मत्ती 24:9 - ओङ राजपूत

⁹ “तब वे क्लेश ङेणे चे वास्ते तम्हानु पकड़वावे, ते तम्हानु मारती नाखे, ते माये नांवा ची वजह कनु सारीया जातिया चे लौक तम्चे लारे बैर राखे।

मत्ती 24:9 ပူးပေါင်းရင်းမြစ်များ

मत्ती 22:6

नेरे लौका ने जको बचले आले हुते, ओचे दासा नु पकड़ती कर वांची बेकदरी करली ते मारती नाखले।

मत्ती 23:34

ऐवास्ते ङेखा, मैं तम्चे गोढु भविष्यवक्‍ता ते ब़ुध्दिमान ते शास्त्रीया नु भेज़े पला, ते तम्ही वांचे महु कईयां नु मारती नाखा ते क्रूसा उपर चढ़ावा, ते कईयां नु प्राथनाघरा मां कोड़े मारा ते हेक शहरा कनु ङुजे शहरा मां दुरकाणते फिरा।

लूका 11:49

ऐवास्ते नरीकारा ची ब़ुध्दि ने वी केहले, ‘मैं वांचे गोढु भविष्यवक्‍ता ते प्रेरितां नु भेज़ी, ते वे वांचे महु कईयां नु मारती नाखे, ते कईयां नु सतावे।’

लूका 21:12

पर यां सब बाता कनु पेहले वे माये नांवा ची वजह तम्हानु पकड़े, ते सतावे, ते प्राथनाघरा मां सोंपे, ते कैदखाने मां नखवावे, ते राजा ते हाकिमा चे सामणे गेहती जाये।

यूहन्‍ना 15:18

“अगर संसार तम्चे लारे बैर राखे, तां तम्हानु पता छै कि ओणे तम्हा कनु पेहले माये लारे बैर राखला।

यूहन्‍ना 15:21

पर ईं सब कोच्छ वे माये नांवा ची वजह कनु तम्चे लारे करे, कांकि वे माये भेज़णे आले नु ना जाणी।

यूहन्‍ना 16:2

वे तम्हानु प्राथनाघरा महु काढ़ती छोड़े, ओ समय आवे पला कि जको कुई तम्हानु मारती नाखी ओह समझी कि ‘मैं नरीकारा ची सेवा करे पला।’

प्रेरितां चे काम 28:22

पर हमा बावड़ दुधा का विचार छै? वाहो बात अम्ही दुधे कनु सुणने चाहु, कांकि अम्ही जाणु, कि हर जग़हा मसीह पंथ चे विरोध मां सारे लौक बाता करे पले।”

प्रेरितां चे काम 7:59

वे स्तिफनुस चे उपर पत्थराव करते रेहले, ते ओ ईं केहती कर प्राथना करता रेहला, “हे प्रभु ईशु, माई आत्मा नु स्वीकार कर।”

1 पतरस 4:16

पर मसीही हुवणे चे वजह कनु ङोख भोग़ो, तां शर्मसार ना हो। पर ऐ बाते चे वास्ते नरीकारा ची महिमा करो।

प्रकाशितवाक्य 2:10

जको ङोख तनु भोग़णे हुवे वाकनु ना ङर। कांकि ङेखा, शैतान तम्हा महु कईयां नु कैदखाने मां नाखणे उपर छै, कि तम्ही परखले जावा ते तम्हानु ङस ङिहां तक क्लेश चवणे पड़े। मरणे तक विश्‍वासी बणले रिहा तां मैं तम्हानु जीवन चा मुग़ट ङी।

प्रकाशितवाक्य 2:13

मैं ईं जाणे कि तु ओठे रिही जिठे शैताना चा सिंहासन छै, तु माये नांवा उपर मजबूत रिही, ते माये उपर विश्‍वास करने मां वां ङिहां मां वी भांसु कोनी हटला जाये मां माया विश्‍वास लायक ग़वाह अन्तिपास, तम्चे आधे मां वे जग़हा उपर मारला गेला जिठे शैतान रिहे।

प्रकाशितवाक्य 7:14

मैं ओनु केहले, “हे मालिक, तु ही जाणी।” ओणे मनु केहले, “ये वे छी जको बङे क्लेशा महु निकलती कर आले। यांणे आपणी-आपणी ओढ़णी मैमणे चे लुहींया लारे धोती कर चिट्टी करली।