मरकुस 1:14 - ओङ राजपूत

¹⁴ यूहन्‍ना चे पकड़वाले जाणे चे बाद मां, बरब्यान जग़हा कनु आती कर ईशु ने गलील प्रदेस मां नरीकारा चे राज़ चा सुसमाचार प्रचार करला,

मरकुस 1:14 ပူးပေါင်းရင်းမြစ်များ

मत्ती 11:2

यूहन्‍ना बपतिस्मा ङेणे आले ने कैदखाने मां मसीह चे कामा चा समाचार सुणला ते आपणे चैला नु ओकनु ईं पूछणे वास्ते भेज़ले,

मत्ती 14:2

ते आपणे सेवका नु केहले, “ओ यूहन्‍ना बपतिस्मा ङेणे आला छै! ओ मरला आला महु जीता हुती गेला, ऐवास्ते ओचे कनु सामर्थ चे काम प्रकट हुवी पले।”

मत्ती 4:12

ईशु ने जिसे बेले सुणले कि यूहन्‍ना पकड़ीती चुकला ते ओ गलील प्रदेस सनु चाह्‍ला गेला।

मत्ती 4:17

ओ समय कनु ईशु ने सुसमाचार चा प्रचार करना ते ईं केहणे शुरु करले, “आपणे पापा कनु मन फिरावा कांकि स्वर्ग़ चा राज़ गोढु छै।”

मत्ती 4:23

ईशु सारे गलील प्रदेस मां फिरता हुला वांचे प्राथनाघरा मां उपदेश करता, ते नरीकारा चे राज़ चा सुसमाचार प्रचार करता, ते लौका ची हर-प्रकार ची बिमारी ते कमजोरी नु दूर करता रेहला।

मत्ती 9:35

ईशु सारे शहरा ते गांवा मां फिरता रेहला ते वांचे प्राथनाघरा मां उपदेश करता, ते नरीकारा चे राज़ चा सुसमाचार प्रचार करता, ते हर-प्रकार ची बिमारी ते कमजोरी नु दूर करता रेहला।

लूका 3:20

तां हेरोदेस ने वां सब कनु बधती कर हा कुकर्म वी करला कि यूहन्‍ना नु कैदखाने मां नाखती ङिले।

लूका 8:1

ऐचे बाद ईशु शहर-शहर ते गांवा-गांवा मां प्रचार करता हुला ते नरीकारा चे राज़ चा सुसमाचार सुणाता हुला घूमु लाग़ला, ते वे ब़ारहा प्रेरित वी ओचे लारे हुते।

प्रेरितां चे काम 20:25

“हमा ङेखा, मैं जाणे कि तम्ही सब जाये मां मैं नरीकारा चे राज़ चा प्रचार करता फिरला, माये मुँह बल्ति नी ङेखा।

प्रेरितां चे काम 28:23

बल्ति वाणे पौलुस चे वास्ते हेक ङिओ तय करला, ते जिसे घरा मां ओ हुता घणी तदात मां लौक ओठे भेले हुती गेले। ते ओ नरीकारा चे राज़ ची ग़वाही ङिता हुला, ते मूसा ची व्यवस्था ते भविष्यवक्‍ता चा किताबा महु ईशु मसीह चे बारे मां सवेले कनु लाती कर आथणे तक साफ रीति लारे वानु समझाता रेहला।

रोमियां 1:1

हा चिठ्ठी रोमियां ची कलीसिया वास्ते लिखली गेली पौलुस चे तरफु जको ईशु मसीह चा दास छै ते प्रेरित हुवणे चे वास्ते हकारला गेला ते नरीकारा चे ओ सुसमाचार वास्ते अलग़ करला गेला छै।

इफिसियां 2:17

ऐवास्ते आती कर ओणे तम्ही जको नरीकारा कनु दूर हुते ते जको गोढु हुते वानु ङुंहु नु मेल-मिलाप चा सुसमाचार सुणाला।