मत्ती 9:37 - ओङ राजपूत

³⁷ बल्ति ओणे आपणे चैला नु केहले, “पकले खेत तां ब़ोहत छी पर मजदूर थोड़े छी।

मत्ती 9:37 ပူးပေါင်းရင်းမြစ်များ

मत्ती 20:1

“स्वर्ग़ा चा राज़ कुई खेता चे मालिका आलीकर छै जको सवेले निकड़ला कि आपणी अंगूरा ची बाड़ी मां मजदूरा नु लावे।

मत्ती 28:19

ऐवास्ते तम्ही जावा, ते सब जातिया चे लौका नु चैले बणावा, ते वानु, ब़ा, ते पूत, ते पवित्र आत्मा चे नांवा लारे बपतिस्मा ङिया।

मत्ती 9:38

ऐवास्ते खेता चे मालिका कनु बिनती करा कि ओ आपणे खेता नु बाढणे वास्ते मजदूर भेज़ती ङियो।”

मरकुस 16:15

ते ओणे वानु केहले, “तम्ही सारे संसारा मां जती कर ते सारी सृष्टि चे लौका नु सुसमाचार प्रचार करा।

लूका 10:2

ओणे वानु केहले, “पकले खेत ब़ोहत छी, पर मजदूर थोड़े छी, ऐवास्ते खेता चे मालिका कनु बिनती करा कि ओ आपणे खेता नु बाढणे वास्ते मजदूर भेज़ती ङियो।

लूका 24:47

ते यरुशलेम कनु लाती कर सारे लौका नु मन फिराव चा ते पापा ची माफी चा प्रचार, ओचे नांवा लारे करला जई।

प्रेरितां चे काम 16:9

ओठे राती नु पौलुस ने हेके खाबा मां ङेखले कि हेक मकिदुनिया इलाके चा हेक जवान भिला आला, ओकनु हा विनती करे पला कि, “मकिदुनिया मां आती कर अम्ची सहायता कर।”

प्रेरितां चे काम 18:10

कांकि मैं दुधे लारे छै, कुई वी दुधे उपर हमला करती कर तनु नुकसान ना पुचा सग़ी, कांकि ऐह शहरा मां माये घणे सारे विश्‍वासी लौक छी।”

1 कुरिन्थियां 3:9

कांकि अम्ही नरीकारा चे भईवाल छिऊं। तम्ही नरीकारा ची भोंये छिवा, तम्ही नरीकारा चा भवन वी छिवा।

2 कुरिन्थियां 6:1

ते अम्ही जको नरीकारा चे भईवाल छिऊं, ईं वी समझाऊं, कि नरीकारा चा अनुग्रह जको तम्चे पर हुला, ओनु बेकार ना जऊं ङिया।

कुलुस्सियां 4:11

ते ईशु जको यूस्तुस किहवावे, तम्हानु नमस्कार किहे पला। खतना करले आले लौका महु सेर्फ येही नरीकारा चे राज़ चे वास्ते माये लारे काम करने आले ते माई शान्ति ची वजह रेहले।

1 तीमुथियुस 5:17

जको अग़ुवे आच्छा प्रबन्ध करते हो, खास करती वे जको वचन सुणावणे ते सिखावणे मां मेहनत करी, ङोन गुणा कद्दर चे लायक समझले जाओ।

याकूब 5:4

ते ङेखा, तम्चे खेता मां जिसा मजदूरा ने काम करले, तम्ही वानु धोक्‍का ङिती कर वांची मजदूरी हमा तक कोनी ङिली। ते वाहो मजदूरी चीखे ते रौल मचावे पली। ते खेता मां काम करने आले मजदूरा चा चीखा ते धाड़-धाड़ सर्वशक्‍तिमान प्रभु चे काना तक पुज़ती गेली।