मरकुस 1:27 - ओङ राजपूत

²⁷ ऐचे उपर सब लौक अचम्भा करते हुले, आपस मां बहस-बाजी करु लाग़ले, “हा का बात छै? हा तां कुई नवां उपदेश छै, ओ अधिकारा लारे अशुद्ध आत्मा नु वी आज्ञा ङिये, ते वे ओची आज्ञा मनी।”

मरकुस 1:27 ပူးပေါင်းရင်းမြစ်များ

मत्ती 15:31

जिसे बेले लौका ने ङेखले कि गूंगे ब़ोली, ते टुन्डे ठीक हुवी, ते लंगड़े टुरु पड़ती जई, ते अन्धे ङेख सग़ी तां अचम्भा करती कर इस्राएल चे नरीकारा ची बढ़ाई करली।

मत्ती 8:9

कांकि मैं वी प्रायधीन इन्सान छै, ते सिपाही माये अधीन छी। जब मैं हेके नु किहे, ‘जा,’ तां ओ चाह्‍ला जाये, ते ङुजे नु किहे, ‘आ,’ तां ओ आती जाये। ते जब आपणे कुई दासा नु किहे, ‘ईं कर,’ तां ओ करे।”

मत्ती 9:33

ते जिसे बेले ईशु ने दुष्टात्मा नु काढ़ती छोड़ले, तां गूंगा ब़ोलु लाग़ती गेला। ऐचे उपर भीड़ ने अचम्भा करती कर केहले, “इस्राएल मां इसड़े कङी कोनी ङेखले गेले।”

मरकुस 1:26

तब अशुद्ध आत्मा ओनु मरोड़ती कर ऊंची अवाजी मां रौल मचाती ओचे महु निकलती गेली

मरकुस 1:28

ते ओचे नां तुरन्त गलील चे आस-पास चे सारे प्रदेस मां फैलती गेले।

मरकुस 10:24

चैले ओचीया बाता कानु अचम्भित हुले। ऐचे पर ईशु ने बल्ति वानु केहले, “हे ब़ाले, जको धन चे उपर भरोसा राखी, वांचे वास्ते नरीकारा चे राज़ मां जाणे कितने मुश्किल छै!

मरकुस 10:32

वे यरुशलेम नु जते हुले मार्ग़ा मां हुते, ते ईशु वांचे आग़ु-आग़ु जाये पलता, चैले अचम्भित हुते ते जको ओचे भांसु-भांसु आवी पलते, वे ङरले आले हुते। तब ओ दोबारा वां ब़ारहा नु लारे गेहती कर, वानु वे बाता किहुं लाग़ला जको ओचे उपर आणे आलीया हुतीया,

मरकुस 16:5

कब्री चे भीतर जती कर वाणे हेके जवाना नु चिट्टी ओढ़णी घाले हुले सज़्ज़े पासु ब़ेहले ङेखले, ते ब़ोहत चकराती गेलीया।

मरकुस 16:6

ओणे वानु केहले, “चकरावा ना, तम्ही ईशु नासरी नु, जको क्रूसा उपर चढ़ाला गेलता, सोधा पलीया। ओ इठे कोनी, जीता हुती गेला, ङेखा, हाओ वा जग़हा छै, जिठे वाणे ओनु मेहले हुते।

मरकुस 7:37

ते बन्दा नु अचम्भा हुती गेला ते किहुं लाग़ले, “ईशु जको करे भले करे। इठे तक कि ओ बहरा नु सुणने वास्ते ते गूंगा नु ब़ोलणे वास्ते ताकत ङिये।”

लूका 4:36

ऐचे उपर सब नु अचम्भा हुला, ते वे आपस मां बाता करती कर किहुं लाग़ले, “हा किसड़ा वचन छै? कांकि ओ अधिकार ते सामर्थ चे लारे अशुद्ध आत्मा नु आज्ञा ङिये ते वे निकलती जई।”

लूका 9:1

बल्ति ईशु ने ब़ारहा प्रेरिता नु हकारती कर वानु सारीया दुष्टात्मा ते बिमारीया नु दूर करने ची सामर्थ ते अधिकार ङिला,

प्रेरितां चे काम 17:19

ऐवास्ते वे पौलुस नु अरियुपगुस पंचेत घरा मां गेहती गेले ते ओकनु पूछु लाग़ले, “का अम्ही जाण सग़ु, दुधे जरिये ङिली गेली हा नवीं शिक्षा का छै? का तु अम्हानु समझावे?