मत्ती 25:34 - ओङ राजपूत

³⁴ “मैं राजा आपणे सज़्ज़े पासे आला नु किही, ‘हे माये ब़ा ची धन्‍न बन्दी, आवा, ओ राज़ चे अधिकारी हुती जावा, जको संसार चे शुरुआत कनु तम्चे वास्ते तियार करला आला छै।

मत्ती 25:34 ပူးပေါင်းရင်းမြစ်များ

मत्ती 13:35

कि जको वचन भविष्यवक्‍ता चे जरिये केहला गेलता, ओ पूरा हो, “मैं मिसाल केहणे वास्ते आपणे मुँह खोली ते वा बाता नु जको सृष्टि ची शुरुआत कनु लुकलीया पलतीया वानु किही।”

मत्ती 19:29

ते जेह्णे वी घर, जा भावां नु, जा ब़ेहणीया नु, जा ब़ा नु, जा आई नु, जा ब़ाला-ब़च्‍चा नु, जा खेता नु माये नांवा वास्ते छोड़ती ङिले, ओनु साओ गुणा मिली, ते ओ अनन्त जीवन चा अधिकारी हुवी।

मत्ती 20:23

ईशु ने वानु केहले, “तम्ही माया मुंगर तां पीया, पर आपणे सज़्ज़े पासु ते आपणे खब़्ब़े पासु कानु ब़िसाणने माये काम कोनी, पर जाये वास्ते माये ब़ा नरीकारा ची ओर कनु तियार करले गेले, वांचे वास्ते छै।”

मत्ती 21:5

“सिय्योन ची धूवे नु किहा, ‘ङेख, दुधा राजा दुधे गोढु आवे पला, ओ नर्म छै, ते गाहड़े उपर ब़ेहला, यानिकि लादू चे ब़च्‍चे उपर।’ ”

मत्ती 25:21

“ओचे मालिका ने ओनु केहले, ‘धन्‍न छी, हे आच्छा ते भरोसेमन्द दास, तु थोड़े मां भरोसेमन्द रेहला, मैं तनु घणीया चीजा चा अधिकारी बणावी। आपणे मालिका ची खुशी मां शामिल हो।’

मत्ती 25:23

“ओचे मालिका ने ओनु केहले, ‘धन्‍न छी, हे आच्छा ते भरोसेमन्द दास, तु थोड़े मां भरोसेमन्द रेहला, मैं तनु घणीया चीजा चा अधिकारी बणावी। आपणे मालिका ची खुशी मां शामिल हो।’

मत्ती 25:40

“तब राजा वानु उत्तर ङी, ‘मैं तम्हानु सच्‍च किहे पला कि तम्ही जको माये यां छोटे कनु छोटे भावां महु कुई हेके लारे करले, ऊं माये ही लारे करले।’

मत्ती 25:41

“बल्ति खब़्ब़े पासे आला नु किही, ‘हे श्रापित लौक, माये सामणे कनु ओ अनन्त जाखते मां चाह्‍ले जावा, जको शैतान ते ओचे दूता वास्ते तियार करले गेले।

मत्ती 27:37

ते ओचा दोष-पत्र ओचे ठोङा चे उपर लाला, कि “हा यहूदिया चा राजा ईशु छै।”

मत्ती 3:2

“पापा कनु मन फिरावा, कांकि स्वर्ग़ चा राज़ गोढु छै।”

मत्ती 5:19

ऐवास्ते जको कुई वी छोटी कनु छोटी आज्ञा नु तरोड़े, ते यूंही लौका नु सिखावे, ओह स्वर्ग़ चे राज़ मां सारा कनु छोटा करला जई, पर जको कुई आज्ञा चा पालन करी, ते वानु सिखावी, ओही स्वर्ग़ा चे राज़ मां महान हुवी।

मरकुस 10:17

जब ईशु उठु कनु निकलती कर मार्ग़ा मां जाये पलता, तां हेक बन्दे ओचे सनु द्रोड़ते हुले आले, ते ओचे आग़ु गोङे टेकती कर ओकनु पूछले, “हे उत्तम गुरु, अनन्त जीवन चा अधिकारी हुवणे वास्ते मैं का करे?”

