मत्ती 5:10 - ओङ राजपूत

¹⁰ धन्‍न छी वे, जको धार्मिकता ची वजह कनु सताले जई, कांकि स्वर्ग़ चा राज़ वांचा छै।

मत्ती 5:10 ပူးပေါင်းရင်းမြစ်များ

मत्ती 10:23

जिसे बेले वे तम्हानु हेके शहरा मां सतावी, तां ङुजे शहरा सनु द्रोड़ती जजा। मैं तम्हानु सच्‍च-सच्‍च किहे पला, तम्ही इस्राएल चे सारे शहरा मां ना फिरती चुका कि मैं इन्साना चा पूत आती जई।

मत्ती 19:14

ईशु ने केहले, “ब़ाला नु माये गोढु आऊं ङिया, ते वानु मना ना करा, कांकि स्वर्ग़ चा राज़ इसड़ा चा ही छै।”

मत्ती 25:34

“मैं राजा आपणे सज़्ज़े पासे आला नु किही, ‘हे माये ब़ा ची धन्‍न बन्दी, आवा, ओ राज़ चे अधिकारी हुती जावा, जको संसार चे शुरुआत कनु तम्चे वास्ते तियार करला आला छै।

मत्ती 5:3

“धन्‍न छी वे, जको मना चे दीन छी, कांकि स्वर्ग़ा चा राज़ वांचा छै।

मरकुस 10:14

ईशु ने ईं ङेखती गुस्से हुती कर। वानु केहले, “ब़ाला नु माये गोढु आऊं ङिया ते वानु मना ना करा, कांकि नरीकारा चा राज़ इसड़ा ही चा छै।

मरकुस 10:30

ते हमा ऐ समय साओ गुणा ना गिहो, घर ते भावां नु ते ब़ेहणीया नु ते आईया नु ते ब़ाला-ब़च्‍चा नु ते खेता नु, पर सताव चे लारे ते परलोक मां अनन्त जीवन मिली।

लूका 21:12

पर यां सब बाता कनु पेहले वे माये नांवा ची वजह तम्हानु पकड़े, ते सतावे, ते प्राथनाघरा मां सोंपे, ते कैदखाने मां नखवावे, ते राजा ते हाकिमा चे सामणे गेहती जाये।

लूका 22:29

ते जिंवे माये ब़ा ने माये वास्ते हेक राज़ ठहराला, यूंही मैं वी तम्हानु राज़ ङिये पला,

लूका 6:20

तब ओणे आपणे चैला ची तरफ ङेखती कर केहले, “धन्‍न छिवा तम्ही जको दीन छिवा, कांकि नरीकारा चा राज़ तम्चा छै।

लूका 6:22

धन्‍न छिवा तम्ही, जब मैं इन्साना चे पूता ची वजह कनु लौक तम्चे लारे बैर राखे, ते तम्हानु काढ़ती छोड़े, ते तम्ची निन्दा करे, ते तम्चे नां बुरे जाणती कर कटती नाखे।

यूहन्‍ना 15:20

जको बात मैं तम्हानु केहली हुती, ‘दास आपणे मालिक कनु बङा ना हुवी,’ विनु याद राखा। अगर वाणे मनु सताले, तां तम्हानु वी सतावे, अगर वाणे माई बात मनली, तां तम्ची वी मने।

प्रेरितां चे काम 5:40

बल्ति वाणे ओची बात मनती गेली, ते प्रेरितां नु हकारती कुटवाले, ते हा आज्ञा ङिती कर छोड़ती ङिले, कि ईशु चे नांवा लारे बल्ति बाता ना करजा।

प्रेरितां चे काम 8:1

ओही ङिओ यरुशलेम ची कलीसिया उपर बङा सताव हुं लाग़ती गेला, ते प्रेरितां नु छोड़ती कर सारे चे सारे जणे यहूदिया ते सामरिया देशा मां खिंडती-पुंडती गेले।

2 कुरिन्थियां 4:17

कांकि अम्चा पल भर चा हल्का जा क्लेश अम्हानु हमेशा वास्ते अपार महिमा ङिवावे, जाई बराबरी काये लारे ना करली जा सग़े,

फिलिप्पियां 1:28

ते किसी बाते मां विरोधीया चा भय ना खावा। हा वांचे वास्ते नाश हुवणे ची पक्‍की निशानी छै, पर तम्चे वास्ते उद्धार चा, ते हा नरीकारा ची तरफु इशारा छै,

2 तीमुथियुस 2:12

अगर अम्ही ईशु मसीह चे वास्ते तसल्‍ली सहन करते रिहुं, ते ओचे लारे राज़ वी करु, अगर अम्ही ओचा इन्कार करु तां ओ वी अम्चा इन्कार करी।

2 तीमुथियुस 3:11

माये वा कष्टा मां ते ङुखा मां माया साथ ङिला, ते तम्ही तां जाणा ही कि इसड़े ङुखा मां वी जको अन्ताकिया ते इकुनियुम ते लुस्त्रा मां माये उपर पड़ले हुते ते नेरे-नेरे ङुखा मां वी, जको मैं चले हुते, पर प्रभु ने मनु वा सारा कनु छुड़ाती गेले।

याकूब 1:12

धन्‍न छै ऊं बन्दे जको परीक्षा मां मजबूत रिहे कांकि ऊं खरे निकलती कर जीन्दगी चा ओ मुग़ट गिही जाया वायदा प्रभु ने आपणे प्रेम करने आला वास्ते करला।

याकूब 5:11

ङेखा, अम्ही तसल्‍ली राखणे आला नु धन्‍न किहुं। तम्ही अय्यूब ची तसल्‍ली चे बारे मां सुणले, ते प्रभु ची ओर कनु जको ओचा परिणाम हुला ओनु वी जाणती गेले, जाये कनु प्रभु ची ब़ोहत घणी करुणा ते दया उजागर हुवे।

1 यूहन्‍ना 3:12

ते कैन चे समान ना बणा, जाया रिश्ता शैताना लारे हुता, जेह्णे आपणे भावां नु मारती ङिलते। ओनु किसी वजह लारे मारले हुते? ऐवास्ते कि ओचे काम बुरे हुते, ते ओचे भऊ हाबिल चे काम धर्म चे हुते।

प्रकाशितवाक्य 2:10

जको ङोख तनु भोग़णे हुवे वाकनु ना ङर। कांकि ङेखा, शैतान तम्हा महु कईयां नु कैदखाने मां नाखणे उपर छै, कि तम्ही परखले जावा ते तम्हानु ङस ङिहां तक क्लेश चवणे पड़े। मरणे तक विश्‍वासी बणले रिहा तां मैं तम्हानु जीवन चा मुग़ट ङी।