मत्ती 5:18 - ओङ राजपूत

¹⁸ कांकि मैं तम्हानु सच्‍च किहे कि जब तक आसमान ते धरती टलती ना जाओ, तब तक मूसा ची व्यवस्था महु हेक मात्रा जा ठींबी वी बिना पुरे हुले नी टली।

मत्ती 5:18 ပူးပေါင်းရင်းမြစ်များ

मत्ती 10:15

मैं तम्हानु सच्‍च किहे पला कि न्यां चे ङिओ, ओ शहरा ची दशा कनु सदोम ते अमोरा चे देशा ची दशा घणी सेहणे चे लायक हुवी।

मत्ती 10:23

जिसे बेले वे तम्हानु हेके शहरा मां सतावी, तां ङुजे शहरा सनु द्रोड़ती जजा। मैं तम्हानु सच्‍च-सच्‍च किहे पला, तम्ही इस्राएल चे सारे शहरा मां ना फिरती चुका कि मैं इन्साना चा पूत आती जई।

मत्ती 10:42

जको कुई यां छोटा महु हेके नु माया चैला जाणती कर सेर्फ हेक मुंगर ठाडे पाणी पिलावे, मैं तम्हानु सच्‍च किहे पला, ओ किसी रीति लारे आपणा प्रतिफल नी गुंवी।”

मत्ती 11:11

“मैं तम्हानु सच्‍च किहे पला कि जको असतरीया कनु जमले, वांचे महु यूहन्‍ना बपतिस्मा ङेणे आले कनु कुई बङे कोनी, पर जको स्वर्ग़ चे राज़ मां छोटे कनु छोटा छै, ओ यूहन्‍ना कनु वी बङा छै।

मत्ती 13:17

कांकि मैं तम्हानु सच्‍च किहे पला कि ब़ोहत से भविष्यवक्‍ता ने ते धर्मीया ने चाह्‍ले कि जको बाता तम्ही ङेखा पले, ङेखो, पर कोनी ङेखलीया, ते जको बाता तम्ही सुणा पले, सुणो, पर कोनी सुणलीया।

मत्ती 16:28

मैं तम्हानु सच्‍च किहे पला कि जको भिले, वांचे महु कोच्छ इसड़े छी कि जब तक मैं इन्साना चे पूता नु ओचे राज़ मां आते हुले नी ङेखती गिहे, तब तक मौत चा स्वाद कङी नी चाखे।”

मत्ती 17:20

ओणे वानु केहले, “आपणे विश्‍वास ची कमी ची वजह, कांकि मैं तम्हानु सच्‍च किहे पला, अगर तम्हानु राई चे ङाणे चे बराबर वी विश्‍वास हो, तां ऐ पहाड़ा नु केह सग़ा, ‘इठु सरकती कर ओठे चाह्‍ला जा’ तां ओ चाह्‍ला जई, नेरी कुई बात तम्चे वास्ते असम्भव नी हुवी।

मत्ती 18:18

“मैं तम्हानु सच्‍च किहे पला कि जको कोच्छ तम्ही धरती उपर ब़ांधा, ऊं स्वर्ग़ा मां ब़झी, ते जको कोच्छ तम्ही धरती उपर खोला, ऊं स्वर्ग़ा मां खुली।

मत्ती 18:3

ते केहले, “मैं तम्हानु सच्‍च किहे पला कि जब तक तम्ही ना फिरा ते ब़ाला आलीकर ना बणा, तम्ही स्वर्ग़ा चे राज़ मां जा नी सग़ा।

मत्ती 19:23

बल्ति ईशु ने आपणे चैला नु केहले, “मैं तम्हानु सच्‍च किहे पला कि धनवान चे स्वर्ग़ चे राज़ मां जाणे मुश्किल छै।

मत्ती 19:28

ईशु ने वानु केहले, “मैं तम्हानु सच्‍च किहे पला कि नवीं सृष्टि मां जिसे बेले मैं इन्साना चा पूत आपणी महिमा चे सिंहासना उपर ब़ेसी, तां तम्ही वी जको माये भांसु टुरती पले छिवा, ब़ारहा सिंहासना उपर ब़ेसती कर इस्राएल चे ब़ारहा गोत्रा चा न्यां करा।

