मत्ती 5:16 - ओङ राजपूत

¹⁶ यूंही तम्चे सोज़ले बन्दा चे सामणे चमको, वे तम्चे भले कामा नु ङेखती कर तम्चे ब़ा नरीकारा ची महिमा करो जको स्वर्ग़ा मां छै।

मत्ती 5:16 ပူးပေါင်းရင်းမြစ်များ

मत्ती 23:5

वे आपणे सारे काम लौका नु ङिखाणने वास्ते करी। वे आपणे तवीजा नु चौड़े करी ते जको ठोङा उपर ते हाथा उपर ब़ांधी, ते आपणे चोला चे कूणे बधावी, ताकि बन्दी वानु धर्मी समझो!

मत्ती 23:9

धरती उपर कानु आपणा ‘ब़ा’ ना केहजा, कांकि तम्चा हेक ही ब़ा नरीकार छै, जको स्वर्ग़ा मां छै।

मत्ती 5:45

जाये कनु तम्ही आपणे स्वर्ग़ीय ब़ा ची ऊलाद्ध ठहराली जावा कांकि ओ भले ते बुरे ङुंहु उपर सूरज उग़ावे, ते धर्मी ते अधर्मी ङुंहु चे उपर मिंही बरसावे।

मत्ती 6:16

“जिसे बेले तम्ही उपवास राखा तां कप्पटीयां आलीकर तम्चे मुँहा उपर उदासी ना छाली रिहो, कांकि वे आपणे मुँह बणाली राखी, ताकि लौक वानु उपवास राखली आले जाणो। मैं तम्हानु सच्‍च किहे कि वे आपणा फल पाती चुकले।

मत्ती 6:9

“तां, तम्ही ये रीति लारे प्राथना करले करा, “ ‘हे अम्चा ब़ा, तु जको स्वर्ग़ा मां छी, दुधे नां पवित्र मनले जाओ।

मत्ती 9:8

लौक ईं ङेखती कर ङरती गेले ते नरीकारा ची महिमा करु लाग़ले, जेह्णे इन्साना नु इसड़ा अधिकार ङिला।

लूका 11:2

ईशु ने वानु केहले, “जिसे बेले तम्ही प्राथना करा तां केहजा, “ ‘हे ब़ा, दुधे नां पवित्र मनले जाओ, दुधा राज़ आओ।

यूहन्‍ना 15:8

माये ब़ा ची महिमा ऐचे लारे हुवे, कि तम्ही घणा सारा फल आणा, तब ही तम्ही माये चैले किहवावा।

प्रेरितां चे काम 9:36

याफा मां तबीता नांवा ची हेक विश्‍वासनी रेहती, जानु यूनानी भाषा मां दोरकास किही जाया मतलब हरणी हुवे। वा ब़ोहत सारे भले-भले काम ते दान करती रेहती।

1 कुरिन्थियां 14:25

ते ओचीया करतूत सामणे आती जई, ते तब ओ मुंधा हुती कर नरीकारा नु ङण्डवत करी, ते मनती गिही, कि सच्‍चमां नरीकार तम्चे आधे मां बसे पला।

2 कुरिन्थियां 9:13

तम्ची ये सेवा नु सबूत मनती कर वे नरीकारा ची महिमा करे, कांकि तम्ही मसीह चे सुसमाचार ची आज्ञा मनते हुले स्वीकार करले ते तम्ही नरीकारा चे लौका वास्ते ते सब ची सहायता करने मां उदारता ङिखाणली।

गलातियां 1:24

ते वे माई वजह कनु नरीकारा ची स्तुति करते।

इफिसियां 2:10

कांकि अम्ही ओचे बणाले आले छिऊं, ईशु मसीह मां भले कामा वास्ते बणाले गेले छिऊं। नरीकारा ने अम्हानु पेहले कनु तियार करले। के अम्ही ऊं करते हुले आपणी जीन्दगी बिताऊं।

इफिसियां 5:8

कांकि पेहले तम्ही अन्धारे मां हुती पर हमा प्रभु मां आणे चे बाद तम्ही ज्योति मां आती गेली, ज्योति ची ऊलाद्धी आलीकर चला।

1 थिस्सलुनीकियां 2:12

कि तम्चा चाल-चलन नरीकारा चे काबिल हो, जको तम्हानु आपणे राज़ ते महिमा मां हकारे।

1 तीमुथियुस 2:10

पर भले कामा चे लारे, कांकि नरीकारा ची भग़ती ग्रहण करने आलीया असतरीया नु ईं वाजिब वी छै।

