मत्ती 3:7 - ओङ राजपूत

⁷ जब ओणे घणे फरीसिया ते सदूकिया नु बपतिस्मे वास्ते आपणे गोढु आते ङेखले, तां वानु किहुं लाग़ला, “हे नाग़ा ची ब़च्‍ची! तम्हानु केहणे चिताती ङिले कि तम्ही नरीकारा चे क्रोध कनु द्रोड़ा ?

मत्ती 3:7 ပူးပေါင်းရင်းမြစ်များ

मत्ती 12:24

पर फरीसिया ने ईं सुणती कर केहले, “हा दुष्टात्मा चे सरदार बालजबुल ची सहायता चे बिना दुष्टात्मा नु ना काढ़ी।”

मत्ती 12:34

हे नाग़ा ची ब़ाले! तम्ही बुरे हुती कर किवें आच्छीया बाता केह सग़ा? कांकि जको मना मां भरले पले, ऊंही मुँहा उपर आवे।

मत्ती 15:12

बल्ति चैला ने आती कर ओनु केहले, “का जाणी वी कि फरीसिया ने हा वचन सुणती कर कितनी ठोकर खाली?”

मत्ती 16:1

फरीसी ते सदूकिया ने गोढु आती कर ईशु नु परखणे वास्ते ओनु केहले, “अम्हानु स्वर्ग़ा चा कुई चैन्ह ङिखाण।”

मत्ती 16:6

ईशु ने वानु केहले, “ङेखा, फरीसिया ते सदूकिया चे खमीर कनु चौकस रेहजा।”

मत्ती 22:15

बल्ति फरीसिया ने जती कर आपस मां हा विचार करला कि ईशु नु किसे तरीके लारे ऐचीया खौद्द चा केहलीया आलीया बाता मां किवें फसाऊं।

मत्ती 22:23

ओही ङिओ, सदूकी जको हा किही कि मरला आला चे जीते हुवणे छै ही कोनी ओचे गोढु आले, ओकनु पूछु लाग़ले,

मत्ती 22:34

जिसे बेले फरीसिया ने हा सुणले कि ईशु ने सदूकिया ची ब़ोलती बन्द करती नाखली, तां वे भेले हुले।

मत्ती 23:33

हे नाग़ु! हे अजगर ची ऊलाद्ध! तम्ही नर्का चे ङण्ड कनु किवें बचा?

मत्ती 5:20

कांकि मैं तम्हानु सच्‍च किहे कि अगर तम्ची धार्मिकता, शास्त्रीया ते फरीसिया ची धार्मिकता कनु बढ़ती कर ना हो, तम्ही स्वर्ग़ चे राज़ मां कङी वी ना जा सग़ा।

मरकुस 12:13

तां वाणे ओनु बाता मां फसाणे वास्ते कोच्छ फरीसिया ते हेरोदियां नु ओचे गोढु भेज़ले।

मरकुस 12:18

बल्ति सदूकिया चे मनणे छै कि मरले आला चे जीते हुवणे छै ही कोनी, ईशु चे गोढु आती कर ओकनु पूछले,

मरकुस 8:15

ईशु ने वानु चिताले, “ङेखा, फरीसिया चे खमीर ते हेरोदेस चे खमीर कनु चौकस रिहा!”

लूका 16:14

फरीसी जको लोभी हुते, ये सारीया बाता सुणती कर ईशु नु ठठा मां उङारु लाग़ले।

लूका 18:11

फरीसी खड़ा हुती कर आपणे मना मां यूं प्राथना करु लाग़ला, ‘हे नरीकार, मैं दुधा धन्यवाद करे पला, कि मैं नेरा बन्दा आलीकर अन्धेर करने आला, अन्यायी ते व्यभिचारी कोनी, ते ना ऐ चुंगी गेहणे आले चे बराबर छै।

लूका 7:30

पर फरीसी ते शास्त्री ओकनु बपतिस्मा ना गेहती नरीकारा ची मन्सा नु आपणे बारे मां टालती ङिली।

