ति ओ ओचा पूत किवें ठहरला? ते लौक ओची खुशी लारे सुणते।

मरकुस 12:37 ပူးပေါင်းရင်းမြစ်များ

मत्ती 1:23

“ङेखा, हेक कुंवारी ढिड्डा लारे हुवी ते हेक पूत पैदा करी, ते ओचे नां इम्मानुएल राखले जई।” जाया मतलब, “नरीकार अम्चे लारे छै।”

मत्ती 11:25

ओही बेले ईशु ने केहले, “हे ब़ा, स्वर्ग़ ते धरती चा प्रभु, मैं दुधा धन्यवाद करे पला कि तु यां बाता नु ज्ञानीया ते समझदारा कनु लुकाती राखलीया, ते ब़ाला उपर प्रकट करलीया,

मत्ती 11:5

कि अन्धे ङेखी ते लंगड़े टुरी-फिरी, ते कोहड़ी शोद्ध करले जई, ते बेहरे सुणी, ते मुड़दे जीते करले जई ते कंगाला नु सुसमाचार सुणाला जाये।

मत्ती 21:45

ते प्रधान याजका ने ते फरीसिया ने मिसाला सुणती कर समझती गेलते कि ओ अम्चे बारे मां किहे पला।

मत्ती 21:46

ते वाणे ओनु पकड़ने चाह्‍ले, पर वे लौका कनु ङरले, कांकि लौक ओनु भविष्यवक्‍ता मनते।

लूका 19:48

पर कुई तरीका नी सोध सग़ले, कि ईं किवें करु, कांकि सारे लौक ओचीया बाता नु बङे शोंका लारे सुणते।

लूका 21:38

ते सवेले-सवेले सारी बन्दी ओचीया बाता नु सुणने चे वास्ते मन्दरा मां ओचे गोढु आती।

यूहन्‍ना 12:9

फसह चे तेंहवारा उपर आली यहूदिया ची बङी भीड़ नु जिसे बेले हा पता लाग़ला कि ईशु उठी छै ते वे ओनु मिलणे वास्ते आले, ना सेर्फ ओनु पर ओ लाजर नु वी ङेखणे वास्ते वी, आली हुती जानु ईशु ने मरणे चे बाद बल्ति जीते करती ङिलते।

रोमियां 9:5

पुरखे वी वांचे ही छी, ते मसीह वी शरीरा चे भाव लारे वांचे महु ही हुला, जको सब चे उपर परम नरीकार युगानयुग धन्‍न छै। आमीन।

1 तीमुथियुस 3:16

ते ऐचे मां कुई शक्‍क कोनी, कि भग़ती चा भेद गम्भीर छै, यानिकि मसीह जको शरीरा मां प्रकट हुला, पवित्र आत्मा मां धर्मी सेद्ध ठहरला, स्वर्ग़दूता नु ङिसला, नेरीया जातिया मां ओचा प्रचार हुला, संसारा मां ओचे उपर विश्‍वास करला गेला, ते महिमा मां उपर चवीला गेला।

याकूब 2:5

हे माये प्यारे भऊ, सुणा, का नरीकारा ने ऐ संसारा चे कंगाला नु कोनी चुणले कि विश्‍वासा मां अमीर ते ओ स्वर्ग़ राज़ चे अधिकारी हो जाया वायदा ओणे वांचे लारे करला जको ओचे लारे प्रेम राखे?

प्रकाशितवाक्य 22:16

“मैं, खौद्द ईशु, दुधे ते कलीसिया चे वास्ते, यां बाता ची ग़वाही ङेणे चे वास्ते, मैं आपणा स्वर्ग़दूत भेज़े पला। मैं दाऊद चे परिवारा चा वंश छै। ते सवेले चा चमकणे आला तारा छै।”