मत्ती 20:28 - ओङ राजपूत

²⁸ जिंवे कि मैं इन्साना चा पूत, ऐवास्ते कोनी आला कि ओची सेवा-टहल करली जाओ, पर ऐवास्ते आला कि आप सेवा-टहल करो, ते ब़ोहता नु छुड़ावणे वास्ते आपणे प्राण ङियो।”

मत्ती 20:28 ပူးပေါင်းရင်းမြစ်များ

मत्ती 20:27

ते जको तम्चे मां प्रधान हुवणे चाहवे, ओ तम्चा दास बणो।

मत्ती 26:28

कांकि ईं वाचा चे माये ऊं लुहीं छै, जको ब़ोहता चे वास्ते पापा ची माफी चे वास्ते बाहले जाये।

मत्ती 8:20

ईशु ने ओनु केहले, “लोमड़ीया चीया घौरा ते आसमाना चे पखीयां चे बसेरे हुवी, पर मैं इन्सान चे पूता वास्ते ठोङ मेहलणे ची वी जग़हा कोनी छै।”

मरकुस 10:45

कांकि ‘मैं इन्साना चा पूत’ ऐवास्ते कोनी आला कि ओची सेवा-टहल करली जाओ, पर ऐवास्ते आला कि आप सेवा-टहल करो, ते ब़ोहता नु छुड़ावणे वास्ते आपणे प्राण ङियो।”

मरकुस 14:24

ते ओणे वानु केहले, “ईं वाचा चे माये ऊं लुहीं छै, जको ब़ोहता वास्ते बाहले जाये।

लूका 22:27

कांकि बङे कूण छै, ओ जको खाणे खाये ब़ेहला, जा ओ जको सेवा करे? का ओ कोनी जको खाणे खाये ब़ेहला? पर मैं तम्चे बीच मां सेवक चे समान छै।

यूहन्‍ना 10:15

जिंवे कि ब़ा मनु जाणे ते मैं ब़ा नु जाणे। मैं आपणीया भेङा वास्ते आपणी जान ङिये।

रोमियां 4:25

ईशु अम्चे अपराधा वास्ते पकड़वाला गेला, ते अम्चे धर्मी ठहरणे वास्ते मरले आला महु जिवाला वी गेला।

2 कुरिन्थियां 8:9

कांकि तम्ही अम्चे प्रभु ईशु मसीह चा अनुग्रह जाणा वी, कि ओ धनवान हुती कर वी तम्चे वास्ते कंगाल बणती गेला ताकि ओचे कंगाल हुती जाणे लारे तम्ही धन्‍नी हुती जावा।

गलातियां 3:13

मसीह अम्चे वास्ते श्रापित बणला, अम्हानु मोल गेहती व्यवस्था चे श्राप कनु छुड़ाले, कांकि लिखले पले, “जको कुई काठ चे उपर लटकाले जाये ओ श्रापित छै।”

इफिसियां 1:7

अम्हानु ओचे मां ओचे लुहींया चे जरिये छुटकारा, यानि पापा ची माफी, ओचे ओ अनुग्रह चे धन चे अनुसार मिड़ला।

इफिसियां 5:2

ते प्रेम मां चला, जिंवे मसीह ने वी अम्चे लारे प्रेम करला, ओणे आपणे आप नु सोख ङेणे आली खुश्बु ची तरह नरीकारा नु कुर्बानी ङिली जती।

1 तीमुथियुस 2:6

जेह्णे आपणे आप नु सारा बन्दा चे छुटकारे ची कीमत मां ङिती ङिले, ताकि ओची ग़वाही ठीक समय उपर ङिली जाओ।

तीतुस 2:14

जेह्णे आपणे आप नु अम्चे वास्ते ङिती ङिले, कि अम्हानु हर-तरहा चे अधर्म कनु छुड़ाती गिहो, शोद्ध करती आपणे वास्ते हेक इसड़ी जाति बणाती गिहो जको भले-भले कामा मां तियार हो।

इब्रानियां 2:10

कांकि जाये वास्ते सब कोच्छ छै, ते जाये जरिये सब कोच्छ छै, नरीकारा नु ईं आच्छे लाग़ले कि जिसे बेले ओ ब़ोहत सारे पूता नु महिमा मां पुचाओ, तां वांचे उद्धारकर्ता ईशु नु ङोख चवणे चे जरिये सेद्ध करो।

इब्रानियां 5:8

ते नरीकारा चा पूत हुवणे उपर वी ओणे ङोख चती चती कर आज्ञा मनणी सिखली।

इब्रानियां 9:28

यूं करती मसीह ब़ोहता चे पाप चवणे वास्ते हेक ही वारी खौद्द नु भेंट करले। ओचे बाद हमा दुबारा प्रकट हुवी, पापा नु चवणे वास्ते ना, पर वांचे उद्धार वास्ते जको ओचे इन्तजार मां छी।

1 पतरस 2:24

ओ खौद्द ही अम्चे पापा नु आपणे शरीरा चे उपर चती कर क्रूसा उपर चढ़ती गेला, जाये कनु अम्ही पापा चे वास्ते मरती कर धार्मिकता चे वांचे वास्ते जीवन बिताऊं, ओचे ही मार खाणे ची वजह कनु तम्ही चंगे हुले।

1 पतरस 3:18

कांकि मसीह ने वी अम्चे पापा चे वास्ते ङोख भोग़ले। यानिकि ओ बेकसूर हुता। अम्चे पापा चे वास्ते हेक वारी मरती गेला कि अम्हानु नरीकारा चे गोढु गेहती जाओ। शरीरा चे जरिये तां ओ मारला गेला, पर आत्मा चे जरिये जिवाला गेला।

1 यूहन्‍ना 2:2

ते ओही अम्चे पापा चे वास्ते बलिदान हुला, ते सेर्फ अम्चे ही कोनी बल्कि सारे संसार चे पापा चे वास्ते वी।

प्रकाशितवाक्य 1:5

ते ईशु मसीह चे तरफु जको भरोसेमन्द ग़वाही ते मरले आला महु जीता हुवणे आला महु पलेठी चा ते धरती चे राजा चा हाकिम छै तम्हानु अनुग्रह ते शान्ति मिलती रिहो। ओ अम्चे लारे प्रेम राखे ते ओणे आपणे लुहींया लारे अम्हानु पापा कनु छुड़ाले छै।