मत्ती 7:15 - ओङ राजपूत

¹⁵ “कूड़े भविष्यवक्‍ता कनु चौकस रिहा, जिसे भेङा चे रूपा मां तम्चे गोढु आवी पर बादा मां वे, फाड़ने आले भेड़िये जिसड़े छी।

मत्ती 7:15 ပူးပေါင်းရင်းမြစ်များ

मत्ती 10:17

पर लौका कनु चौकस रिहा, कांकि वे तम्हानु कई प्राथनाघरा मां सोंपे, ते पंचेता मां तम्हानु कोड़े मारे।

मत्ती 16:11

तम्ही कां कोनी समझले कि मैं तम्हानु रोटीया चे बारे मां कोनी केहले, पर ईं कि तम्ही फरीसिया ते सदूकिया चे खमीरा कनु चौकस रिहा।”

मत्ती 16:6

ईशु ने वानु केहले, “ङेखा, फरीसिया ते सदूकिया चे खमीर कनु चौकस रेहजा।”

मत्ती 24:11

ते ब़ोहत सारे कूड़े भविष्यवक्‍ता उठती खड़े हुवे, ते घणा नु भरमावे।

मत्ती 7:14

कांकि सकड़े छै ऊं दरवाजे ते मुश्किल छै ओ मार्ग़ जको जीन्दगी सनु गेहती जाये, ते थोड़े छी जको ओनु सोती गिही।

लूका 12:15

ते ओणे वानु केहले, “चौकस रिहा, ते हर-तरहा चे लोभ कनु आपणे आप नु बचाती राखा, कांकि धन ची बढोतरी हुवणे उपर वी काया जीवन ओचे धन चे भरोसे खुशी लारे ना चल सग़ी।”

लूका 6:26

हाय तम्हा पर, जब सारी बन्दी तम्हानु भले किही, कांकि वांचे ङाङा-ब़ा कूड़े भविष्यवक्‍ता लारे इसड़ा ही सलूक करते।

यूहन्‍ना 10:12

मजदूर ना तां आजड़ी छै ना ही भेङा चा मालिक छै। भेड़िये नु आते ङेखती कर, भेङा नु छोड़ती कर नासती जाये। भेड़िया वानु पकड़ती इंगे-ऊंगे खिंडाती नाखे।

प्रेरितां चे काम 13:40

ऐवास्ते चौकस रिहा, इसड़े ना हो कि, जको भविष्यवक्‍ता चा किताबा मां लिखले आले छै, तम्चे उपर आती पड़ो,

प्रेरितां चे काम 13:6

ते ओ सारे टापू मां हुती कर, पाफुस शहरा मां पुज़ले। ओठे वानु बार-यीशु नांवा चा हेक जादूगर मिड़ला, जको यहूदी ते कूड़ा भविष्यवक्‍ता हुता।

गलातियां 2:4

ईं वां कूड़े भावां ची वजह कनु हुले कि जको चोरी लारे घिरती आलते, मसीह ईशु मां आजादी जको अम्हानु मिड़ली विचा भेद गेहती अम्हानु गुलाम बणाओ।

इफिसियां 4:14

अम्ही इसड़ी ब़ाले बणली ना रिहुं कि हवाई लारे उछलती ना जऊं बन्दी जको ठग़्ग़ विधिया नु बधावी, भ्रम चे लारे भरले आले व्यवहार कनु, ते इसड़े ढोंगीपणे कनु इंगे-ऊंगे भटकाती ङी

इफिसियां 5:6

कुई तम्हानु फालतु बाता मां धोक्‍का ना ङियो, कांकि जा कामा ची वजह कनु नरीकारा चा गुस्सा आज्ञा ना मनणे आले बन्दा उपर रिहे,

फिलिप्पियां 3:2

कुत्ता चे समान बन्दा कनु चौकस रेहजा, वां बुरे काम करने आला कनु चौकस रिहा, वां कटती करने आला कनु चौकस रिहा।

कुलुस्सियां 2:8

चौकस रिहा कि कुई तम्हानु ओह भौतिक ज्ञान ते बेकार धोक्‍के लारे शिकार ना करती गिहो, जको बन्दा ची परम्परा ची मत्त ते संसारा ची बुरी आत्मा ची शिक्षा चे अनुसार छै, पर मसीह चे अनुसार कोनी।

2 तीमुथियुस 3:13

पर दुष्ट, ते बहकाणे आले धोक्‍का ङिते हुले, बिगड़ते हुले चाह्‍ले जाये।

2 तीमुथियुस 4:3

कांकि इसड़ा समय आवी, लौक खरा वचन नी सुणना चाहवे पर आपणी मर्जी चे अनुसार आपणे वास्ते घणे उपदेश ङेणे आले सोती गिहे।

2 पतरस 3:17

ऐवास्ते हे प्यारे, तम्ही लौक पेहले ही कनु यां बाता नु जाणती कर चौकस रिहा, कि अधर्मीया चे भ्रम मां फसती कर आपणी मजबूती नु हाथा लारे किठी गुंती ना ब़ेसा।

1 यूहन्‍ना 4:1

हे प्यारे, हर हेक आत्मा चा विश्‍वास ना करा, बल्कि आत्मा नु परखा कि वे नरीकारा ची ओर कनु छी जा कोनी। कांकि ब़ोहत सारे कूड़े भविष्यवक्‍ता संसारा महु निकलती खड़े हुले।

यहूदा 1:4

कांकि कितनी इसड़ी इन्साने चोप-चाप तम्चे मां घिरती आली, जाये ऐ ङण्ड चे बारे मां शास्त्रा ने पेहले कनु ही भविष्यवाणी करती ङिलती। ये भग़तीहीन छी, ते अम्चे नरीकारा चे अनुग्रह नु लोचपण करने वास्ते पट्टा समझती गेला, ते अम्चे सेर्फ स्वामी प्रभु ईशु मसीह चा इन्कार करी।

प्रकाशितवाक्य 16:13

ते बल्ति मैं ओ अजगर चे मुँहा कनु, ते ओ ङरावणे ढौरा चे मुँहा कनु ते ओचे कूड़े भविष्यवक्‍ता चा मुँहा कनु तीन दुष्टात्मा नु ङेङरा चे रूपा मां निकलते हुले ङेखले।

प्रकाशितवाक्य 17:6

ते मैं वे असतरी नु पवित्र लौका चे लुहीं ते ईशु उपर विश्‍वास करने आला लौका चे लुहीं पीती कर मतवाली हुली फिरेली, ते मैं विनु ङेखती कर हैरान हुती गेला।

प्रकाशितवाक्य 19:20

ते ऊं ङरावणे ढौर ते ओचे लारे ओ कूड़ा भविष्यवक्‍ता पकड़ीला गेला, जेह्णे ओचे सामणे इसड़े चैन्ह ङिखाणले हुते, जाये जरिये ओणे वानु भरमाले हुते, जाणे ओ ङरावणे ढौरा ची मौहर लवाली हुती, ते जको वे मूर्ति ची पूजा करते। ऊं ङरावणे ढौर ते कूड़े भविष्यवक्‍ता नु जीते-जी ओ जाखते ची झील मां जको गन्धक लारे ब़लती रिहे, नाखती ङिले गेले।

प्रकाशितवाक्य 20:10

ऐचे बाद वांचा भरमाणे आला शैताना नु धधकते जाखते ची गन्धक ची झील मां भुकाले जई, जाये मां ऊं ङरावणे ढौर ते कूड़े भविष्यवक्‍ता वी हुवे, नाखती ङिले जई, सदा-मदा चे वास्ते वानु रात-ङिओ तड़फाले जई।