मत्ती 5:22 - ओङ राजपूत

²² पर मैं तम्हानु किहे कि जको कुई आपणे भावां उपर गुस्सा करे, ऊं कचेहरी मां ङण्ड चे लायक हुवी, ते जको कुई आपणे भावां नु निक्‍कमा किही, ऊं महासभा मां ङण्ड चे लायक हुवी। ते जको कुई आपणे भावां नु किहे अरे मूर्ख, नरीकार ओनु नर्क चे जाखते मां नाखती ङिही।

मत्ती 5:22 ပူးပေါင်းရင်းမြစ်များ

मत्ती 10:17

पर लौका कनु चौकस रिहा, कांकि वे तम्हानु कई प्राथनाघरा मां सोंपे, ते पंचेता मां तम्हानु कोड़े मारे।

मत्ती 10:28

जको शरीरा नु घात करी, पर आत्मा नु घात ना कर सग़ी, ओकनु ना ङरजा, पर नरीकारा कनु ही ङरा, जको आत्मा ते शरीर ङुंहु नु नर्का मां नाश कर सग़े।

मत्ती 12:24

पर फरीसिया ने ईं सुणती कर केहले, “हा दुष्टात्मा चे सरदार बालजबुल ची सहायता चे बिना दुष्टात्मा नु ना काढ़ी।”

मत्ती 17:5

ओ ब़ोले ही पलता कि हेक चिट्टे बदला ने वानु घेरती गेले, ते ओ बदला महु हा अवाज आली, “हा माया प्यारा पूत छै, जाये कनु मैं खौश छै। ऐची सुणा!”

मत्ती 18:21

बल्ति पतरस ने ईशु चे गोढु आती कर केहले, “हे प्रभु, अगर माया विश्‍वास करने आला भऊ अपराध करता रिहे, ते मैं ओनु कितना वारी माफ करे, का सात वारी तक?”

मत्ती 18:35

“ऐह रीति लारे अगर तम्चे महु हर हेक आपणे भावां नु मना लारे माफ नी करी, ते माया ब़ा नरीकार जको स्वर्ग़ा मां छै तम्चे लारे वी इसड़े ही करी।”

मत्ती 23:15

“हे कप्पटी शास्त्री ते फरीसी तम्चे उपर हाय! तम्ही हेक जणे नु आपणे मत्त मां आणने वास्ते, सारे जल ते थल मां फिरते रिहा, ते जिसे बेले ओ मत्त मां आती जाये तां ओनु आपणे कनु दुगना नर्का आले बणाती ङिया।

मत्ती 23:33

हे नाग़ु! हे अजगर ची ऊलाद्ध! तम्ही नर्का चे ङण्ड कनु किवें बचा?

मत्ती 25:41

“बल्ति खब़्ब़े पासे आला नु किही, ‘हे श्रापित लौक, माये सामणे कनु ओ अनन्त जाखते मां चाह्‍ले जावा, जको शैतान ते ओचे दूता वास्ते तियार करले गेले।

मत्ती 26:59

प्रधान याजका ते सारी महासभा ईशु नु मारती नाखणे वास्ते ओचे विरोध मां कूड़ी ग़वाही ची खोज मां हुते।

मत्ती 3:17

ओही बेले हा आकाशवाणी हुली, “हा माया प्यारा पूत छै। ऐकनु मैं ब़ोहत खौश छै।”

मत्ती 5:34

पर मैं तम्हानु ईं किहे पला कि कङी कसम ना खाजा, ना तां स्वर्ग़ा ची, कांकि ओ नरीकारा चा सिंहासन छै,

मत्ती 5:44

पर मैं तम्हानु ईं किहे कि आपणे दुश्मना लारे प्रेम राखा ते आपणे सतावणे आला वास्ते प्राथना करा,

मरकुस 14:55

प्रधान याजक ते सारी महासभा ईशु नु मारती नाखणे वास्ते ओचे विरोध मां कूड़ी ग़वाही ची खोज मां हुते, पर कोनी मिड़ली।

मरकुस 15:1

ङिओ उभरला तां तुरन्त प्रधान याजक, ते बङका ने, ते शास्त्रीया ने बल्कि सारी महासभा ने सलाह करली ते वाणे ईशु नु ब़न्धवाले, ते ओनु गेहली जती कर पिलातुस चे हाथा मां सोंपती ङिले।

लूका 12:5

मैं तम्हानु चितावें पला कि तम्हानु काये कनु ङरणे चाही छै, घात करने चे बाद, नरीकारा नु नर्का मां नाखणे चा अधिकार छै, ओचे कनु ङरा, यानि मैं तम्हानु किहे पला ओचे कनु ङरा।

