11 कांकि मैं इन्साना चा पूत गार हुला आला नु बचाऊं आला।
पर इस्राएल चे घराणे ही ची गार हुलीया आलीया भेङा चे गोढु जजा।
ईशु ने उत्तर ङिला, “इस्राएल चे घराणे चीया गार हुलीया आलीया भेङा नु छोड़ती कर मैं काये कनु वी कोनी भेज़ला गेला।”
“तम्ही का सोचा पले? अगर कुई इन्साना चा साऔ भेङा हो, वांचे महु हेक भटकती जाओ, तां का ओ निन्याणवे नु छोड़ती कर, ते पहाड़ा उपर जती कर, वे भटकली आली नु नी सोधी?
ईं सुणती कर ईशु ने वानु केहले, “वैद, भले चंगा वास्ते कोनी, पर बिमारा चे वास्ते जरुरी छै।
कांकि माया हा पूत मरती गेलता, हमा जीता हुती गेला, गार हुती गेलता ओ लाभती गेला।’ ते बल्ति वे खुशीया मनाऊं लाग़ले।
पर हमा खुशीया मना ते मगन हो कांकि दुधा भऊ मरती गेलता बल्ति जीता हुती गेला, गार हुती गेलता हमा लाभती गेला।’ ”
कांकि मैं इन्साना चा पूत गार हुला आला नु सोधु, ते वांचा उद्धार करु आला।”
ते वे किसी ङुजे गांवा मां चाह्ले गेले।
चोर किसी नेरे कामा वास्ते ना पर हेको चोरी करने वास्ते ते मारणे ते बर्बाद करु आवे, पर मैं ऐवास्ते आला कि वानु जीन्दगी मिलो, भरपूर जीन्दगी मिलो।
“अगर कुई माया बाता सुणती कर ना मनी, मैं ओनु दोषी ना ठहरावी। कांकि मैं संसारा नु दोषी ठहराणे वास्ते कोनी, पर संसारा चा उद्धार करने वास्ते आला।
नरीकारा ने आपणे पूता नु संसारा मां ऐवास्ते कोनी भेज़ले कि संसारा उपर ङण्ड ची आज्ञा ङियो, पर ऐवास्ते कि संसार ओचे जरिये उद्धार गिहो।
हा बात सच्च ते हर तरह मनणे चे लायक छै, कि मसीह ईशु पापीया चा उद्धार करने चे वास्ते संसारा मां आला, जाये महु सबकनु बङा मैं छै।
