मत्ती 18:10 - ओङ राजपूत

¹⁰ “ङेखा, तम्ही यां छोटा महु कानु वी तोच्छ ना जाणा, कांकि मैं तम्हानु किहे पला कि स्वर्ग़ा मां वांचे स्वर्ग़दूत माये स्वर्ग़ीय ब़ा नरीकारा चे मुँह सदा ङेखी।

मत्ती 18:10 ပူးပေါင်းရင်းမြစ်များ

मत्ती 1:20

जिसे बेले ओ यां बाता ची सोच मां हुता तां प्रभु चा स्वर्ग़दूत ओनु खाबा मां ङिसला ते केहले, “हे यूसुफ! दाऊद ची ऊलाद्ध, तु आपणी घरा आली मरियम नु आपणे इठे आणने कनु ना ङर, कांकि जको विचे ढिड्डा मां छै, ऊं पवित्र आत्मा ची ओर कनु छै।

मत्ती 12:20

ते ओ झुकले आले कान्‍नै नु नी भानी, ओ धूंआ ङिते हुले ङीवे नु नी ब़िझावी, ओ भिला रिही, ओ बेले तक जब तक न्यां ची जीत ना हुती जाओ।

मत्ती 18:14

इसड़े ही जको तम्चा ब़ा स्वर्ग़ा मां छै, ओची हा इच्छा कोनी कि जा छोटा महु हेक वी खत्तम हो।

मत्ती 18:6

“जको कुई यां छोटा महु जको माये उपर विश्‍वास करी, कानु ठोकर खुलाओ, ओचे वास्ते भले हुवीया कि बङी घर्टी चा पोड़ ओचे गले मां लटकाला जईया, ते ओ गहरे समुन्दरा मां नाखती ङिला जईया।

मत्ती 2:13

ज्योतिषिया चे चाह्‍ले जाणे चे बाद, यूसुफ नु खाबा मां प्रभु चा हेक स्वर्ग़दूत ङिसला ते ओणे केहले, “उठती कर ब़ाला नु ते ओची आई नु गेहती कर चोप-चाप करती मिस्र नु चाह्‍ला जा, ते जब तक मैं ना किहे, तब तक उठी रिहो, कांकि हेरोदेस ऐ ब़ाला नु सोता फिरे कि ओनु मरवाती नाखे।”

मत्ती 2:19

बल्ति हेरोदेस ची मौत चे बाद मिस्र मां यूसुफ चे खाबा मां प्रभु चा स्वर्ग़दूत प्रकट हुला,

मत्ती 24:31

ओ तुरही ची बङी अवाजी लारे आपणे स्वर्ग़दूता नु भेज़ी, ते वे आसमाना चे ऐ कूणे कनु ओ कूणे तक चारो दिशा कनु नरीकारा चे चुणले आले लौका नु भेले करी।

लूका 1:19

स्वर्ग़दूता ने ओनु उत्तर ङिला, “मैं जिब्राइल छै, जको नरीकारा चे सामणे भिला रिहे। मैं दुधे लारे बात करने ते हा सुसमाचार सुणावणे वास्ते भेज़ला गेला।

लूका 10:16

“जको तम्ची सुणे, ओ माई सुणे, ते जको तम्हानु तोच्छ जाणे, ओ मनु तोच्छ जाणे, ते जको मनु तोच्छ जाणे, ओ माये भेज़णे आले नु तोच्छ जाणे।”

लूका 16:22

ते इसड़े हुले कि ओ कंगाल मरती गेला, ते स्वर्ग़दूता ने ओनु चती कर अब्राहम ची गोङी मां पुचाले, ते ओ धनवान वी मरला ते पुरीला गेला।

प्रेरितां चे काम 10:3

ओणे ङिहां चे तीजे पाहरा चे गोढु दर्शन मां साफ ङेखले कि नरीकारा चा हेक स्वर्ग़दूत ओचे गोढु भीतर आती कर किहे पला, “हे कुरनेलियुस।”

प्रेरितां चे काम 12:15

वाणे विनु केहले, “तु पाग़ल छी।” पर वा आपणी बाते उपर अटल रेहली तां वाणे केहले, “ओचा स्वर्ग़दूत हुवी।”

प्रेरितां चे काम 12:23

ओही बेले प्रभु चे हेक स्वर्ग़दूता ने तुरन्त ओचे उपर वार करला, कांकि ओणे नरीकारा ची महिमा कोनी करली हुती ओचे शरीरा मां कीड़े पड़ती गेले ते ओ मरती गेला।

प्रेरितां चे काम 27:23

कांकि नरीकार जाया मैं छै, ते ओची सेवा करे, ओचे स्वर्ग़दूता ने आज़ राती नु माये गोढु आती कर केहले कि,

