मत्ती 4:13 - ओङ राजपूत

¹³ पर ओ नासरत मां कोनी रुकला ते जती कर कफरनहूम शहरा मां, जको जबूलून ते नप्ताली क्षेत्र मां गलील ची झील चे गोढु हुता, रिहुं लाग़ला।

मत्ती 4:13 ပူးပေါင်းရင်းမြစ်များ

मत्ती 11:23

हे कफरनहूम, का तु स्वर्ग़ तक ऊंचा करला जाये? तु तां अधोलोक तक तले जाये! जको सामर्थ चे काम दुधे मां करले गेले, अगर सदोम मां करले जईया, तां आज़ तक ओ बणला रिहा।

मत्ती 17:24

जिसे बेले वे कफरनहूम मां पुज़ले, तां मन्दरा चा कर् गेहणे आला ने पतरस चे गोढु आती कर पूछले, “का तम्चा गुरु मन्दरा चा कर् ना ङी?”

मत्ती 4:14

ईं ऐवास्ते हुले कि नरीकारा ने भविष्यवक्‍ता यशायाह चे जरिये जको केहले हुते, ऊं पुरे हो।

मत्ती 4:15

कि “जबूलून ते नप्ताली चे देश, झील चे मार्ग़ कनु यरदन नदी चे पक्षिम मां, नेरीया जातिया चे देश गलील मां।

मत्ती 9:1

बल्ति ओ ब़ेड़ी उपर चढ़ती कर पार गेला, ते आपणे शहरा मां आला।

मरकुस 1:21

बल्ति ईशु ते चैले कफरनहूम शहरा मां आले, ते ईशु तुरन्त सब्त चे ङिओ प्राथनाघरा मां जती कर नरीकारा चे वचन कनु उपदेश ङिऊं लाग़ला।

मरकुस 2:1

कहीं ङिहां चे बादा मां ईशु कफरनहूम शहरा मां बल्ति आला, बन्दा नु पता लाग़ला कि ओ घरे छै।

लूका 10:15

ते हे कफरनहूम, का तु स्वर्ग़ तक ऊंचा करला जाये? तु तां अधोलोक तक तले जाये।

लूका 4:23

ईशु नु वानु केहले, “तम्ही माये उपर हा कहावत जरुर किहा, ‘हे वैद, आपणे आप नु ठीक कर!’ ते ईं वी किहा, ‘जको कहीं अम्ही सुणले छै कि कफरनहूम मां करले गेले, ओनु इठे आपणे देशा मां वी कर।’ ”

यूहन्‍ना 2:12

ऐचे बाद ईशु ते ओचे चैले ते ओची आई ते ओचे भऊ कफरनहूम शहरा मां चाह्‍ली गेली। ते कोच्छ ङिये वे ओठे रेहली।

यूहन्‍ना 4:46

ओ बल्ति गलील चे काना शहरा मां आला, जिठे ओणे पाणीया नु दाखरस बणाले हुते। ओठे राजे चा हेक कर्मचारी हुता जाया पूत कफरनहूम मां बिमार हुता।

यूहन्‍ना 6:17

ते हेक ब़ेड़ी उपर चढ़ती कर झील चे पार कफरनहूम सनु जऊं लाग़ले। ओस समय उपर अन्धारे हुती गेलते, ते ईशु हालि तक वांचे गोढु कोनी आला हुता।

यूहन्‍ना 6:24

ते जिसे बेले भीड़ी ने ङेखले कि ना तां ईशु छै ते ना ओचे चैले, बल्ति वा भीड़ ब़ेड़ीया मां ब़ेसती कर ईशु नु सोधते हुले कफरनहूम नु पुज़ली।

यूहन्‍ना 6:59

ईशु ने ये बाता कफरनहूम शहरा चे प्राथनाघरा मां उपदेश ङिते बेले केहलीया।