1 तीमुथियुस 5:10

ते भले कामा मां सरनाम रेहली हो, जेह्णे ब़ाला चा पालन पोसण करला हो, मेहमाना ची सेवा करली हो, प्रभु चे पवित्र लौका चे पग़्ग़ धोले हो, ङुखीया ची सहायता करली हो, ते हर हेक भले कामा मां मन लाले हो।

1 तीमुथियुस 5:25

यूंही कितने भले काम वी प्रकट हुवी, ते जको ङिसी ना, वे वी छौप्प वी ना सग़ी।

1 तीमुथियुस 6:18

ते भलाई करो, ते भले कामा मां धनी बणो, ते उधार ते सहायता ङेणे मां हमेशा तियार रिहो।

तीतुस 2:14

जेह्णे आपणे आप नु अम्चे वास्ते ङिती ङिले, कि अम्हानु हर-तरहा चे अधर्म कनु छुड़ाती गिहो, शोद्ध करती आपणे वास्ते हेक इसड़ी जाति बणाती गिहो जको भले-भले कामा मां तियार हो।

तीतुस 2:7

सारीया बाता मां आपणे आप नु भले कामा चा नमुना बणा। दुधे उपदेशा मां सफाई, गम्भीरता,

तीतुस 3:14

ते अम्चे लौक वी जरुरता नु पुरीया करने वास्ते पुरे मना लारे आच्छे कामा मां लाग़ले रेहणे सिखो ताकि निक्‍कमे ना रिहो।

तीतुस 3:4

पर जिसे बेले अम्चे मुक्‍तिदाता नरीकारा ची किरपा, ते इन्साना उपर ओचा प्रेम उजागर हुला,

इब्रानियां 10:24

अम्ही हा वी खास ध्यान राखु कि अम्ही आपस मां प्रेम ते भले कामा मां हेके ङुजे नु किवें प्रेरित करते रिहुं।

1 पतरस 2:12

नेरीया जातिया मां तम्चा चाल-चलन भला हो, ऐवास्ते कि जिसीया जिसीया बाता मां वे तम्हानु बदनाम करी, वे तम्चे भले कामा नु ङेखती कर, प्रभु चे आणे चे ङिओ वे नरीकारा ची महिमा करो।

1 पतरस 2:9

पर तम्ही तां हेक चुणला आला वंश, ते राज़ पदधारी, याजका चा हेक समाज, ते पवित्र लौक, ते हेक इसड़ा झोण्ड जको नरीकारा चा आपणा छै, ताकि तम्ही नरीकारा चे महान कामा ची घोषणा कर सग़ा जेह्णे तम्हानु अन्धारे महु काढ़ती कर अदभोत सोज़ले मां हकारले। ओचे गोण उजागर करा। जिंवे पवित्रशास्त्र मां लिखले पले,

1 पतरस 3:1

हे घराआलीया तम्ही वी आपणे मुणसा चे वशा मां रिहा। ऐवास्ते कि अगर यांचे महु कुई इसड़े हो जको वचन नु ना मनते हो, तांवी तम्चे भय लारे पवित्र चाल-चलन नु ङेखती कर बिना वचन चे आपणी-आपणी घराआली चे चाल-चलन चे जरिये छिकिती जाओ।

1 पतरस 3:16

ते आपणे विवेक नु वी शोद्ध राखा, ऐवास्ते कि जिसीया बाता चे बारे मां वे जको मसीह मां तम्चे आच्छे चाल-चलन चा अपमान करी, शर्मसार हो।

1 पतरस 4:11

अगर कुई ब़ोलो, तां इसड़े ब़ोलो मना नरीकारा चा वचन छै, अगर कुई सेवा करे, तां वे ताकती लारे करो जको नरीकार ङिये, जाये मां सारीया बाता ईशु मसीह चे जरिये, नरीकारा ची महिमा प्रकट हो। महिमा ते साम्राज्य युगानयुग ओचा छै। आमीन।

1 पतरस 4:14

अगर तम्ची मसीही चे नांवा उपर बेकदरी हुवे, तां वे बेकदरी नु सहन करती गिहा कांकि तम्ही धन्‍न छिवा। कांकि महिमा ची आत्मा, जको नरीकारा चा आत्मा छै तम्चे मां वास करे।