मत्ती 21:43 - ओङ राजपूत

⁴³ “ऐवास्ते मैं तम्हानु किहे पला कि नरीकारा चा राज़ तम्चे बीच महु ही गेहला जई, ते इसड़ी जाति नु जको ओचा फल आणे, ङिला जई।

मत्ती 21:43 ပူးပေါင်းရင်းမြစ်များ

मत्ती 12:28

पर अगर मैं नरीकारा ची आत्मा ची सहायता लारे दुष्टात्मा नु काढ़े, तां नरीकारा चा राज़ तम्चे गोढु आती पुज़ला।

मत्ती 21:41

वाणे ईशु नु केहले, “ओ वां बुरे लौका नु बुरी तरावें नाश करी, ते अंगूरा ची बाड़ी चा ठेका ङुजे जमींदारा नु ङिही जती, जको समय उपर ओनु फल ङिले करे।”

मत्ती 21:42

ईशु ने वानु केहले, “का तम्ही कङी पवित्रशास्त्र मां हा कोनी पढ़ले, “ ‘जिसे पत्थरा नु राजमिस्त्रीया ने निक्‍कमे ठहराले हुते, ओही कूणे चा सिरे चा पत्थर हुती गेला, ईं प्रभु ची ओर कनु हुले ते अम्ची नजरी मां अदभोत छै’?

मत्ती 21:44

जको ऐ पत्थरा उपर ढी, ऊं चकनाचूर हुती जई, ते जाये उपर ओ पत्थर ढी, ओनु पीसती नाखी।”

यूहन्‍ना 3:3

ईशु ने ओनु उत्तर ङिला, “मैं तनु सच्‍च-सच्‍च किहे पला, अगर कुई नवें सिरे कनु ना जमही तां नरीकारा चा राज़ ङेख ना सग़ी।”

यूहन्‍ना 3:5

ईशु ने उत्तर ङिला, “मैं तम्हानु सच्‍च-सच्‍च किहे पला, जब तक कुई इन्सान जल ते आत्मा लारे ना जमही तां ऊं नरीकारा चे राज़ मां जा ना सग़ी।

1 कुरिन्थियां 13:2

ते अगर मैं भविष्यवाणी कर सग़े, ते सारे भेद ते सब तरह चे ज्ञान नु समझे, ते माया विश्‍वास इसड़ा मजबूत हो कि माये वचना लारे पहाड़ आपणी जग़हा कनु हटती जाओ, पर प्रेम ना राखे, तां मैं कोच्छ वी कोनी।

1 पतरस 2:9

पर तम्ही तां हेक चुणला आला वंश, ते राज़ पदधारी, याजका चा हेक समाज, ते पवित्र लौक, ते हेक इसड़ा झोण्ड जको नरीकारा चा आपणा छै, ताकि तम्ही नरीकारा चे महान कामा ची घोषणा कर सग़ा जेह्णे तम्हानु अन्धारे महु काढ़ती कर अदभोत सोज़ले मां हकारले। ओचे गोण उजागर करा। जिंवे पवित्रशास्त्र मां लिखले पले,