मरकुस 11:23 - ओङ राजपूत

²³ मैं तम्हानु सच्‍च किहे पला कि जको कुई ऐ पहाड़ा नु किहे, ‘तु उखड़ती जा, ते समुन्दरा मां जती पड़,’ ते आपणे मना मां शक्‍क ना करा, बल्कि विश्‍वास करा कि जको किहे पला ऊं हुती जई, तां ओचे वास्ते ऊंही हुवी।

मरकुस 11:23 ပူးပေါင်းရင်းမြစ်များ

मत्ती 14:13

जिसे बेले ईशु ने ईं सुणले, तां ओ ब़ेड़ी उपर चढ़ती कर उठु कुई बरब्यान जग़हा मां,चाह्‍ला गेला। लौक ईं सुणती कर शहरा महु पैदल ही ओचे भांसु टुरती पले।

मत्ती 17:20

ओणे वानु केहले, “आपणे विश्‍वास ची कमी ची वजह, कांकि मैं तम्हानु सच्‍च किहे पला, अगर तम्हानु राई चे ङाणे चे बराबर वी विश्‍वास हो, तां ऐ पहाड़ा नु केह सग़ा, ‘इठु सरकती कर ओठे चाह्‍ला जा’ तां ओ चाह्‍ला जई, नेरी कुई बात तम्चे वास्ते असम्भव नी हुवी।

मत्ती 21:21

ईशु ने वानु उत्तर ङिला, “मैं तम्हानु सच्‍च किहे पला, अगर तम्ही विश्‍वास राखा ते शक्‍क ना करा, तां ना सेर्फ ईं करा जको ऐ अंजीरा चे दरख्ता लारे करले गेले, पर अगर ऐ पहाड़ा नु वी किहा, ‘उखड़ती जा, ते समुन्दरा मां जती पड़,’ तां ईं हुती जई।

लूका 17:6

प्रभु ने केहले, “अगर तम्हानु राई चे ङाणे चे बराबर वी विश्‍वास हो, तां तम्ही ऐ सतूता चे दरख्ता नु किहा, ‘जड़ही कनु उखड़ती कर समुन्दरा मां लाग़ती जा,’ तां ओ तम्ची मनती गिहा।

यूहन्‍ना 14:13

जको कोच्छ तम्ही माये नांवा लारे मांगा ऊंही मैं ङिही, कि पूता चे जरिये ब़ा ची महिमा हो।

यूहन्‍ना 15:7

अगर तम्ही माये मां बणले रिहा ते माया वचन तम्चे मां बणला रिहो, तां जको चाहवा मांगा, ऊं तम्चे वास्ते हुती जई।

1 कुरिन्थियां 13:2

ते अगर मैं भविष्यवाणी कर सग़े, ते सारे भेद ते सब तरह चे ज्ञान नु समझे, ते माया विश्‍वास इसड़ा मजबूत हो कि माये वचना लारे पहाड़ आपणी जग़हा कनु हटती जाओ, पर प्रेम ना राखे, तां मैं कोच्छ वी कोनी।