मत्ती 21:21

ईशु ने वानु उत्तर ङिला, “मैं तम्हानु सच्‍च किहे पला, अगर तम्ही विश्‍वास राखा ते शक्‍क ना करा, तां ना सेर्फ ईं करा जको ऐ अंजीरा चे दरख्ता लारे करले गेले, पर अगर ऐ पहाड़ा नु वी किहा, ‘उखड़ती जा, ते समुन्दरा मां जती पड़,’ तां ईं हुती जई।

मत्ती 21:31

यां ङुंहु महु किसे ने ब़ा ची इच्छा पुरी करली?” वाणे केहले, “पेहले ने।” ईशु ने वानु केहले, “मैं तम्हानु सच्‍च किहे पला कि चुंगी गेहणे आले, ते वेश्या तम्चे कनु पेहले नरीकारा चे राज़ मां जाये।

मत्ती 23:36

मैं तम्हानु सच्‍च किहे पला, ये सारीया बाता ऐ समय चे लौका उपर आती पड़े।

मत्ती 24:2

ओणे चैला नु केहले, “तम्ही ईं सब ङेखा पले ना? मैं तम्हानु सच्‍च किहे पला, इठे पत्थरा उपर पत्थर वी नी छुट्टी जको ढाला नी जई।”

मत्ती 24:47

मैं तम्हानु सच्‍च किहे पला ओ ओनु आपणी सारी जायजाती उपर अधिकारी बणावी।

मत्ती 25:12

“बीन्दा ने उत्तर ङिला, ‘मैं तम्हानु सच्‍च किहे पला, मैं तम्हानु ना जाणी।’

मत्ती 25:40

“तब राजा वानु उत्तर ङी, ‘मैं तम्हानु सच्‍च किहे पला कि तम्ही जको माये यां छोटे कनु छोटे भावां महु कुई हेके लारे करले, ऊं माये ही लारे करले।’

मत्ती 25:45

“बल्ति मैं वानु उत्तर ङिही, ‘मैं तम्हानु सच्‍च किहे पला कि तम्ही यां छोटे महु छोटे कुई हेके लारे कोनी करले, ऊं माये लारे वी कोनी करले।’

मत्ती 5:26

मैं तम्हानु सच्‍च किहे पला कि जब तक तु कोड़ी-कोड़ी भरती ना ङी, तब तक तु उठु छोट्ट नी सग़े।

मत्ती 6:16

“जिसे बेले तम्ही उपवास राखा तां कप्पटीयां आलीकर तम्चे मुँहा उपर उदासी ना छाली रिहो, कांकि वे आपणे मुँह बणाली राखी, ताकि लौक वानु उपवास राखली आले जाणो। मैं तम्हानु सच्‍च किहे कि वे आपणा फल पाती चुकले।

मत्ती 6:2

“ऐवास्ते जिसे बेले तु गरीबा नु दान करी, तां आपणे आग़ु तूती ना बजवा, जिंवे कप्पटी, प्राथनाघरा मां ते गलीया मां करी, ताकि लौक वांची बढ़ाई करी मैं तम्हानु सच्‍च किहे कि वे आपणा प्रतिफल पाती चुकले।

मत्ती 8:10

ईं सुणती कर ईशु नु अचम्भा हुला, ते जको ओचे भांसु आवी पलते वानु केहले, “मैं तम्हानु सच्‍च किहे पला कि मैं इस्राएल मां वी इसड़ा विश्‍वास कोनी ङेखला।

मरकुस 10:15

मैं तम्हानु सच्‍च किहे जको कुई नरीकारा चे राज़ नु ब़ाला आलीकर स्वीकार नी करी, ओ ओचे मां कङी ना जा सग़ी।”

मरकुस 10:29

ईशु ने केहले, “मैं तम्हानु सच्‍च किहे पला कि इसड़े कुई कोनी, जेह्णे माये सुसमाचारा चे वास्ते घर, जा भावां नु, जा ब़ेहणीया नु, जा आई नु, जा ब़ा नु, जा ब़ाला-ब़च्‍चा नु, जा खेता नु छोड़ती ङिले हो,

