मत्ती 2:12 - ओङ राजपूत

¹² तब नरीकारा ने वानु हेक खाबा मां चौकस करती ङिले, कि हेरोदेस चे गोढु बल्ति ना जजा, वे ङुजे मार्ग़ा कनु आपणे देशा नु चाह्‍ले गेले।

मत्ती 2:12 ပူးပေါင်းရင်းမြစ်များ

मत्ती 1:20

जिसे बेले ओ यां बाता ची सोच मां हुता तां प्रभु चा स्वर्ग़दूत ओनु खाबा मां ङिसला ते केहले, “हे यूसुफ! दाऊद ची ऊलाद्ध, तु आपणी घरा आली मरियम नु आपणे इठे आणने कनु ना ङर, कांकि जको विचे ढिड्डा मां छै, ऊं पवित्र आत्मा ची ओर कनु छै।

मत्ती 2:13

ज्योतिषिया चे चाह्‍ले जाणे चे बाद, यूसुफ नु खाबा मां प्रभु चा हेक स्वर्ग़दूत ङिसला ते ओणे केहले, “उठती कर ब़ाला नु ते ओची आई नु गेहती कर चोप-चाप करती मिस्र नु चाह्‍ला जा, ते जब तक मैं ना किहे, तब तक उठी रिहो, कांकि हेरोदेस ऐ ब़ाला नु सोता फिरे कि ओनु मरवाती नाखे।”

मत्ती 2:19

बल्ति हेरोदेस ची मौत चे बाद मिस्र मां यूसुफ चे खाबा मां प्रभु चा स्वर्ग़दूत प्रकट हुला,

मत्ती 2:22

बल्ति जिसे बेले यूसुफ ने ईं सुणले कि यहूदिया उपर आपणे ब़ा हेरोदेस ची जग़हा उपर अरखिलाउस राज़ करु लाग़ला ते ओ ओठे जाणे कनु ङरु लाग़ती गेला, बल्ति खाबा मां नरीकारा ची चितावनी गेहती कर ओ गलील प्रदेस सनु चाह्‍ला गेला।

मत्ती 27:19

जिसे बेले पिलातुस न्यां ची गद्दी उपर ब़ेहला हुता, तां ओची घराआली ने किहवाती भेज़ले, “तु ओ धर्मीया चे मामले मां हाथ ना अड़ायो, कांकि मैं आज़ खाबा मां ओची वजह कनु ब़ोहत ङोख चले।”

लूका 2:26

ते पवित्र आत्मा लारे ओनु चिताले गेलते ले कि, “जब तक तु प्रभु चे मसीह नु ङेखती ना गिही, तब तक मौत नी ङेखे।”

प्रेरितां चे काम 10:22

वाणे केहले, “कुरनेलियुस सूबेदार जको धर्मी ते नरीकारा कनु ङरणे आला ते सारी यहूदी जाति मां मनले आले बन्दे छै, ओणे हेक पवित्र स्वर्ग़दूता कनु हा आदेश गेहला, कि तनु आपणे घरे हकारती कर दुधे कनु उपदेश सुणो।”

प्रेरितां चे काम 4:19

पर पतरस ते यूहन्‍ना ने उत्तर ङिला, “तम्ही ही न्यां करा, कि का ईं नरीकारा चे सामणे भले छै, कि अम्ही नरीकारा ची बाते कनु बढ़ती कर तम्ची बात मनु?

प्रेरितां चे काम 5:29

बल्ति पतरस ते नेरा प्रेरितां ने उत्तर ङिला, “बन्दा ची आज्ञा कनु बधती कर नरीकारा ची आज्ञा चा पालन करना ही अम्चा कर्म छै।

1 कुरिन्थियां 3:19

कांकि सच्‍च ईं छै कि संसारिक ज्ञान नरीकारा ची नजरी मां मूर्खता छै, जिंवे पवित्रशास्त्रा मां लिखले पले, “नरीकार ज्ञानीया नु वांची चतराई मां फसाती नाखे।”

इब्रानियां 11:7

विश्‍वासा लारे ही नूह ने वां बाता चे बारे मां जको ओ बेले कोनी ङिसी पलतीया, चितावनी मिलणे उपर भग़ती लारे आपणे घराणे चे बचाव वास्ते जहाज बणाला। ऐचा नतीजा हा हुला कि संसारा दोषी ठहराला गेला ते नूह धार्मिकता चा वारिस हुला, जको विश्‍वासा लारे हुवे।

इब्रानियां 8:5

ये वे याजक छी जको स्वर्ग़ीय चीजा चे प्रतिरुप ते प्रतिबिम्ब ची सेवा करी जिंवे कि जिसे बेले मूसा तम्बू बणावणे उपर हुता तां ओनु ईं चिताले गेले, “ङेख जको नमुना तनु पहाड़ा उपर ङिखाणला गेला हुता, ओचे अनुसार सब कोच्छ बणाओ।”