मत्ती 5:30 - ओङ राजपूत

³⁰ अगर दुधा सज़्ज़ा हाथ दुधे कनु पाप करवावे, तां ओनु बाढती कर भुकाती नाख, कांकि दुधे वास्ते ईं भले छै कि दुधे अंगा महु हेक नाश हुती जाओ ते दुधे सारे शरीर नर्का मां ना नाखले जाओ।

मत्ती 5:30 ပူးပေါင်းရင်းမြစ်များ

मत्ती 11:6

ते धन्‍न छी वे, जको माये उपर भरोसा करना ना छोड़ी।”

मत्ती 13:21

पर आपणे भीतर ज़हड़ ना राखणे ची वजह कनु वे थोड़े ही ङिहां चे छी। ते जिसे बेले वचना ची वजह कनु वांचे उपर क्लेश जा परेशानी आवे, तां वे तुरन्त ठोकर खाती जई।

मत्ती 16:23

ईशु ने मुड़ती कर पतरस नु केहले, “हे शैतान, माये सामणे कनु दूर हो! तु माये वास्ते ठोकर ची वजह छी। कांकि तु नरीकारा चीया बाता उपर ना, पर तु इन्साना चीया बाता उपर मन लावी।”

मत्ती 17:27

तांवी ऐवास्ते कि अम्ही वानु ठोकर खुलाऊं तु झील चे किनारे जती कर कांटा नाख ते जको माछली पेहले निकले, विनु चा, विचे मुँह खोलणे उपर तनु हेक सिक्‍का मिली, ओनु चती कर माये ते आपणे बदले वानु ङिती ङियो।”

मत्ती 18:8

“अगर दुधा हाथ जा दुधा पग़्ग़ तनु ठोकर खुलाओ, तां ओनु बाढती कर भुकाती नाख, टुन्डा जा लंगड़ा हुती कर जीवन मां जाणे दुधे वास्ते ऐचे कनु भले छै कि ङोन हाथ जा ङोन पग़्ग़ रेहते हुले तु अनन्त जाखते मां नाखला जई।

मत्ती 22:13

बल्ति राजे ने सेवका नु केहले, ‘ऐचे हाथ पग़्ग़ ब़ांथी कर ऐनू ब़ाहरु अन्धारे मां नाखती ङिया, ओठे रोवणे, ते ङांत पीसणे हुवी।’

मत्ती 25:20

जानु पाँच घड़े मिड़ले हुते, ओणे पाँच घड़े नेरे आणती कर केहले, ‘हे मालिक, तु मनु पाँच घड़े सोंपले हुते, ङेख, मैं पाँच घड़े नेरे कमाले।’

मत्ती 26:31

तब ईशु ने वानु केहले, “तम्ही सारे जणे आज़ ही राती नु माई वजह कनु ठोकर खावा, कांकि पवित्रशास्त्र मां लिखले पले, “ ‘मैं आजड़ीया नु मारी, ते झोण्ड चा भेङा इंगे-ऊंगे हुती जाये।’

मत्ती 5:22

पर मैं तम्हानु किहे कि जको कुई आपणे भावां उपर गुस्सा करे, ऊं कचेहरी मां ङण्ड चे लायक हुवी, ते जको कुई आपणे भावां नु निक्‍कमा किही, ऊं महासभा मां ङण्ड चे लायक हुवी। ते जको कुई आपणे भावां नु किहे अरे मूर्ख, नरीकार ओनु नर्क चे जाखते मां नाखती ङिही।

मत्ती 5:29

अगर दुधी सज़्ज़ी आंख दुधे कनु पाप करवावे, तां विनु काढ़ती कर भुकाती नाख, कांकि दुधे वास्ते ईं भले छै कि दुधे अंगा महु हेक नाश हुती जाओ ते दुधे सारे शरीर नर्का मां ना नाखले जाओ।

मरकुस 9:43

अगर दुधा हाथ तनु ठोकर खुलाओ तां ओनु बाढती नाख। टुन्डा हुती कर जीवन मां जाणे दुधे वास्ते ऐचे कनु भले छै कि ङोन हाथ रेहते हुले नर्का चे जाखते मां नाखला जई जको कङी ब़िझणे चे कोनी।

लूका 12:5

मैं तम्हानु चितावें पला कि तम्हानु काये कनु ङरणे चाही छै, घात करने चे बाद, नरीकारा नु नर्का मां नाखणे चा अधिकार छै, ओचे कनु ङरा, यानि मैं तम्हानु किहे पला ओचे कनु ङरा।

लूका 17:2

जको कुई यां छोटा महु कानु ठोकर खुलाओ, ओचे वास्ते ईं भले हुवीया कि घर्टी चा पोड़ ओचे गले मां लटकाला जईया, ते ओ समुन्दरा मां नाखती ङिला जईया।

रोमियां 9:33

जिसड़े कि पवित्रशास्त्रा मां लिखले पले, “ङेखा, मैं सिय्योन मां ठोकर खाणे चा पत्थर, जको ठोकर खाणे ची चट्टान छै मेहले पला। ते जको ओचे उपर विश्‍वास करी, ऊं शर्मिन्दे नी हुवी।”

1 कुरिन्थियां 8:13

ऐवास्ते अगर खाणे काये वास्ते ठोकर ची वजह बणे, तां मैं मीट चे खाणे कङी वी नी खई, कि मैं आपणे भावां ची ठोकर ची वजह बणे।

गलातियां 5:11

पर हे भऊ ब़ेहणी, अगर मैं हमा तक खतने चा प्रचार करी हा, तां कां हमा तक सताला जाये? अगर इसड़े हुवीया तां मसीह चे क्रूसा ची वजह कनु आली सारी रुकावटा खत्तम हुती जईया।

1 पतरस 2:8

हेक इसड़ा पत्थर जाये कनु वे ठोकर खई, हेक इसड़ी चट्टान जाये उपर वे फिसलती कर ढेती पड़ी।” वे वचना मां विश्‍वास ना करने चाहवी, ऐवास्ते वे ठोकर खाती कर ढेती पड़ी। हाओ वांचे भाग़ा मां लिखले पले।