मरकुस 11:23

मैं तम्हानु सच्‍च किहे पला कि जको कुई ऐ पहाड़ा नु किहे, ‘तु उखड़ती जा, ते समुन्दरा मां जती पड़,’ ते आपणे मना मां शक्‍क ना करा, बल्कि विश्‍वास करा कि जको किहे पला ऊं हुती जई, तां ओचे वास्ते ऊंही हुवी।

मरकुस 12:43

तब ओणे आपणे चैला नु गोढु हकारती कर वानु केहले, मैं तम्हानु सच्‍च किहे पला कि मन्दरा चे भण्डार मां नाखणे आला महु ये कंगाल बांढी ने सबकनु बधती कर नाखले।

मरकुस 13:30

मैं तम्हानु सच्‍च किहे पला कि जब तक ये सारीया बाता पुरीया ना हो, तब तक ये पीढ़ी चा अन्त नी हुवी।

मरकुस 14:18

जिसे बेले वे ब़ेसती खाणे खई पलते, तां ईशु ने केहले, “मैं तम्हानु सच्‍च किहे पला कि, तम्चे महु हेक, जको माये लारे खाणे खाये पला, मनु धोक्‍के लारे पकड़वावी।”

मरकुस 14:25

मैं तम्हानु सच्‍च किहे पला कि अंगूरा चा रस ओ ङिओ तक कङी नी पिही, जब तक नरीकारा चे राज़ मां नवां ना पीयें।”

मरकुस 14:30

ईशु ने ओनु केहले, “मैं तनु सच्‍च किहे पला कि आज़ ही येही राती नु कूकड़े चे ङोन वारी बांग ङेणे कनु पेहले, तु तीन वारी माया इन्कार करती गिहे।”

मरकुस 14:9

मैं तम्हानु सच्‍च किहे पला कि सारे संसारा मां जिठे-किठी सुसमाचार प्रचार करला जई, ओठे विचे ऐ कामा ची चर्चा वी विची यादगिरी मां करली जई।”

मरकुस 3:28

“मैं तम्हानु सच्‍च किहे पला कि, इन्साना ची ऊलाद्धी चे सारे पाप ते निन्दा जको करे, माफ करती ङिले जाये,

मरकुस 6:11

“जिसी जग़हा चे लौक तम्हानु ग्रहण ना करो ते तम्ची ना सुणो, उठु निकलते ही आपणे पग़्ग़ा ची धूड़ झाड़ती नाखा, कि वांचे उपर ग़वाही हो।”

मरकुस 8:12

ईशु ने आपणी आत्मा मां आंह भरती कर केहले, “ऐ समय चे लौक कां चैन्ह सोधी? मैं तम्हानु सच्‍च किहे पला कि ऐ समय चे लौका नु कुई नेरा चैन्ह नी ङिला जई।”

मरकुस 9:1

ईशु ने वानु केहले, “मैं तम्हानु सच्‍च किहे पला कि जको इठे भिले, वांचे महु कुई-कुई इसड़े छी, कि जब तक नरीकारा चे राज़ नु सामर्थ समेत आले हुले नी ङेखती गिहे, तब तक मौत चा स्वाद कङी वी नी चाखे।”

मरकुस 9:41

जको कुई हेक मुंगर पाणी पिलावे ऐवास्ते कि तम्ही मसीह चे छिवा मैं तम्हानु सच्‍च किहे पला, ओ किसी रीति लारे आपणा प्रतिफल नी गुंवी।

लूका 11:51

हाबिल ची मौत कनु गेहती कर जकरयाह ची मौत तक, जको मन्दर ते वेदी चे बीच मां मारती नाखले गेले, मैं तम्हानु सच्‍च किहे पला, यां सब चा लेखा ऐ समय चे लौका कनु गेहला जई।

लूका 12:37

धन्‍न छै, ओ दास, जानु मालिक आती कर सुज़ाक ङेखे, मैं तम्हानु सच्‍च किहे पला, कि ओ कमर कसती कर वानु खाणे उपर ब़िसाणी, ते गोढु आती वांची सेवा करी।