लूका 22:66

जिसे बेले ङिओ उभरला तां लौका चे बङके ते प्रधान याजक ते शास्त्री भेले हुले, ते ईशु नु आपणी महासभा मां आणती कर पूछले,

यूहन्‍ना 11:47

ऐचे पर प्रधान याजका ते फरीसिया ने महासभा हकारली ते केहले, “अम्ही करु का? ईं बन्दे तां घणे चमत्कार चे चैन्ह ङिखाणे।

यूहन्‍ना 15:25

ते ईं ऐवास्ते हुले कि ओह वचन पूरा हो जको वांची व्यवस्था मां लिखला पला ‘वाणे माये लारे बेफालतु बैर करला।’

यूहन्‍ना 7:20

लौका ने उत्तर ङिला, “दुधे मां दुष्टात्मा छै। कूण तनु मारती नाखणे चाहवे?”

यूहन्‍ना 8:48

ईं सुणती यहूदिया ने ईशु नु केहले, “का अम्ही ठीक कोनी किहुं पले कि तु सामरी छी ते दुधे मां दुष्टात्मा छै?”

प्रेरितां चे काम 17:18

बल्ति कोच्छ इपिकूरी ते स्तोईकी दार्शनकारीया महु कोच्छ ओचे लारे तर्क करु लाग़ले, ते आपस मां किहुं लाग़ले कि, “हा बकवादी का केहणे चाहवे?” पर ङुजा ने केहले कि, “हा कुई नेरे देवता चा प्रचारक छै।” कांकि पौलुस तां प्रभु ईशु मसीह चा ते पुनरुत्थान चा सुसमाचार सुणाता।

प्रेरितां चे काम 22:30

ङुजे ङिओ ओणे ठीक-ठीक जाणने ची इच्छा लारे कि यहूदी ओचे उपर कां दोष लावी पलते, ओचे बन्धन खोलती ङिले, ते प्रधान याजका ते सारी महासभा नु भेले हुवणे ची आज्ञा ङिली, ते पौलुस नु तले गेहती गेले वांचे सामणे खड़े करले।

प्रेरितां चे काम 23:1

पौलुस ने महासभा सनु ध्यानारीत ङेखती कर केहले कि, “हे माई भऊ, मैं आज़ तक नरीकारा चे वास्ते बेलकोल इमानदारी लारे जीवन बिताला।”

प्रेरितां चे काम 24:20

जको इठे लौक भिले ये आप खौद्द ही बावड़ती ङियो कि महासभा चे सामणे यांणे मनु किसी बाते मां दोषी ङेखले।

प्रेरितां चे काम 4:15

पर वानु महासभा चे ब़ाहर जाणे ची आज्ञा ङिती कर, वे आपस मां विचार करु लाग़ले,

प्रेरितां चे काम 5:21

वे ईं सुणती कर ङिओ हुते ही मन्दरा मां जती कर उपदेश ङिऊं लाग़ले। पर महायाजक ते वांचे साथीया ने आती कर महासभा नु ते इस्राएलीया चे सब बङका नु भेले करले, ते कैदखाने मां हा केहती कर भेज़ले कि वानु गेहली आवा।

प्रेरितां चे काम 5:27

वाणे वानु बल्ति आणती कर महासभा चे सामणे भुकाणले ते महायाजका ने वाकनु पूछले,

प्रेरितां चे काम 6:12

ते लौका ते बङका ते शास्त्रीया नु भड़काती कर चढ़ती आले ते ओनु पकड़ती कर महासभा मां गेहती आले।

प्रेरितां चे काम 6:15

बल्ति सारा बन्दा ने जको महासभा मां ब़ेहले हुते, ओनु तकले ओचे मुँह स्वर्ग़दूता आलीकर ङेखले।

प्रेरितां चे काम 7:37

“हा ओही मूसा छै, जेह्णे इस्राएलीया नु केहले, ‘नरीकार तम्चे भावां महु तम्चे वास्ते माये सिरखरा हेक भविष्यवक्‍ता खड़ा करी।’

रोमियां 12:10

भाईचारे चे प्रेम लारे हेके-ङुजे उपर दया करो, आपस मां हेके-ङुजे नु आदर चे लारे आपणे आप कनु ज्यादा समान ङिया।

1 कुरिन्थियां 6:10

ना चोर, ना लोभी, ना शराबी, ना चुग़लखौर, ना ठग़्ग़ी करने आले नरीकारा चे राज़ चे वारिस नी हुवे।

