मत्ती 26:24 - ओङ राजपूत

²⁴ मैं इन्साना चा पूत जिसड़े माये वास्ते लिखले गेले, जाये ही पला, पर ओ इन्साना उपर हाय! जाये जरिये मैं इन्साना चा पूत पकड़वाला जई। अगर ओ इन्साना चा जनम ही ना हुवीया, तां ओचे वास्ते भले हुते।”

मत्ती 26:24 ပူးပေါင်းရင်းမြစ်များ

मत्ती 18:7

ठोकरा ची वजह कनु संसारा उपर हाय! ठोकरा चे लाग़णे जरुरी छै, पर हाय! ओ इन्साना उपर जाई वजह कनु ठोकरा लाग़ी।

मत्ती 26:31

तब ईशु ने वानु केहले, “तम्ही सारे जणे आज़ ही राती नु माई वजह कनु ठोकर खावा, कांकि पवित्रशास्त्र मां लिखले पले, “ ‘मैं आजड़ीया नु मारी, ते झोण्ड चा भेङा इंगे-ऊंगे हुती जाये।’

मत्ती 26:54

पर पवित्रशास्त्रा चा वे बाता कि इसड़े ही हुवणे जरुरी छै, किवें पुरीया हुवे?”

मत्ती 26:56

पर ईं सब ऐवास्ते हुले कि भविष्यवक्‍ता चे वचन पुरे हो।” बल्ति सारे चैले ईशु नु छोड़ती कर द्रोड़ती गेले।

मरकुस 14:21

कांकि मैं इन्साना चा पूत जिसड़े माये वास्ते लिखले गेले, जाये ही पला, पर ओ इन्साना उपर हाय! जाये जरिये मैं इन्साना चा पूत पकड़वाला जई। अगर ओ इन्साना चा जनम ही ना हुवीया, तां ओचे वास्ते भले हुते।”

मरकुस 9:12

ओणे वानु उत्तर ङिला, “एलिय्याह सच्‍चमां पेहले आती कर सब कोच्छ सुधारी, पर मैं इन्सान चे पूता चे बारे मां ईं कां लिखले पले कि ओ ब़ोहत ङोख चवी, ते तोच्छ गिणला जई।

लूका 22:22

कांकि मैं इन्साना चा पूत जिसड़े माये वास्ते ठहराले गेले, जाये ही पला, पर ओ इन्साना उपर हाय जाये जरिये ओ पकड़वाला जई!”

लूका 24:46

ते वानु केहले, “यूं लिखले आले छै, कि मसीह ङोख चवी, ते तीजे ङिओ मरला आला महु जीता हुती जई।

यूहन्‍ना 17:12

जब मैं वांचे लारे हुता, तां मैं दुधे ओ नांवा ची ताकत लारे जको तु मनु ङिले वांची रक्षा करली। मैं वांची चौकसी करली। वांचे महु ओ बन्दे नु छोड़ती कर जको नाश हुवणे आले मार्ग़ा नु चुणती गेहले हुते, नेरे कुई नाश कोनी हुले ऐवास्ते कि जको पवित्रशास्त्र मां केहले गेले ऊं पुरे हो।

यूहन्‍ना 19:24

ऐवास्ते वाणे आपस मां केहले, “ऐनू फाड़ा ना, ङेखु ऐनू कूण गिही आवा ऐचे वास्ते पर्चीया नाखु।” ताकि पवित्रशास्त्र मां लिखला आला हा वचन पूरा हुला, “वाणे माई ओढ़णी आपस मां बांटती गेली ते वाणे माये ओढ़णा वास्ते पर्चीया नाखलीया।” ऐवास्ते सिपाहीया ने इसड़े ही करले।

यूहन्‍ना 19:28

ऐचे बाद, ईशु ने ईं जाणती कर कि हमा सब कोच्छ पुरे हुती चुकले, ऐवास्ते कि पवित्रशास्त्र मां जको केहले गेलते ऊं पुरे हो, केहले, “मैं तरसेला छै।”

प्रेरितां चे काम 2:23

ओही ईशु नु, नरीकारा ची ठहराली हुली योजना ते सारे ज्ञान चे अनुसार पकड़ीला गेला, ते तम्ही अधर्मीया चे हाथा लारे ओनु क्रूसा उपर चढ़वाती कर मारती नाखले।

प्रेरितां चे काम 28:23

बल्ति वाणे पौलुस चे वास्ते हेक ङिओ तय करला, ते जिसे घरा मां ओ हुता घणी तदात मां लौक ओठे भेले हुती गेले। ते ओ नरीकारा चे राज़ ची ग़वाही ङिता हुला, ते मूसा ची व्यवस्था ते भविष्यवक्‍ता चा किताबा महु ईशु मसीह चे बारे मां सवेले कनु लाती कर आथणे तक साफ रीति लारे वानु समझाता रेहला।

प्रेरितां चे काम 4:28

कि जको कोच्छ पेहले कनु दुधी ही ताकत ते मकसद लारे ठहराले हुते, ऊंही करो।

1 कुरिन्थियां 15:3

ऐ वजह कनु मैं सबकनु पेहले तम्हानु वाहो बात पुचाती ङिली जको माये कनु पुज़ली हुती, कि पवित्रशास्त्र चे वचन चे अनुसार ईशु मसीह अम्चे पापा वास्ते मरती गेला,