लूका 13:35

ङेखा, तम्चे घर तम्चे वास्ते उज़ाड़ छोड़ले जाये, ते मैं तम्हानु किहे पला जब तक तम्ही नी किहा, ‘धन्‍न छै ओ जको प्रभु चे नांवा लारे आवे,’ तब तक तम्ही मनु बल्ति कङी नी ङेखा।”

लूका 16:17

बल्ति आसमान ते धरती चे टलती जाणे सरल छै, पर मूसा ची व्यवस्था ची हेक-हेक ठींबी अटल छै।

लूका 18:17

मैं तम्हानु सच्‍च किहे पला कि जको कुई नरीकारा चे राज़ नु ब़ाला आलीकर स्वीकार नी करी ओ ओचे मां कङी ना जा सग़ी।”

लूका 18:29

ईशु ने वानु केहले, “मैं तम्हानु सच्‍च किहे पला कि इसड़े कुई कोनी जेह्णे नरीकारा चे राज़ वास्ते घर, जा घराआली, जा भावां, जा आई-ब़ा, जा ब़ाला-ब़च्‍चा नु छोड़ती ङिले हो।

लूका 23:43

ईशु ने ओनु केहले, “मैं तनु सच्‍च किहुं पला कि आज़ ही तु माये लारे स्वर्ग़ मां हुवे।”

लूका 4:24

ते ओणे केहले “मैं तम्हानु सच्‍च किहे पला, ‘कुई भविष्यवक्‍ता आपणे देशा मां मान-समान ना गे सग़ी।’ ”

यूहन्‍ना 1:51

बल्ति ओनु केहले, “मैं तम्हानु सच्‍च-सच्‍च किहे पला कि तम्ही स्वर्ग़ा नु खुड़ले आले ङेखा, ते नरीकारा चे स्वर्ग़दूता नु मैं इन्साना चे पूता चे गोढु उतरते ते उपर जते ङेखा।”

यूहन्‍ना 10:1

ईशु ने बल्ति वानु केहले, “मैं तम्हानु सच्‍च किहे कि जको कुई दरवाजे कनु बाड़ी मां ना आवी, पर किठु ङुजी जग़हा कनु चढ़ती आवे, ओह चोर ते ङाकु छै।

यूहन्‍ना 10:7

तब ईशु ने वानु बल्ति केहले, “मैं तम्हानु सच्‍च-सच्‍च किहे, भेङा चे दरवाजे मैं छै।

यूहन्‍ना 12:24

मैं तम्हानु सच्‍च-सच्‍च किहे, कि जब तक कणकी चा ङाणा भोंये मां ढेती कर खत्तम ना हुती जई, ओ हेकला रिहे। पर जिसे बेले खत्तम हुती जाये, ते ब़ोहत फल आणे।

यूहन्‍ना 13:16

मैं तम्हानु सच्‍च-सच्‍च किहे पला, दास आपणे मालिक कनु बङा ना हुवी, ते ना भेज़ला आला, आपणे भेज़णे आले कनु।

यूहन्‍ना 13:38

ईशु ने उत्तर ङिला, “का तु माये वास्ते आपणी जान ङिये? मैं तनु सच्‍च-सच्‍च किहे पला कि कूकड़ा बांग ङिही जब तक तु तीन वारी माया इन्कार नी करती गिहे।”

यूहन्‍ना 14:12

मैं तम्हानु सच्‍च-सच्‍च किहे कि जको माये उपर विश्‍वास राखे, ये कामे जको मैं करे, ऊं वी करी, यानि याकनु वी बङे काम करी, कांकि मैं ब़ा चे गोढु जाये पला।

यूहन्‍ना 16:20

मैं तम्हानु सच्‍च-सच्‍च किहे कि, तम्ही रोवा ते ढढावा पर संसार खुशी मनावी। तम्हानु ङोख हुवी, पर तम्चा गम खुशी मां बदलती जई।

यूहन्‍ना 16:23

“ओ ङिओ तम्ही माये कनु कोच्छ नी पूछा। मैं तम्हानु सच्‍च-सच्‍च किहे पला, अगर जको कोच्छ ब़ा नरीकारा कनु मांगा, तां ओ माये नांवा लारे तम्हानु ङिही।