1 कुरिन्थियां 6:6

पर इठे तां भऊ भावां मां मुकदमा हुवे ते ओ वी अविश्‍वासीया चे सामणे।

1 थिस्सलुनीकियां 4:6

कि ये बाते मां कुई आपणे भावां नु ना ठग़्ग़ो, ते ना ओचे उपर कुई दाह चलाओ, कांकि प्रभु यां सारीया बाता चा बदला गेहणे आला छै, जिसड़े कि अम्ही पेहले ही तम्हानु केहले ते चिताले वी हुते।

तीतुस 3:2

कानु वी बदनाम ना करो, झग़ड़ालु ना हो, पर नर्म सुभाव चे हो, ते सारे इन्साना लारे बङी नरमाई लारे रिहो।

इब्रानियां 12:25

ऐचा ध्यान रिहो कि तम्ही ओची आज्ञा ना टाला, जको तम्चे लारे बाता करे पला। जब वे, ङण्ड कनु नी बच सग़ले, जेह्णे ओची आज्ञा नी मनली, जेह्णे वानु धरती उपर चितावनी ङिली हुती, तब अम्ही ङण्ड कनु किवें बच सग़ु, अगर अम्ही ओची ना सुणु, जको स्वर्ग़ा कनु अम्हानु चितावनी ङिये?

इब्रानियां 5:9

ते सेद्ध बणती कर ओ खौद्द वां सब वास्ते जको ओची आज्ञा चा पालन करी अनन्त काल वास्ते उद्धार ची वजह बणती गेला।

याकूब 2:20

पर ओ निक्‍कमे बन्दे, का तु ईं वी जाणी कि कर्म चे बिना विश्‍वास बेकार छै?

याकूब 3:6

हा जुबान वी हेक जाखते छै। हा बुराई चा पूरा हेक संसार छै। हा जुबान अम्चे शरीरा चे अंगा महु इसड़ा अंग छै, जको पुरे शरीरा नु खत्तम करती नाखे ते अम्चे पुरे जीवन मां भाह लाती नाखे। अन्त मां जुबान वी नर्क चे जाखते लारे ब़ालती ङिली जई।

1 पतरस 2:23

ओ गाली सुणती कर कानु गाली ना काढ़ता, ते ङोख भोग़ती कर कानु वी धमकी ना ङिता, पर आपणे आप नु न्यां करने आले नरीकारा चे हाथा मां सोंपती ङिले।

1 पतरस 3:9

तम्ही बुराई चे बदले मां बुराई ना करा। ते ना गालीया चे बदले गालीया काढ़ा, पर ऐचे बदले आशीष ही ङिया। कांकि तम्ही आशीष चे वारिस हुवणे चे वास्ते हकारले गेले।

1 यूहन्‍ना 2:9

ते जको कुई हा ई किहे कि मैं सोज़ले मां छै, ते आपणे भावां लारे बैर राखे, ओ हमा तक अन्धकार मां ही छै।

1 यूहन्‍ना 3:10

ऐचे कनु नरीकारा ची ऊलाद्ध ते शैताना ची ऊलाद्ध जाणली जाये, जको कुई धर्म चे काम ना करी ऊं नरीकारा कनु कोनी, ते ना ऊं जको आपणे भावां ते ब़ेहणीया लारे प्रेम ना राखी।

1 यूहन्‍ना 5:16

अगर कुई आपणे भावां ते ब़ेहणीया नु इसड़ा पाप करते ङेखे, जाया नतीजा हमेशा ची मौत ना हो, ते ओनु आपणे भऊ ते ब़ेहणीया चे वास्ते प्राथना करनी चाही छै, ते नरीकार ओनु जीवन ङिही। मैं वांचे बारे मां बात करे पला जको वे इसड़े पाप करने मां लाग़ले आले छी, मैं वानु हमेशा ची मौत तक नी पुचावी। इसड़े पाप वी रिही, जाया नतीजा मौत छै। मैं तम्हानु इसड़े पापा चे वास्ते प्राथना करने वास्ते कोनी किहे पला।

यहूदा 1:9

पर प्रधान स्वर्ग़दूत मीकाईल तक ने जब मूसा ची लाश चे बारे मां शैताना लारे वाद-विवाद करे पलता, तां ओनु बुरे-भले वी ना केहती कर दोष लावणे ची वी हिम्मत कोनी करली, सेर्फ इतने केहले, “प्रभु तनु फटकार ङियो।”

प्रकाशितवाक्य 20:14

ते मौत ते पताल वी जाखते ची झील मां नाखले गेले। हा जाखते ची झील ही ङुजी मौत छै।