मत्ती 20:19 - ओङ राजपूत

¹⁹ ते ओनु नेरीया जातिया चे हाथा मां सोंपे कि वे ओनु ठठा मां उङारो ते कोड़े मारो ते क्रूसा उपर चढ़ाओ, ते ओ तीजे ङिओ जीता करला जई।”

मत्ती 20:19 ပူးပေါင်းရင်းမြစ်များ

मत्ती 12:40

योना तीन रात-ङिओ बङी माछली चे ढिड्डा मां रेहला, यूंही मैं इन्साना चा पूत तीन रात-ङिओ धरती चे भीतर रिही।

मत्ती 16:21

ओ समय कनु ईशु आपणे चैला नु बावड़ु लाग़ला, “जरुरी छै कि मैं यरुशलेम नु जाये, ते बङके, ते प्रधान याजका, ते शास्त्री मनु ब़ोहत ङोख ङियो ते मारती नाखो, ते तीजे ङिओ जीता हुती जाये।”

मत्ती 17:23

वे ओनु मारती नाखे, ते ओ तीजे ङिओ जीता हुती जई।” ऐचे उपर वे ब़ोहत उदास हुले।

मत्ती 27:26

ऐचे उपर ओणे बरअब्बा नु वांचे वास्ते छोड़ती ङिले, ते ईशु नु कोड़े मरवाती कर सोंपती ङिले,कि क्रूसा उपर चढ़ाला जाओ।

मत्ती 27:63

“हे महाराज, अम्हानु चैता छै कि ओ भरमाणे आले ने जिसे बेले जीता हुता केहले हुते, ‘मैं तीन ङिहां चे बाद जीता हुती जई।’

मरकुस 14:65

बल्ति कईयां ने तां ओचे उपर थूकले, ते कईयां ने ओचे मुँह ढकले ते ओनु मुक्‍किया मारलीया, ते ओनु किहुं लाग़ले, “भविष्यवाणी कर!” ते पाहरेदारा ने ओनु पकड़ती कर थप्पड़ मारले।

मरकुस 15:1

ङिओ उभरला तां तुरन्त प्रधान याजक, ते बङका ने, ते शास्त्रीया ने बल्कि सारी महासभा ने सलाह करली ते वाणे ईशु नु ब़न्धवाले, ते ओनु गेहली जती कर पिलातुस चे हाथा मां सोंपती ङिले।

मरकुस 15:15

बल्ति पिलातुस ने भीड़ नु खौश करने ची इच्छा लारे, बरअब्बा नु वांचे वास्ते छोड़ती ङिले ते ईशु नु कोड़े मरवाती कर सोंपती ङिले कि क्रूसा उपर चढ़ाला जाओ।

लूका 18:32

कांकि ओ नेरीया जातिया चे हाथा मां सोंपला जई, ते वे ओनु ठठा मां उङारे, ते ओचा अपमान करे, ते ओचे उपर थूके।

लूका 23:11

तब हेरोदेस ने ते सिपाहीया ने ओचा अपमान करती कर ओचा मखोल उङारु पड़ती गेले, ते भड़किली ओढ़णी घलाती कर ओनु पिलातुस चे गोढु वापिस पुचाती ङिले।

लूका 24:46

ते वानु केहले, “यूं लिखले आले छै, कि मसीह ङोख चवी, ते तीजे ङिओ मरला आला महु जीता हुती जई।

प्रेरितां चे काम 2:23

ओही ईशु नु, नरीकारा ची ठहराली हुली योजना ते सारे ज्ञान चे अनुसार पकड़ीला गेला, ते तम्ही अधर्मीया चे हाथा लारे ओनु क्रूसा उपर चढ़वाती कर मारती नाखले।

प्रेरितां चे काम 21:11

ओणे अम्चे गोढु आती कर पौलुस चे रुमाल चले, ते ओचे लारे आपणे हाथ पग़्ग़ ब़ांथी कर केहले, “पवित्र आत्मा हा किहे कि, जिसे बन्दे चे ईं पट्टके छै, ओनु यरुशलेम मां यहूदी यूंही ब़ांधे, ते नेरीया जातिया चे हाथा मां सोंपती ङिये।”

प्रेरितां चे काम 4:27

कांकि सच्‍चमां दुधे पवित्र सेवक ईशु चे विरोध मां, जानु तु अभिषेक करला, हेरोदेस ते पुन्तियुस पिलातुस वी नेरीया जातिया ते इस्राएली चे लारे ऐ शहरा मां भेले हुले,