मत्ती 4:23 - ओङ राजपूत

²³ ईशु सारे गलील प्रदेस मां फिरता हुला वांचे प्राथनाघरा मां उपदेश करता, ते नरीकारा चे राज़ चा सुसमाचार प्रचार करता, ते लौका ची हर-प्रकार ची बिमारी ते कमजोरी नु दूर करता रेहला।

मत्ती 4:23 ပူးပေါင်းရင်းမြစ်များ

मत्ती 11:5

कि अन्धे ङेखी ते लंगड़े टुरी-फिरी, ते कोहड़ी शोद्ध करले जई, ते बेहरे सुणी, ते मुड़दे जीते करले जई ते कंगाला नु सुसमाचार सुणाला जाये।

मत्ती 12:9

उठु चलती कर ईशु वांचे प्राथनाघरा मां आला।

मत्ती 13:19

जको कुई राज़ चा वचन सुणती कर ना समझी, ओचे मना मां जको कोच्छ राहले गेले हुते, ओनु ओ दुष्ट आती कर खोसती कर चाह्‍ला जाये, ईं ऊंही बीज छै, जको मार्ग़ चे किनारे राहले गेले हुते।

मत्ती 13:54

ते आपणे शहरा मां आती कर वांचे प्राथनाघरा मां वानु इसड़ा उपदेश ङिऊं लाग़ला, कि वे अचम्भित हुती कर किहुं लाग़ले, “ऐनू हा ज्ञान ते सामर्थ चे काम किठु मिड़ले?

मत्ती 14:14

ईशु ब़ेड़ी कनु उतरती कर हेक बङी भीड़ ङेखली ते वांचे उपर तरस खाला, ते वांचे बिमारा नु चंगे करले।

मत्ती 24:14

ते स्वर्ग़ राज़ चा हा सुसमाचार सारे संसारा चीया जातिया मां प्रचार करला जई कि सारीया जातिया उपर ग़वाही हो, तब अन्त आती जई।

मत्ती 3:2

“पापा कनु मन फिरावा, कांकि स्वर्ग़ चा राज़ गोढु छै।”

मत्ती 9:35

ईशु सारे शहरा ते गांवा मां फिरता रेहला ते वांचे प्राथनाघरा मां उपदेश करता, ते नरीकारा चे राज़ चा सुसमाचार प्रचार करता, ते हर-प्रकार ची बिमारी ते कमजोरी नु दूर करता रेहला।

मरकुस 1:14

यूहन्‍ना चे पकड़वाले जाणे चे बाद मां, बरब्यान जग़हा कनु आती कर ईशु ने गलील प्रदेस मां नरीकारा चे राज़ चा सुसमाचार प्रचार करला,

मरकुस 1:21

बल्ति ईशु ते चैले कफरनहूम शहरा मां आले, ते ईशु तुरन्त सब्त चे ङिओ प्राथनाघरा मां जती कर नरीकारा चे वचन कनु उपदेश ङिऊं लाग़ला।

मरकुस 1:39

तां ओ सारे गलील प्रदेस मां वांचे प्राथनाघरा मां जती कर प्रचार करता ते दुष्टात्मा नु काढ़ता रेहला।

मरकुस 3:10

कांकि ईशु ने ब़ोहत बिमारा नु ठीक करले हुते, ऐवास्ते जितने लौक बिमार पले हुते, ओनु हाथ लावणे वास्ते ओचे उपर ढी पलते।

मरकुस 6:2

सब्त चे ङिओ ओ प्राथनाघरा मां उपदेश ङिऊं लाग़ला। ते ब़ोहत से लौक सुणती ते अचम्भित हुती कर किहुं लाग़ले, “ऐनू ये बाता किठु आती गेलीया? हा किसा ज्ञान छै जको ओनु ङिला गेला? किसड़े सामर्थ चे काम ऐचे हाथा कनु प्रकट हुवी?

मरकुस 6:6

ते ओनु वांचे अविश्‍वास चे उपर अचम्भा हुला, ते ओ चारो-तरफ चे गांवा मां उपदेश करता फिरला।

लूका 10:9

उठले बिमारा नु ठीक करा ते वानु किहा, ‘नरीकारा चा राज़ तम्चे गोढु आती पुज़ला।’

लूका 13:10

सब्त चे ङिओ ईशु हेक प्राथनाघरा मां उपदेश ङिये पलता।

लूका 16:16

“व्यवस्था ते भविष्यवक्‍ता, यूहन्‍ना तक रेहले, ओ समय कनु नरीकारा चे राज़ चा सुसमाचार सुणाला जाये पला, ते हर कुई बङी तेजी लारे ऐस तरफ छिकीले आवे पले।

लूका 20:1

हेक ङिओ इसड़े हुले कि जब ओ मन्दरा मां लौका नु उपदेश ङिये पलता ते सुसमाचार सुणावे पलता, तां प्रधान याजक ते शास्त्री, बङका चे लारे आती कर खड़े हुले।

