मत्ती 16:27 - ओङ राजपूत

²⁷ मैं इन्साना चा पूत, स्वर्ग़दूता लारे आपणे ब़ा नरीकारा ची महिमा मां आवी, ओ समय उपर, हर हेक नु ओचे कामा चे अनुसार प्रतिफल ङिही।

मत्ती 16:27 ပူးပေါင်းရင်းမြစ်များ

मत्ती 13:41

मैं इन्साना चा पूत आपणे स्वर्ग़दूता नु भेज़ी, ते वे ओचे राज़ महु सारे पापीया नु, ते जको बन्दा कनु पाप करवावी वानु भेले करे।

मत्ती 13:49

ऐ जग़त चे अन्त मां इसड़े ही हुवी। स्वर्ग़दूत आती कर दुष्टा नु धर्मीया कनु अलग़ करे।

मत्ती 24:30

“बल्ति मैं इन्साना चे पूता चा चैन्ह आसमाना मां ङिसु लाग़ी, ते बल्ति धरती चे सारे कोल्‍ल चे लौक छात्ती कोट्टे, ते मैं इन्साना चे पूता नु बङी सामर्थ ते महिमा चे लारे आसमाना चे बदला उपर आते ङेखे।

मत्ती 25:31

“जिसे बेले मैं इन्साना चा पूत आपणी महिमा मां आवी, ते सारे स्वर्ग़दूत माये लारे आवे, तां मैं आपणे सिंहासन उपर विराजमान हुवी।

मत्ती 26:64

ईशु ने ओनु केहले, “तु आप ही केहती ङिले, बल्कि मैं तम्हानु ईं वी किहे पला कि हमा कनु तम्ही मैं इन्साना चे पूता नु, सर्वशक्‍तिमान चे सज़्ज़े पासु ब़ेहले, ते आसमाना चे बदला उपर आते ङेखा।”

मत्ती 8:20

ईशु ने ओनु केहले, “लोमड़ीया चीया घौरा ते आसमाना चे पखीयां चे बसेरे हुवी, पर मैं इन्सान चे पूता वास्ते ठोङ मेहलणे ची वी जग़हा कोनी छै।”

मरकुस 14:62

ईशु ने केहले, “मैं छै, ते तम्ही मैं इन्साना चे पूता नु सर्वशक्‍तिमान चे सज़्ज़े पासु ब़ेहले ते आसमाना चे बदला लारे आते ङेखा।”

मरकुस 8:38

जको कुई ये व्यभिचार ते पापी जाति चे बीच माये कनु ते माया बाता कनु लज़ावी, मैं इन्साना चा पूत वी जिसे बेले पवित्र स्वर्ग़दूता चे लारे आपणे ब़ा नरीकारा ची महिमा लारे आवी, तब ओकनु वी लज़ावी।”

लूका 21:27

बल्ति वे, मैं इन्साना चे पूता नु सामर्थ ते बङी महिमा चे लारे बदला उपर आते ङेखे।

लूका 22:69

पर हमा कनु मैं इन्साना चा पूत सर्वशक्‍तिमान नरीकारा चे सज़्ज़े पासु ब़ेहला रिही।”

लूका 9:26

जको कुई माये कनु ते माया बाता कनु लज़ावी, मैं इन्साना चा पूत वी, जिसे बेले आपणी ते आपणे ब़ा नरीकारा ची ते पवित्र स्वर्ग़दूता ची महिमा लारे आवी, तां ओकनु वी लज़ावी।

यूहन्‍ना 21:22

ईशु ने ओनु केहले, “अगर मैं चाहवें कि ओ माये आणे तक रुकला रिहो, तां तनु का? तु माये भांसु हुती पड़।”

यूहन्‍ना 21:23

ऐवास्ते भावां मां हा बात खिंडती गेली कि ओ चैला नी मरी। ईशु ने ओनु ईं कोनी केहले कि हा नी मरी, पर ईं कि, “अगर मैं चाहवें कि ओ माये आणे तक रुकला रिहो, तां तनु का?”

प्रेरितां चे काम 1:11

ते किहुं लाग़ले कि, “हे गलीली मर्द, तम्ही कां भिले रेहती कर स्वर्ग़ा सनु ङेखा पले? हाओ ईशु, जको तम्चे कनु स्वर्ग़ा उपर चवीला गेला, जिंवे तम्ही ओनु स्वर्ग़ा पर जते ङेखले यूंही ओ बल्ति आवी।”

