मरकुस 11:18 - ओङ राजपूत

¹⁸ ईं सुणती कर प्रधान याजक ते शास्त्री ओनु खत्तम करने चा मौका सोधी पलते, कांकि वे ओचे कनु ङरते, ऐवास्ते कि सारे लौक ओचे उपदेश कनु अचम्भे मां हुती जते।

मरकुस 11:18 ပူးပေါင်းရင်းမြစ်များ

मत्ती 21:15

पर जिसे बेले प्रधान याजका ते यहूदी धर्मशास्त्रीया ने जा अचम्भे चे कामा नु जको ईशु ने करले हुते, ते ब़ाला नु मन्दरा मां “दाऊद ची ऊलाद्ध ची होशना” केहते ङेखले ते गुस्से मां ओनु किहुं लाग़ले,

मत्ती 7:28

जिसे बेले ईशु ये बाता केहती चुकला, तां इसड़े हुले कि भीड़ ओचे उपदेश कनु हैरान हुती गेली,

मरकुस 1:22

ते लौक ईशु चे उपदेश कनु हैरान हुती गेले, कांकि ओ वानु शास्त्रीया आलीकर ना, पर अधिकारीया आलीकर उपदेश ङिता।

मरकुस 11:32

ते अगर अम्ही किहुं, ‘इन्साना ची ओर कनु,’ ” लौका चा ङर छै, कांकि वे सच्‍चमां जाणी कि यूहन्‍ना भविष्यवक्‍ता हुता।

मरकुस 12:12

तब वाणे ओनु पकड़ने चाह्‍ले, कांकि समझती गेलते कि ओणे अम्चे विरोध मां हा मिसाल केहली। पर वे लौका कनु ङरले, ते ओनु छोड़ती कर चाह्‍ले गेले।

मरकुस 3:6

तब फरीसी ब़ाहर जती कर तुरन्त हेरोदियां चे लारे ओचे विरोध मां सलाह करली कि ओनु किवें करती खत्तम करु।

मरकुस 6:20

कांकि हेरोदेस यूहन्‍ना नु धर्मी ते पवित्र मर्द जाणती कर ओकनु ङरता, ते ओनु बचाली राखता, ते ओचीया बाता सुणती कर ब़ोहत घब़राता, पर खुशी लारे सुणता।

लूका 19:47

ईशु हर ङिओ मन्दरा मां उपदेश करता, ते प्रधान याजक ते शास्त्री ते लौका चे बङके ओनु खत्तम करने चा मौका सोधी पलते।

लूका 2:47

ते जितने ओची सुणी पलते वे सारे ओची समझ कनु ते ओचे उत्तर कनु अचम्भित हुते।

लूका 20:19

वेही घड़ी शास्त्रीया ने ते प्रधान याजका ने ओनु पकड़ने चाह्‍ले, कांकि वे समझती गेलते कि ओणे अम्चे उपर हा मिसाल केहली, पर वे लौका कनु ङरले।

लूका 4:22

सब ने ओनु सराहले, ते जको अनुग्रह चीया बाता ओचे मुँहा कनु निकड़लीया हुतीया, वांचे कनु अचम्भित हुले, ते किहुं लाग़ले, “का हा यूसुफ चा पूत कोनी?”

यूहन्‍ना 7:1

यां बाता चे बाद, ईशु गलील मां फिरता रेहला। कांकि यहूदी नेते ओनु मारती नाखणे चा चारा लाली भिलते, ऐवास्ते ओ यहूदिया मां फिरना ना चाहता।

यूहन्‍ना 7:19

का मूसा ने तम्हानु व्यवस्था कोनी ङिली हुती? तां वी तम्चे महु कुई वी व्यवस्था उपर ना चली। तम्ही कां मनु मारती नाखणे चाहवा?”

यूहन्‍ना 7:46

पाहरेदारा ने केहले, “कुई वी बन्दे ने आज़ तक इसड़ीया बाता कोनी केहलीया जको ऐणे केहलीया।”

प्रेरितां चे काम 24:25

जिसे बेले पौलुस धार्मिकता, ते संयम ते आणे आले न्यां चे बारे ची चर्चा करे पलता, तां फेलिक्स ने ङरती कर पौलुस नु उत्तर ङिला, “हमा तां जा, मौका ङेखती कर, मैं तनु बल्ति हकरवावी।”