मत्ती 9:15 - ओङ राजपूत

¹⁵ ईशु ने वानु केहले, “जब तक बीन्द बरातीया लारे रिहे, का वे ङुखी हो सग़ी? पर वे ङिहें आवे जब बीन्द वांचे कनु अलग़ करला जई, ओ समय वे उपवास राखे।”

मत्ती 9:15 ပူးပေါင်းရင်းမြစ်များ

मत्ती 9:14

बल्ति यूहन्‍ना चे चैला ने ओचे गोढु आती कर केहले, “का वजह छै कि अम्ही ते फरीसी इतना उपवास राखु, पर दुधे चैले उपवास ना राखी?”

मत्ती 9:16

“नवें ओढ़णा ची टाकी पुराणे ओढ़णा उपर कुई ना लावी, कांकि वा टाकी ओ ओढ़णा कनु कोच्छ नेरे छिकती गिहे, ते ऊं ओढ़ण ज्यादा फड़ीती जाये।

मरकुस 2:19

ईशु ने वानु केहले, “जब तक बीन्द बरातीया लारे रिहे, का वे उपवास राख सग़ी? तां जब तक बीन्द वांचे लारे छै, तब तक वे उपवास ना राख सग़ी।

मरकुस 2:20

पर वे ङिहें आवे बीन्द वाकनु अलग़ करला जई, ते बल्ति वे ओ समय उपवास राखे।

लूका 17:22

ते ईशु ने चैला नु केहले, “वे ङिहें आवे, जाये मां तम्ही मैं इन्सान चे पूता चे ङिहां महु हेक ङिओ ङेखणा चाहवा, ते नी ङेख सग़ा।

लूका 5:34

ईशु ने वानु केहले, “जब तक बीन्द बरातीया लारे रिहे,का तम्ही वाकनु उपवास रखवा सग़ा?

लूका 5:35

पर वे ङिहें आवे, जाये मां बीन्द वाकनु अलग़ करला जई, बल्ति वे वां ङिहां मां उपवास राखे।”

यूहन्‍ना 16:6

पर जको ये बाता मैं तम्हानु केहलीया ऐवास्ते तम्चे मन ङुखा लारे भरीती गेले।

यूहन्‍ना 3:29

जाई बीन्दणी छै ओही बीन्द छै। पर बीन्दा चा मित्र जको भिला रेहती ओची सुणे, बीन्दा चीया बाता लारे ब़ोहत ही खौश हुवे। हमा हा माई खुशी पुरी हुली।

प्रेरितां चे काम 14:23

ते वाणे हर हेक कलीसिया मां वांचे वास्ते अग़ुवा नु चुणले, ते उपवास ते प्राथना करती कर वानु प्रभु चे हाथा मां सोंपले जाये उपर वाणे विश्‍वास करला हुता।

1 कुरिन्थियां 7:5

तम्ही हेके ङुजे कनु अलग़ ना रिहा, पर सेर्फ कोच्छ समय तक आपणी सेहमती लारे कि प्राथना वास्ते समय मिलो ते दोबारा हेक ङुजे लारे रिहा इसड़े ना हो कि तम्चे बेकाबु ची वजह कनु शैतान तम्हानु परखो।

2 कुरिन्थियां 11:27

मैं कई राती जाग़ती कर, खास करती भुक्‍का तरसेला रेहती कर, ते ठड्डी ची वजह कनु ते कम ओढ़णा ची वजह कनु मैं घणीया मुसीबता सहन करलीया।

प्रकाशितवाक्य 19:9

ते ओणे मनु केहले, “ईं लेख, कि धन्‍न छै ओ, जको मैमणे चे बीहा चे भोज़ मां हकारले गेले।” बल्ति ओणे मनु केहले, “ये वचन नरीकारा चे सच्‍च वचन छी।”

प्रकाशितवाक्य 21:2

बल्ति मैं पवित्र शहर नवें यरुशलेम नु स्वर्ग़ा कनु ते नरीकारा चे गोढु कनु तले उतरते ङेखले, ते ओ शहर वे बीन्दणी आलीकर हुता, जको आपणे मुणसा चे वास्ते सिंगार करली आली बीन्दणी हो।