यूहन्‍ना 1:24

जको भेज़ले गेलते वे फरीसी हुते।

यूहन्‍ना 8:44

तम्ही आपणे ब़ा शैताना ची ऊलाद्ध छिवा, ते आपणे ब़ा ची इच्छा नु पुरी करने चाहवा। ओ तां शुरु कनु हत्यारा छै, ते सच्‍च उपर कोनी रुकला, कांकि सच्‍च ओचे मां छै ही कोनी। जिसे बेले ओ कूड़ मारे, तां आपणे सुभाव लारे ही कूड़ मारे, कांकि ओ कूड़ा छै, बल्कि कूड़ा चा ब़ा छै।

यूहन्‍ना 9:40

जको फरीसी ओचे लारे हुते वाणे ईं सुणती कर ओनु केहले, “का अम्ही वी अन्धे छिऊं?”

प्रेरितां चे काम 15:5

ये बाते उपर फरीसिया चे दल महु कोच्छ विश्‍वासी लौक खड़े हुले ते केहले कि, “नेरीया जातिया नु खतना कराणे ची ते मूसा ची व्यवस्था उपर टुरणे ची आज्ञा ङेणी चाही छै।”

प्रेरितां चे काम 20:31

ऐवास्ते जाग़ते रिहा, ते याद करा कि मैं तीन साला तक रात-ङिओ करती कर हींजवे बाहती-बाहती कर, हर हेक नु चिताणे कोनी छोड़ले।

प्रेरितां चे काम 26:5

अगर वे ग़वाही ङेणा चाहवी, तां शुरु कनु मनु पेहचाणी कि मैं फरीसी हुती कर आपणे धर्म चे सबकनु खरे पंथ चे अनुसार टुरला।

प्रेरितां चे काम 5:17

बल्ति महायाजक ते ओचे सारे साथी जको सदूकिया चे पंथ चे हुते, भड़कती खड़े हुले।

रोमियां 1:18

नरीकारा चा गुस्सा तां वा लौका ची सब पाप ते बुराई उपर स्वर्ग़ा कनु प्रकट हुवे, जको सच्‍चाई नु बुराई लारे दब़ाली राखी।

रोमियां 5:9

तां जबकि अम्ही, हमा ओचे लुहींया ची वजह कनु धर्मी ठहरले, तां ओचे जरिये नरीकारा चे क्रोधा कनु किवें नी बचु?

1 थिस्सलुनीकियां 1:10

ते ओचे पूता चे स्वर्ग़ा कनु आवणे ची बाट ङेखते रिहा, जानु ओणे मरला आला महु जिवाले, यानि ईशु ची, जको अम्हानु नरीकारा चे आणे आले गुस्से कनु बचावे।

इब्रानियां 11:7

विश्‍वासा लारे ही नूह ने वां बाता चे बारे मां जको ओ बेले कोनी ङिसी पलतीया, चितावनी मिलणे उपर भग़ती लारे आपणे घराणे चे बचाव वास्ते जहाज बणाला। ऐचा नतीजा हा हुला कि संसारा दोषी ठहराला गेला ते नूह धार्मिकता चा वारिस हुला, जको विश्‍वासा लारे हुवे।

इब्रानियां 6:18

इठे कङी ना बदलने आलीया ङोन बाता छी, हेक ओचा वायदा ते हेक ओची कसम जाये बारे मां नरीकार कूड़ा साबित हो ही ना सग़ी। अम्ची मजबूती लारे हिम्मत ब़झती जाओ, जको आसरा गेहणे वास्ते ऐवास्ते द्रोड़ले कि वे आस नु जको सामणे पली आली छै गे सग़ु।

1 यूहन्‍ना 3:10

ऐचे कनु नरीकारा ची ऊलाद्ध ते शैताना ची ऊलाद्ध जाणली जाये, जको कुई धर्म चे काम ना करी ऊं नरीकारा कनु कोनी, ते ना ऊं जको आपणे भावां ते ब़ेहणीया लारे प्रेम ना राखी।