मरकुस 10:40

पर जाये वास्ते तियार करले गेले, वानु छोड़ती नेरे कानु आपणे सज़्ज़े पासु ते आपणे खब़्ब़े पासु ब़िसाणने माये काम कोनी।”

लूका 11:28

ईशु ने केहले, “हां, पर धन्‍न वे छी जको नरीकारा चा वचन सुणी ते मनी।”

लूका 11:50

ताकि जितना भविष्यवक्‍ता चे लुहीं संसारा ची उत्पत्ति कनु बाहले गेले, सब चा लेखा, ऐ युगा चे लौका कनु गेहला जाओ।

लूका 12:32

“हे छोटा झोण्ड ना ङर, कांकि तम्चे ब़ा नरीकारा नु खुशी छै ते ईं भावे कि तम्हानु राज़ ङियो।

लूका 19:38

“धन्‍न छै ओ राजा, जको प्रभु चे नांवा लारे आवे पला! स्वर्ग़ा मां शान्ति ते आसमान मण्डल मां महिमा हो!”

यूहन्‍ना 1:49

नतनएल ने ओनु उत्तर ङिला, “हे रब्बी, तु नरीकारा चा पूत छी, तु इस्राएल चा महाराजा छी।”

यूहन्‍ना 12:13

वे खज्जी चा लड़ीया चती कर ओनु मिलणे वास्ते टुरती पले, वे ऊंची अवाजी मां किही पलते, “होशना! धन्‍न छै ओ जको प्रभु चे नांवा लारे आवे पला ओ जको इस्राएल चा राजा छै!”

यूहन्‍ना 17:24

“हे ब़ा, मैं चाहवे कि जानु तु मनु ङिले जिठे मैं छै ओठे वे वी माये लारे हो, कि वे माई वा महिमा ङेखो, जको तु मनु ङिली कांकि तु संसारा ची उत्पत्ति चे पेहले माये लारे प्रेम राखला।

यूहन्‍ना 19:15

पर वे रौल मचाऊं लाग़ती गेले, “गेहली जा! गेहली जा! ओनु क्रूसा उपर चढ़ा!” पिलातुस ने वानु केहले, “का मैं तम्चे राजे नु क्रूसा उपर चढ़ावे?” प्रधान याजका ने उत्तर ङिला, “कैसर नु छोड़ती कर अम्चा कुई नेरा राजा कोनी।”

प्रेरितां चे काम 15:18

हा ओही प्रभु किहे जको जग़त ची शुरुआत कनु यां बाता चा समाचार ङिता आला।’

प्रेरितां चे काम 3:26

नरीकारा ने आपणे पूत ईशु नु मरला आला महु जीते करती कर सारा कनु पेहले तम्चे गोढु भेज़ले, कि तम्चे महु हर हेक नु तम्चे गन्दे कामा कनु हटाती कर आशीष ङियो।”

रोमियां 8:17

ते अगर ऊलाद्ध छिऊं तां वारिस वी छिऊं, बल्कि नरीकारा चे वारिस ते मसीह चे संगी वारिस छिऊं। जिसे बेले अम्ही ओचे लारे ङोख चऊं तां ओचे लारे महिमा वी गिहुं।

1 कुरिन्थियां 15:50

हे माये भऊ, मैं ईं किहे पला कि मांस ते लुहीं नरीकारा चे राज़ चे अधिकारी ना हो सग़ी। ते ना नाशवान अविनाशी चा अधिकारी हो सग़े।

1 कुरिन्थियां 2:9

पर जिंवे पवित्रशास्त्रा मां लिखले पले, “जको आंखीया ने नी ङेखली, ते काना ने नी सुणली, ते जको बाता इन्साना चे चेत्त मां कोनी चढ़लीया वे ही छी, जको नरीकारा ने आपणे प्रेम राखणे आला वास्ते तियार करलीया छी।”

1 कुरिन्थियां 6:9

का तम्ही ना जाणा, कि अन्यायी लौक नरीकारा चे राज़ चे वारिस नी हुवे? धोक्‍का ना खावा, ना वेश्यागामी, ना मूर्तिपूजक, ना परअसतरी गामी, ना लुच्‍चे, ना पुरुषगामी,

गलातियां 5:21

जलन, नशा खोरी, असतरीगमन, ते यांचे जिसड़ी नेरी-नेरी कामे वी छिती, यांचे बारे मां मैं तम्हानु पेहले केहती ङिये कि इसड़े-इसड़े काम करने आले नरीकारा चे राज़ चे वारिस ना हो सग़ी

इफिसियां 5:5

कांकि तम्ही हा जाणा कि इसड़ा कुई वी बन्दे जको व्यभिचारी छै ते अशुद्ध, जा लालच, लालची बन्दे जको मूर्ति पुज़ा करने आले चे बराबर छै, मसीह ते नरीकारा चे राज़ मां ना जा सग़ी,