लूका 4:14

बल्ति ईशु पवित्र आत्मा ची सामर्थ लारे परिपूर्ण हुती कर गलील प्रदेस सनु वापिस आला, ते ओची चर्चा आस-पास चे सारे देशा मां फैलती गेली।

लूका 5:17

हेक ङिओ हुले का ईशु उपदेश ङिये पलता फरीसी ते शास्त्री उठे ब़ेहले हुते, जको गलील ते यहूदिया चे हर हेक गांवा, ते यरुशलेम कनु आलते, ते चंगा करने आली प्रभु ची सामर्थ ओचे लारे हुती

लूका 6:17

तब ईशु वांचे लारे उतरती कर चौरस जग़हा मां खड़ा हुला, ते ओचे चैला ची बङी भीड़, ते सारे यहूदिया ते यरुशलेम, ते सूर ते सैदा चे समुन्दरा चे किनारे कनु ब़ोहत लौक,

लूका 6:6

इसड़े हुले कि कुई नेरे सब्त चे ङिओ ओ प्राथनाघरा मां जती कर उपदेश ङिऊं लाग़ला, ते ओठे हेक बन्दे हुते जाया सज़्ज़ा हाथ सूकती गेलता।

लूका 7:21

वे घड़ी ईशु ने ब़ोहत सारा नु बिमारीया ते ङुखीया ते दुष्ट आत्मा कनु छुड़ाले, ते जको अन्धे हुते, ङेखु लाग़ले अन्धा नु आंखी ङिलीया।

लूका 7:22

ते ओणे वानु केहले, “जको कोच्छ तम्ही ङेखले ते सुणले छै, जती कर यूहन्‍ना नु केहती ङिया कि अन्धे ङेखी, लंगड़े टुरी-फिरी। कोहड़ी शोद्ध करले जई, बेहरे सुणी, मुड़दे जीते करले जई, ते कंगाला नु सुसमाचार सुणाला जाये।

लूका 8:1

ऐचे बाद ईशु शहर-शहर ते गांवा-गांवा मां प्रचार करता हुला ते नरीकारा चे राज़ चा सुसमाचार सुणाता हुला घूमु लाग़ला, ते वे ब़ारहा प्रेरित वी ओचे लारे हुते।

लूका 9:11

ईं जाणती कर भीड़ ईशु चे भांसु टुरती पली, ते ओ खुशी लारे वानु मिड़ला, ते वांचे लारे नरीकारा चे राज़ चीया बाता करु लाग़ला। ते जको ठीक हुवणे चाहवी ले वानु ठीक करले।

लूका 9:60

ईशु ने ओनु केहले, “मरले आला नु आपणी मुड़दी दफनाऊ ङे, पर तु जती कर नरीकारा चे राज़ चा हर जग़ह प्रचार कर।”

यूहन्‍ना 18:20

ईशु ने ओनु उत्तर ङिला, “मैं संसारा लारे खुलती कर बाता करलीया, मैं प्राथनाघरा ते मन्दरा मां जिठे सारे यहूदी भेले हुवी गेहती सदा उपदेश करला। गुप्त मां कहीं कोनी केहले।

यूहन्‍ना 6:59

ईशु ने ये बाता कफरनहूम शहरा चे प्राथनाघरा मां उपदेश ङिते बेले केहलीया।

यूहन्‍ना 7:1

यां बाता चे बाद, ईशु गलील मां फिरता रेहला। कांकि यहूदी नेते ओनु मारती नाखणे चा चारा लाली भिलते, ऐवास्ते ओ यहूदिया मां फिरना ना चाहता।

प्रेरितां चे काम 10:38

नरीकारा ने किसी रीति लारे ईशु नासरी नु पवित्र आत्मा ते सामर्थ लारे अभिषेक करले, ओ भलाई करता, ते सारा नु जको शैताना चे सताले आले हुते, ठीक करता फिरला, कांकि नरीकार ओचे लारे हुता।

प्रेरितां चे काम 18:4

पौलुस हर सब्त चे ङिओ यहूदी प्राथनाघरा मां जती कर बहस-बाजी करती कर यहूदिया नु ते यूनानिया नु समझाता।

प्रेरितां चे काम 20:25

“हमा ङेखा, मैं जाणे कि तम्ही सब जाये मां मैं नरीकारा चे राज़ चा प्रचार करता फिरला, माये मुँह बल्ति नी ङेखा।

प्रेरितां चे काम 28:31

ते बिना रोक-टोक बङी हिम्मती लारे नरीकारा चे राज़ चा प्रचार करता रेहला ते प्रभु ईशु मसीह चीया बाता सिखाता रेहला।

रोमियां 10:15

ते अगर प्रचारक भेज़ले ना जाओ, तां प्रचार किवें करे? जिसड़े कि पवित्रशास्त्रा मां लिखले पले, “वांचे पग़्ग़ कितने सुहावने छी, जको सुसमाचार सुणावी।”