यूहन्‍ना 21:18

मैं तनु सच्‍च-सच्‍च किहे पला, जब तु जवान हुता तां आपणी कमर कसती जिठे चाहता उठे फिरता रेहता, पर जब तु ब़ुढा हुवे तां आपणे हाथ पसारे, ते ङुजे तनु ब़ांहती कर जिठे तु नी चाहवे ओठे तनु गेहती जई।”

यूहन्‍ना 3:11

मैं तनु सच्‍च-सच्‍च किहे, कि जको अम्ही जाणु ऊंही किहुं, ते जानु अम्ही ङेखले ओची ग़वाही ङिऊं, ते तम्ही अम्ची ग़वाही ना मना।

यूहन्‍ना 3:3

ईशु ने ओनु उत्तर ङिला, “मैं तनु सच्‍च-सच्‍च किहे पला, अगर कुई नवें सिरे कनु ना जमही तां नरीकारा चा राज़ ङेख ना सग़ी।”

यूहन्‍ना 3:5

ईशु ने उत्तर ङिला, “मैं तम्हानु सच्‍च-सच्‍च किहे पला, जब तक कुई इन्सान जल ते आत्मा लारे ना जमही तां ऊं नरीकारा चे राज़ मां जा ना सग़ी।

यूहन्‍ना 5:19

ऐचे उपर ईशु ने वानु केहले, “मैं तम्हानु सच्‍च-सच्‍च किहे पला, पूत आपणे आप कहीं वी ना कर सग़ी, सेर्फ ऊं जको ब़ा नु करते ङेखे, कांकि जिसे-जिसे काम ब़ा करे वानु पूत वी वे ही रीति लारे करे।

यूहन्‍ना 6:26

ईशु ने वानु केहले, “मैं तम्हानु सच्‍च-सच्‍च किहे पला, तम्ही मनु ऐवास्ते कोनी सोधा पलते, कि अचम्भे चे कामा चे चैन्ह ङेखले, पर ऐवास्ते सोधा पलते कि तम्ही रज़ती कर रोटीया खालीया।

यूहन्‍ना 6:32

ईशु ने वानु केहले, “मैं तम्हानु सच्‍च-सच्‍च किहे पला, कि मूसा ने तम्हानु स्वर्ग़ा कनु रोटी कोनी ङिलती, पर माया ब़ा तम्हानु स्वर्ग़ा कनु सच्‍ची रोटी ङिये वे।

यूहन्‍ना 6:47

“मैं सच्‍च किहे पला, कि जको माये उपर विश्‍वास करी, अनन्त जीवन वांचा छै।

यूहन्‍ना 6:53

ये बाते उपर ईशु ने वानु केहले, “मैं तम्हानु सच्‍च किहे पला, जब तक मैं इन्साना चे पूता चे शरीरा नु नी खावा ते माये लुहीं नी पीया, तब तक तम्चे मां जीवन नी हुवी।

यूहन्‍ना 8:34

ईशु ने वानु उत्तर ङिला, “मैं तम्हानु सच्‍च-सच्‍च किहे पला, हर बन्दे जको पाप करे ऊं पाप चे गुलाम छै।

यूहन्‍ना 8:51

मैं तम्हानु सच्‍च किहे कि, अगर कुई बन्दे माये वचना उपर चले तां ओ कङी वी मौत नी ङेखी।”

यूहन्‍ना 8:58

ईशु ने वानु केहले, “तम्हानु सच्‍च-सच्‍च किहे पला अब्राहम चे पैदा हुले कनु पेहले, मैं छै।”

1 पतरस 1:25

पर प्रभु चा वचन हमेशा बणला रिही।” हा ओही सुसमाचार चा वचन छै जको तम्हानु सुणाला गेला हुता।

प्रकाशितवाक्य 20:11

बल्ति मैं हेक बङा चिट्टा सिंहासन ते ओचे उपर जको ब़ेहला हुता ङेखले, जाये सामणे कनु धरती ते आसमान नासती गेले, पर वांचा किठी पता तक कोनी लाग़ला।