मत्ती 23:7 - ओङ राजपूत

⁷ बजारा मां नमस्कार, ते इन्साना मां ‘रब्बी’ किहवाणे वानु भावे।

मत्ती 23:7 ပူးပေါင်းရင်းမြစ်များ

मत्ती 11:16

“मैं ऐ समय चे लौका ची तुलना काये लारे ङिये? वे वां ब़ाला चे समान छी, जको बजारा मां ब़ेहले आले हेके ङुजे नु साङ मारती कर किही,

मत्ती 23:8

पर तम्ही ‘रब्बी,’ ना किहवाजा, कांकि तम्चा हेक ही गुरु छै, ते तम्ही सारे भऊ छिवा।

मत्ती 26:25

बल्ति ओचे पकड़ावणे आले यहूदा ने केहले, “हे रब्बी, का ओ मैं छै?” ओणे ओनु केहले, “तु केहती चुकला!”

मत्ती 26:49

ते तुरन्त ईशु चे गोढु आती कर केहले, “हे रब्बी, नमस्कार,” ते ओनु ब़ोहत मिठ्ठीया ङिलीया।

मरकुस 10:51

ऐचे उपर ईशु ने ओनु केहले, “तु का चाहवी कि मैं दुधे वास्ते करे?” अन्धे ने ओनु केहले, “हे रब्बी, ईं कि मैं ङेखु लाग़े।”

मरकुस 11:21

पतरस नु हा बात याद आली, ते ओणे ओनु केहले, “हे रब्बी, ङेख! ईं अंजीरा चे दरख्त जानु तु श्राप ङिला हुता, सूखती गेले।”

मरकुस 12:38

ईशु ने आपणे उपदेश मां वानु केहले, “शास्त्रीया कनु चौकस रिहा, जको लम्बे-लम्बे चोले घाले हुले फिरने ते जानु बजारा मां नमस्कार,

मरकुस 14:45

ओ आला, ते तुरन्त ईशु चे गोढु जती कर केहले, “हे रब्बी” ते ओनु ब़ोहत मिठ्ठीया ङिलीया।

मरकुस 9:5

ऐचे उपर पतरस ने ईशु नु केहले, “हे रब्बी, अम्चे इठे रेहणे आच्छे छै, तां अम्ही तीन मण्डप बणाऊ, हेक दुधे वास्ते, हेक मूसा वास्ते, ते हेक एलिय्याह वास्ते।”

लूका 11:43

“हे फरीसी, तम्चे उपर हाय! तम्ही प्राथनाघरा मां खास-खास आसण, ते बजारा मां नमस्कार चाहवा।

यूहन्‍ना 1:38

ईशु ने मुड़ती कर वानु भांसु आते ङेखले ते वानु केहले, “तम्ही कानु सोते फिरा?” वाणे ओनु केहले, “हे रब्बी,” (मतलब हे गुरु), “तु किठे रिही वी?”

यूहन्‍ना 1:49

नतनएल ने ओनु उत्तर ङिला, “हे रब्बी, तु नरीकारा चा पूत छी, तु इस्राएल चा महाराजा छी।”

यूहन्‍ना 11:8

चैला ने ओनु केहले, “हे गुरु जी, कोच्छ ही ङिहें पेहले यहूदी नेता दुधे उपर पत्थराव करने ची कोशिस करी पलते, का बल्ति तु उठी जई पला?”

यूहन्‍ना 20:16

ईशु ने विनु केहले, “मरियम।” विणे ईशु सनु मुड़ती कर इब्रानी भाषा मां केहले, “रब्बूनी,” जाया मतलब “गुरु।”

यूहन्‍ना 3:2

ओणे राती नु ईशु कनु आती केहले, “हे रब्बी, अम्ही जाणु कि तु गुरु छी ते नरीकार ची ओर कनु आला। कांकि इसड़े अचम्भे चे काम जको तु करी याहनु नरीकारा ची सहायता चे बिना कुई वी ना कर सग़ी।”

यूहन्‍ना 3:26

ते वाणे यूहन्‍ना चे गोढु आती कर केहले, “हे रब्बी, जको शक्स यरदन नदी चे पार दुधे लारे हुता ते जाई तु ग़वाही ङिली, ङेख, ओह बपतिस्मा ङिये, ते सारी बन्दी ओचे गोढु आवी।”

यूहन्‍ना 4:31

ऐचे बीच ओचे चैला ने ईशु कनु हा बिनती करली, “हे गुरु, कोच्छ खाती गे।”

यूहन्‍ना 6:25

ते जिसे बेले भीड़ ईशु नु झील चे पेले पासु मिड़ली, ते ओनु केहले, “हे गुरु जी, तु इठे किसे बेले आला?”

यूहन्‍ना 9:2

चैला ने ईशु कनु पूछले, “हे गुरु जी, केहणे पाप करला हुता, कि हा अन्धा जमला ऐ बन्दे जा ऐचे आई-ब़ा ने?”