मत्ती 6:6 - ओङ राजपूत

⁶ पर जिसे बेले तु प्राथना करी, तां आपणी भितरली कोठी मां जा, ते दरवाजे बन्द करती कर आपणे ब़ा नरीकार जको गुप्त मां छै प्राथना कर। बल्ति दुधा ब़ा नरीकार जको गुप्त मां ङेखी तनु फल ङिही।

मत्ती 6:6 ပူးပေါင်းရင်းမြစ်များ

मत्ती 14:23

ओ लौका नु विदा करती कर, प्राथना करने वास्ते अलग़ पहाड़ा उपर चाह्‍ला गेला। ते ङिओ थोले ओ हेकला हुता।

मत्ती 6:18

ताकि लौक ना, पर तम्चा ब़ा नरीकार जको गुप्त मां छै, तम्हानु उपवास राखले आले जाणे। इसड़ी दशा मां दुधा ब़ा नरीकार जको गुप्त मां ङेखे तनु फल ङिही।

मत्ती 6:4

ताकि दुधा दान गुप्त रिहो, ते बल्ति दुधा ब़ा नरीकार जको गुप्त मां ङेखे, तनु फल ङिही।

यूहन्‍ना 1:48

नतनएल ने ईशु कनु पूछले, “तु मनु किवें जाणी?” ईशु ने ओनु उत्तर ङिला, “ऐचे कनु पेहले फिलिप्पुस ने तनु हकारले, जिसे बेले तु अंजीरा चे पेड़ा तले हुता, ओ बेले मैं तनु ङेखले हुते।”

यूहन्‍ना 20:17

ईशु ने विनु केहले, “मनु हाथ ना ला, कांकि मैं हालि तक ब़ा नरीकारा सनु उपर कोनी गेला। पर माये भावां कनु जती कर वानु केहती ङे कि, ‘मैं आपणे ब़ा ते तम्चे ब़ा, आपणे नरीकार ते तम्चे नरीकारा चे गोढु उपर जाये पला।’ ”

प्रेरितां चे काम 10:30

कुरनेलियुस ने केहले, “येही घड़ी, पुरी चार ङिहें हुली, मैं आपणे घरे तीजे पाहरा नु प्राथना करे पलता, तां ङेखा, हेक मर्द चमकणी ओढ़णी घाले हुले, माये सामणे आती भिला रेहला।

प्रेरितां चे काम 10:9

ङुजे ङिओ जब वे टुरते-टुरते शहरा चे गोढु पुज़ले, तां ङुपाहर हुवणे कनु पेहले पतरस छत्ते उपर प्राथना करने वास्ते चढ़ला।

प्रेरितां चे काम 9:40

बल्ति पतरस ने सारा नु ब़ाहर काढ़ती ङिले, ते गोङे टेकती कर प्राथना करली ते मय्यत नु ङेखती कर केहले, “हे तबीता, ऊठ।” बल्ति विणे आपणीया आँख खोलती ङिलीया ते पतरस नु ङेखती कर ऊठती ब़ेहली।

रोमियां 8:5

कांकि शरीरिक इन्सान शरीरा चा बाता उपर मन लावे, पर जको इन्सान आत्मा चे अनुसार चले, ऊं आत्मा चा बाता उपर मन लावे।

इफिसियां 3:14

मैं ये वजह कनु ओ नरीकारा चे सामणे गोङे टेके पला,