मत्ती 5:25 - ओङ राजपूत

²⁵ “जब तक तु आपणे मुद्दई चे लारे मार्ग़ा मां ही छी, ओचे लारे झटपट मेल-मिलाप करती गे कङी इसड़े ना हो कि मुद्दई तनु न्यांयी नु सोंपे, ते न्यांयी तनु सिपाहीया चे हाथ सोंपती ङिये, ते तु कैदखाने मां नाखती ङिला जई।

मत्ती 5:25 ပူးပေါင်းရင်းမြစ်များ

मत्ती 26:58

ते पतरस दूर ही दूर ओचे भांसु-भांसु महायाजक चे बेहड़े तक गेला, ते भीतर जती कर अन्त ङेखणे नु पाहरेदारा लारे ब़ेसती रेहला।

लूका 18:3

ते ओही शहरा मां हेक बांढी असतरी वी रेहती, जको ओचे गोढु आती कर केहती रेहती, ‘माये दुश्मना लारे माया सही न्यां करती ङे।’

2 कुरिन्थियां 6:2

कांकि नरीकार तां किहे, “मैं ठीक समय उपर दुधी सुणती गेहली, ते उद्धार चे ङिओ मैं दुधी सहायता करली।” ङेखा! हमा ठीक समय हाओ छै। ते नरीकारा कनु उद्धार गेहणे चा ङिओ वी हाओ छै।

इब्रानियां 12:17

तम्हानु पता ही छै कि ओचे बाद जब ओणे वा आशीष दुबारा गेहणी चाह्‍ली, ओनु नालायक समझले गेले। बल्ति ओणे हींजवे बाहती कर वे आशीष नु गेहणे चाह्‍ले, पर पश्‍चयाताप करने चा मौका नी मिड़ला।

इब्रानियां 3:13

पर जब तक ओ ङिओ, जानु “आज़” केहला जाये, अम्चे सामणे छै, हर हेक ङिओ हेके ङुजे ची हिम्मत ब़न्धाते रिहा, इसड़े ना हो कि तम्चे महु कुई वी पाप चे छल मां कठोर बणती जाओ।

इब्रानियां 3:7

तां जिंवे पवित्र आत्मा किहे पला, “अगर आज़ तम्ही ओची अवाज सुणा,