प्रेरितां चे काम 5:19

पर राती नु हेक स्वर्ग़दूता ने कैदखाने चे दरवाजा नु खोलती कर वानु ब़ाहरु आणती कर केहले,

रोमियां 14:10

तु आपणे भावां उपर कां दोष लावी? जा ते बल्ति तु आपणे भावां नु कां तोच्छ जाणी? अम्ही सब चे सब नरीकारा चे न्यां सिंहासन चे सामणे भिले रेहणे पड़ी।

रोमियां 14:21

भले तां ईं छै कि, तु ना तां मांस खा, ते ना ही दाखरस पी, ते ना ही नेरे कहीं कर, जाये कनु दुधे भावां नु ठोकर लाग़ो।

रोमियां 15:1

जरुरी छै कि अम्ही, जको विश्‍वास मां मजबूत छिऊं, वानु सहन करु जको विश्‍वास मां कमजोर छी, ना कि सेर्फ आपणे-आप नु खौश करु।

1 कुरिन्थियां 11:22

का खाणे-पीणे वास्ते तम्चे घर कोनी? जा नरीकारा ची कलीसिया नु तोच्छ जाणा, ते जाये कनु कोनी वानु शर्मसार करा? मैं तम्हानु का किहे? का ये बाते मां मैं तम्ची तारीफ करे? ना, मैं तारीफ ना करी।

1 कुरिन्थियां 16:11

ऐवास्ते कुई ओनु तोच्छ ना जाणो, पर ओनु खैरियत लारे इंगे पुचाती ङिजा कि माये गोढु आती जाओ। मैं ङुजे भावां लारे ओचा इन्तजार करे पला।

1 कुरिन्थियां 9:22

मैं वां लौका वास्ते जको विश्‍वासा मां कमजोर छी खौद्द वांचे आलीकर कमजोर बणला कि वानु मसीह मां जीत सग़े। मैं सब तरह चे इन्साना वास्ते सब कोच्छ बणला कि किवें ना किवें करती कईयां चा उद्धार करवा सग़े।

2 कुरिन्थियां 10:1

मैं पौलुस तम्हानु मसीह ची नरमाई, ते दयालुता चे वजह निवेदन करे पला। पर कोच्छ लौक किहे कि, मैं तम्चे सामणे नरमाई लारे बर्ताव करे, पर तम्चे कनु दूर हुवणे पर सख्ताई लारे बर्ताव करे।

2 कुरिन्थियां 10:10

कांकि कोच्छ लौक तां किही कि, “ओचीया चिठ्ठीया तां कठिन ते असरदार छी, ते जिसे बेले ओ आप आवे तां ओचे शरीर कमजोर लाग़े ते ओची ब़ोलणे ची ताकत ना चे बराबर छै।”

गलातियां 6:1

हे माये भऊ, तम्चे कुई बन्दे अगर कुई पापा मां पकड़ीती वी जाये तां, तम्ही जको आत्मिक छिवा ओनु नरमाई लारे सम्भाला ते जाये कनु बल्ति ओ विश्‍वास मां आती जाओ, ते आपणी वी चौकसी राखा ताकि तम्ही परीक्षा मां ना पड़ा।

1 थिस्सलुनीकियां 4:8

ऐस वजह जको तोच्छ जाणे, ओ इन्साना नु कोनी, पर नरीकारा नु तोच्छ जाणे, जको आपणा पवित्र आत्मा तम्हानु ङिये।

1 तीमुथियुस 4:12

कुई दुधी जवानी नु तोच्छ ना समझ सग़ो पर वचन, ते चाल-चलन, ते प्रेम, ते विश्‍वास, ते पवित्रता मां विश्‍वास करने आला चे वास्ते नमुना बणती जा।

इब्रानियां 1:14

का सारे स्वर्ग़दूत सेवा वास्ते चुणले आलीया आत्मा कोनी छी कि वे वांची सेवा करो, जको उद्धार गेहणे आले छी?

इब्रानियां 9:24

कांकि मसीह ने ओ इन्साना चे हाथा चा बणले आले अति पवित्र स्थान मां जको सच्‍चे अति पवित्र स्थान चा प्रतिरुप छै, प्रवेश कोनी करला, पर स्वर्ग़ा मां प्रवेश करला कि अम्चे वास्ते, हमा नरीकारा चे सामणे ङिसो।

प्रकाशितवाक्य 8:2

बल्ति मैं वां सात स्वर्ग़दूता नु ङेखले जको नरीकारा चे सामणे भिले रिही ते वानु सात तुरहीया ङिलीया गेलीया।