रोमियां 14:12

ते बल्ति, अम्चे महु हर-हेक नरीकारा नु आपणा-आपणा लेखा जोखा ङिही।

रोमियां 2:6

नरीकार हर-हेक नु ओचे कामा चे अनुसार बदला ङिही।

1 कुरिन्थियां 15:23

पर हेक-हेक करती, पेहला फल मसीह, बल्ति मसीह चे आणे उपर ओचे लौक वी जिवाले जाये।

1 कुरिन्थियां 3:13

तां हर-हेक चे काम प्रकट हुती जई, कांकि ओ न्यां चा ङिओ ओनु बावड़ी, ऐवास्ते कि जाखते लारे प्रकट हुवी ते ऊं जाखते हर-हेक चे कामा नु परखी कि किसड़े छै।

1 कुरिन्थियां 8:8

खाणे अम्हानु नरीकारा चे गोढु ना पुचावी। अगर अम्ही ना खऊं तां अम्चे कुई नुकसान कोनी, ते अगर खऊं तां कोच्छ फायदा कोनी।

2 कुरिन्थियां 5:10

कांकि जरुरी छै कि, अम्चे सारा चा हाल मसीह चे न्यां आसण चे सामणे खुलती जाओ, कि हर हेक इन्सान आपणे आपणे बुरे-भले कामा चा बदला जको ओणे आपणे शरीरा चे अनुसार करले ओ भोग़ो।

इफिसियां 6:8

याद राखा, तम्चे महु हर हेक चाहे कुई सेवक हो जा कुई आजाद हो, अगर कुई आच्छे काम करी ते ओनु प्रभु कनु आच्छा फल मिली।

कुलुस्सियां 3:25

कांकि जको बुरे करी, ओनु आपणी बुराई ची सजा मिली, उठे काया वी पक्षपात कोनी।

1 थिस्सलुनीकियां 1:10

ते ओचे पूता चे स्वर्ग़ा कनु आवणे ची बाट ङेखते रिहा, जानु ओणे मरला आला महु जिवाले, यानि ईशु ची, जको अम्हानु नरीकारा चे आणे आले गुस्से कनु बचावे।

1 थिस्सलुनीकियां 4:16

कांकि प्रभु आप ही स्वर्ग़ा कनु उतरी ते ओ बेले ललकार, ते प्रधान दूता चा साङ सुणीजी, ते नरीकारा ची तुरही फूकली जई, ते जको मसीह मां विश्‍वास करने आले मरले, वे पेहले जीते हुती जाये।

याकूब 5:7

हे माये भऊ, प्रभु चे बल्ति आणे तक तसल्‍ली राखा, ओ जमींदार नु तां ङेखा जको आपणी भोंये ची कीमती रहड़ी चा इन्तजार करता रिहे। ऐवास्ते शुरु ची बारशी कनु लाती कर ओ आखरी बारशी तक लगातार तसल्‍ली लारे इन्तजार करता रिहे।

1 पतरस 1:17

ते जिसे बेले तम्ही, “हे ब़ा,” केहती कर प्राथना करा, जको बिना पक्षपात हर हेके चे कामा चे अनुसार न्यां करी, ऐवास्ते ये दुनिया मां प्रदेसी हुवणे चा समय नरीकारा चा आदर करते हुले जीवन बितावा।

1 यूहन्‍ना 2:28

हे माई प्यारी ब़ाले, ईशु मां बणले रिहा कि जिसे बेले ओ प्रकट हो, तां अम्हानु हिम्मत हो। ते अम्ही ओचे आणे उपर ओचे सामणे आणे कनु शर्माऊं ना।

यहूदा 1:14

ते हनोक ने वी जको आदम ची सातवीं पीढ़ी महु आला, यांचे बारे मां हा भविष्यवाणी करली हुती कि, “ङेखा, प्रभु आपणे हजारा पवित्र दूता लारे आती कर,

प्रकाशितवाक्य 1:7

ङेखा, ओ बदला चे लारे आणे आला छै, ते हर हेक आँख ओनु ङेखी, बल्कि जेह्णे ओनु सुराखे करली हुती वे वी ओनु ङेखे, ते धरती चे सारे कोल्‍ल ओची वजह कनु छात्ती कोट्टे। हांआ। आमीन।

प्रकाशितवाक्य 2:23

मैं विचे ब़ाला नु मारती नाखी। बल्ति सारीया कलीसिया जाणती गिहे कि देल ते मना नु परखणे आला मैं ही छै। ते मैं तम्चे महु हर-हेक नु ओचे कामा चे अनुसार बदला ङी।

प्रकाशितवाक्य 20:12

बल्ति मैं छोटे बङे सब मरला आला नु सिंहासन चे सामणे भिले आले ङेखले, ते किताबा खोड़लीया गेलीया, ते बल्ति हेक नेरी किताब खोड़ली गेली, यानि “जीवन ची किताब” ते जिंवे वां किताबा मां लिखले आले हुते, यूंही वांचे कामा चे अनुसार मरला आला चा न्यां करला गेला।