मत्ती 5:12 - ओङ राजपूत

¹² ओ बेले आनन्द चे लारे मगन हुजा, कांकि तम्चे वास्ते स्वर्ग़ा मां बङा प्रतिफल छै। ऐवास्ते कि वाणे वां भविष्यवक्‍ता नु जको तम्चे कनु पेहले हुते यूंही सताले हुते।

मत्ती 5:12 ပူးပေါင်းရင်းမြစ်များ

मत्ती 16:27

मैं इन्साना चा पूत, स्वर्ग़दूता लारे आपणे ब़ा नरीकारा ची महिमा मां आवी, ओ समय उपर, हर हेक नु ओचे कामा चे अनुसार प्रतिफल ङिही।

मत्ती 6:16

“जिसे बेले तम्ही उपवास राखा तां कप्पटीयां आलीकर तम्चे मुँहा उपर उदासी ना छाली रिहो, कांकि वे आपणे मुँह बणाली राखी, ताकि लौक वानु उपवास राखली आले जाणो। मैं तम्हानु सच्‍च किहे कि वे आपणा फल पाती चुकले।

लूका 13:34

“हे यरुशलेम! हे यरुशलेम! तु भविष्यवक्‍ता नु मारती नाखी, ते जको दुधे गोढु भेज़ले गेले वांचे उपर पत्थराव करी। कितना ही वारी मैं ईं चाह्‍ले, कि जिंवे कूकड़ी आपणे ब़ाला नु आपणे खांपा तले भेले करे, यूंही मैं वी दुधे ब़ाला नु भेले करे, पर तम्ही ईं कोनी चाह्‍ले।

लूका 6:23

“ओ ङिओ तम्ही खौश हुती कर उछलजा, कांकि ङेखा, तम्चे वास्ते स्वर्ग़ा मां बङा प्रतिफल छै, याद राखा वांचे ङाङा-ब़ा भविष्यवक्‍ता चे लारे इसड़े ही करते।

लूका 6:35

बल्कि आपणे दुश्मना लारे प्रेम राखा, ते भलाई करा, ते बल्ति गेहणे ची आस ना राखती कर उधार ङिया, तां तम्चे वास्ते बङा फल हुवी, ते तम्ही परमप्रधान ची ऊलाद्ध ठहरा, कांकि ओ वांचे उपर जको धन्यवाद ना करी ते बुरा उपर वी कृपालु छै।

प्रेरितां चे काम 16:25

आधी राती चे लगभग पौलुस ते सीलास प्राथना करते हुले नरीकारा चे भज़न गावी पलते, ते नेरे जको कैदी हुते वे वानु सुणी पलते।

प्रेरितां चे काम 5:41

वे ये बाते लारे खौश हुती कर महासभा चे सामणे चाह्‍ले गेले कि “अम्ही ईशु मसीह चे नांवा वास्ते बेकदरे हुवणे चे काबिल तां बणले।”

रोमियां 5:3

सेर्फ ईं कोनी, बल्कि अम्ही क्लेशा मां वी घमण्ड करु, ईं जाणती कर कि क्लेशा लारे सब्र,

1 कुरिन्थियां 3:8

राहवणे आला ते पाणी लावणे आला ङुंहु चा मकसद हेको ही हुवे, पर हर हेक बन्दे आपणी मेहनती चे अनुसार आपणी मजदूरी गिही।

2 कुरिन्थियां 4:17

कांकि अम्चा पल भर चा हल्का जा क्लेश अम्हानु हमेशा वास्ते अपार महिमा ङिवावे, जाई बराबरी काये लारे ना करली जा सग़े,

फिलिप्पियां 1:29

कांकि मसीह ची वजह कनु तम्हानु हा मौका मिड़ला, सेर्फ हेको ब़स ओचे उपर विश्‍वास करा, पर ओचे वास्ते ङोख वी चवा।

फिलिप्पियां 2:17

अगर मनु तम्चे विश्‍वास रूपी बलिदान ते सेवा चे लारे आपणे लुहीं वी बाहणे पड़ो, तां वी मैं खौश छै, ते तम्चे सारा लारे मैं खुशी मनावी।

कुलुस्सियां 1:24

हमा मैं वां ङुखा चे वजह खुशी मनावे, जको तम्चे वास्ते चवे, मसीह ची देह रूपी कलीसिया चे क्लेश मां हमेशा भईवाल हुता रिहे।

कुलुस्सियां 3:24

कांकि तम्हानु पता छै कि ऐ बदले मां तम्हानु प्रतिफल मां इनाम मिली, प्रभु जको मसीह छै तम्ही ओची सेवा करा वी।

1 थिस्सलुनीकियां 2:15

वा यहूदी लौका ने प्रभु ईशु नु ते भविष्यवक्‍ता नु वी मारती नाखले ते अम्हानु सताले, ते नरीकार वाकनु खौश कोनी, ते वे सारे बन्दा चा विरोध करी।

इब्रानियां 10:34

कांकि तम्ही कैदी विश्‍वासी भावां चे ङुखा मां वी ङुखी हुले, ते आपणी जायजात वी खुशी लारे लूटीजु ङिली, ईं जाणती कर, कि तम्चे गोढु हेक नेरी वी उत्तम ते सदा रुकणे आली जायजात छै।

इब्रानियां 11:26

ते मसीह वास्ते निन्दा सेहणी, मिस्र देशा चे भरले आले गोदामा कनु ज्यादा उचित समझले। कांकि ओचीया आँख प्रतिफल मिलणे उपर लाग़लीया भिलतीया।

इब्रानियां 11:33

यांणे विश्‍वासा लारे राज़ जीतले, धार्मिकता चे काम करले, वायदे करले आलीया चीजा गेहलीया, शेरा चे मुँह बन्द करले,

इब्रानियां 11:6

ते बिना विश्‍वास चे नरीकारा नु खौश करने अनहोणे छै, कांकि नरीकारा चे गोढु आणे आले इन्साना वास्ते ईं जरुरी छै ऊं हा विश्‍वास करो कि नरीकार छै ते ईं वी कि ओ वानु प्रतिफल ङिये, जको ओची खोज करी।

याकूब 1:2

हे माये भऊ, जिसे बेले तम्ही हर-तरहा ची परीक्षा मां पड़ा तां यिनु पुरी खुशी ची बात समझा,

याकूब 5:10

हे माये भऊ, जिसा भविष्यवक्‍ता ने प्रभु चे नांवा लारे बाता करलीया, वानु ङोख भोग़णे ते तसल्‍ली राखणे चा हेक नमुना समझा।

1 पतरस 4:13

पर जिंवे मसीही चे ङुखा मां शामिल हुवा, ते खुशी मनावा, जाये कनु ओची महिमा उजागर हुते समय उपर वी तम्ही खौश ते मगन हो सग़ा।