1 थिस्सलुनीकियां 2:12

कि तम्चा चाल-चलन नरीकारा चे काबिल हो, जको तम्हानु आपणे राज़ ते महिमा मां हकारे।

2 तीमुथियुस 2:12

अगर अम्ही ईशु मसीह चे वास्ते तसल्‍ली सहन करते रिहुं, ते ओचे लारे राज़ वी करु, अगर अम्ही ओचा इन्कार करु तां ओ वी अम्चा इन्कार करी।

2 तीमुथियुस 4:8

भविष्य मां माये वास्ते धर्म चा ओ मुग़ट जको स्वर्ग़ मां पला ला, जानु प्रभु, जको धर्मी छी ते न्यांयी छी, मनु ओ ङिओ ङिही, ते मनु ही ना, बल्कि वा सारा नु वी, जको ओचे प्रकट हुवणे नु प्यारे जाणे।

इब्रानियां 1:14

का सारे स्वर्ग़दूत सेवा वास्ते चुणले आलीया आत्मा कोनी छी कि वे वांची सेवा करो, जको उद्धार गेहणे आले छी?

इब्रानियां 11:16

पर सच्‍चाई हा छै कि वानु हेक बेहतर देशा ची इच्छा हुती, जको स्वर्ग़ देश छै। ऐवास्ते नरीकार वांचा नरीकार किहवावणे मां ना लज़ावी, कांकि नरीकारा ने ही वांचे वास्ते हेक शहर तियार करला।

इब्रानियां 4:3

पर अम्ही जेह्णे विश्‍वास करला, ओ विश्राम मां जाणे हुले। जिंवे ओणे केहले, “तब मैं क्रोध मां आती कर कसम खाली कि, ‘वांचे माये विश्राम मां आणे नी हुवी।’ ” नरीकारा ने ईं केहले, जग़त ची उत्पत्ति चे समय ओचे काम पुरे हुती चुकले हुते।

इब्रानियां 9:26

ना तां जग़त ची उत्पत्ति कनु गेहती कर मसीह नु बार-बार ङोख चवणे पड़ी हा। पर हमा युगा चे अन्त मां ओ सारा वास्ते हेको ही बार खौद्द आपणी ही बलि चे जरिये पाप नु मिटाती ङेणे वास्ते प्रकट हुती गेला।

याकूब 2:5

हे माये प्यारे भऊ, सुणा, का नरीकारा ने ऐ संसारा चे कंगाला नु कोनी चुणले कि विश्‍वासा मां अमीर ते ओ स्वर्ग़ राज़ चे अधिकारी हो जाया वायदा ओणे वांचे लारे करला जको ओचे लारे प्रेम राखे?

1 पतरस 1:9

तम्ही आपणे विश्‍वासा चा प्रतिफल यानिकि आपणी आत्मा चा उद्धार ग्रहण करा पले।

1 पतरस 3:9

तम्ही बुराई चे बदले मां बुराई ना करा। ते ना गालीया चे बदले गालीया काढ़ा, पर ऐचे बदले आशीष ही ङिया। कांकि तम्ही आशीष चे वारिस हुवणे चे वास्ते हकारले गेले।

प्रकाशितवाक्य 13:8

धरती चे सब रेहणे आले, जाई नांवे ओ मैमणे ची जीवन ची किताबे मां लिखली कोनी गेली, जको संसारा ची शुरुआत चे समय कनु ही बलिदान हुला, ओ ढौरा ची पूजा करे।

प्रकाशितवाक्य 17:8

जको ढौर तु ङेखले, ऊं पेहले तां हुते पर हमा कोनी, ते पताला महु निकलती कर विनाश मां ढी, ते धरती चे रेहणे आले जाई नांवे संसारा ची शुरुआत चे समय कनु जीवन ची किताबे मां लिखली कोनी गेली, ऐ ढौरा ची हा हालत ङेखती कर पेहले हुते ते हमा कोनी ते बल्ति आती जई, अचम्भा करे।

प्रकाशितवाक्य 19:16

ते ओचे ओढ़णा उपर ते ओची सतले उपर ईं नां लिखले आले छै कि, राजा चा राजा ते प्रभुआं चा प्रभु।

प्रकाशितवाक्य 21:7

जको जीतती जई, ओही यां चीजा चा वारिस हुवी, ते मैं ओचा नरीकार हुवी, ते ओ माया पूत हुवी।

प्रकाशितवाक्य 5:10

ते वानु अम्चे नरीकारा वास्ते हेक राज़ ते याजक बणाला। वे धरती उपर राज़ करी।”