मत्ती 16:18 - ओङ राजपूत

¹⁸ ते मैं वी तनु किहे पला कि तु पतरस छी, ते मैं ऐ पत्थरा उपर आपणी कलीसिया बणावी, ते अधोलोक चे फाटक ओचे उपर हावी नी हुवी।

मत्ती 16:18 ပူးပေါင်းရင်းမြစ်များ

मत्ती 10:2

ते यां ब़ारहा प्रेरितां चे नांवे ये छी, पेहला शमौन, जको पतरस किहवावे, ते ओचा भऊ अन्द्रियास, जबदी चा पूत याकूब, ते ओचा भऊ यूहन्‍ना,

मत्ती 11:23

हे कफरनहूम, का तु स्वर्ग़ तक ऊंचा करला जाये? तु तां अधोलोक तक तले जाये! जको सामर्थ चे काम दुधे मां करले गेले, अगर सदोम मां करले जईया, तां आज़ तक ओ बणला रिहा।

मत्ती 18:17

अगर ओ वांची वी ना मनी ते कलीसिया नु केहती ङे, अगर वे कलीसिया ची वी ना मनी, ते ओनु तु नेरीया जातिया आलीकर, ते चुंगी गेहणे आले जिसड़े जाण।

मत्ती 4:18

ईशु ने गलील ची झील चे किनारे फिरते हुले ङुंहु भावां नु यानि शमौन नु जको पतरस किहवावे, ते ओचे भऊ अन्द्रियास नु झील मां जाल नाखते ङेखले, कांकि वे मछुवारे हुते।

मत्ती 7:24

“ऐवास्ते जको कुई माया ये बाता सुणती कर मने, ऊं ओ समझदार इन्सान आलीकर हुवी जेह्णे आपणे घर चट्टान चे उपर बणाले।

यूहन्‍ना 1:42

बल्ति अन्द्रियास शमौन नु ईशु चे गोढु गेहती आला। ईशु ने शमौन नु ङेखती कर केहले, “तु यूहन्‍ना चा पूत शमौन छी, तु कैफा किहवावे।” (कैफा जानु पतरस वी किही यांचा मतलब चट्टान हुवे)।

प्रेरितां चे काम 2:47

ते नरीकारा ची स्तुति करते, ते सारे लौक वांचे लारे खौश हुते, ते जको नवें लौक उद्धार पाते, वानु प्रभु रोजाना विश्‍वासीया मां मिलाती ङिता।

प्रेरितां चे काम 20:28

ऐवास्ते आपणी ते पुरे झुन्डा ची ङेख-रेख करा, जाये मां पवित्र आत्मा ने तम्हानु नु मुखिया ठहराले कि तम्ही नरीकारा ची कलीसिया ची रखवाली करा, ओणे तम्हानु आपणे पूता चे लुहींया लारे मोल गेहती गेले।

प्रेरितां चे काम 8:1

ओही ङिओ यरुशलेम ची कलीसिया उपर बङा सताव हुं लाग़ती गेला, ते प्रेरितां नु छोड़ती कर सारे चे सारे जणे यहूदिया ते सामरिया देशा मां खिंडती-पुंडती गेले।

1 कुरिन्थियां 15:55

हे मौत दुधी जय किठे रेहली? हे मौत दुधा ङंग किठे रेहला?”

गलातियां 2:9

जिसे बेले वाणे ओ अनुग्रह नु जको मनु मिड़ला हुता समझती गेले, तां याकूब, ते यूहन्‍ना, ते पतरस जको कलीसिया चे खम्बे समझले जते, मनु ते बरनबास नु आपणी संगति चा सज़्ज़ा हाथ ङिला, कि अम्ही नेरीया जातिया मां जऊं ते वे खतना करले आले यहूदी लौका मां,

इफिसियां 3:10

ताकि हमा कलीसिया चे जरिये, नरीकारा चा कई तरह चा ज्ञान, स्वर्ग़ा ची जग़हा मां प्रधान ते अधिकारीया चे उपर प्रकट करला जाओ।

इफिसियां 5:32

हा भेद घणा बङा छै मैं तम्हानु बावड़े पला मसीह ते कलीसिया उपर वी लाग़ु रिहे।

कुलुस्सियां 1:18

ऊंही शरीर, यानि कलीसिया चे ठोङ छै, ओही आदि छै, ते मरले आला महु जीता हुवणे आला महु पलेठी चा छै कि सारीया बाता मां ओही प्रधान बणो।

1 तीमुथियुस 3:15

कि अगर माये आणे मां देर हुवे तां तु जाणती गिहो, कि नरीकारा चा कुणम्बा, जको जीते नरीकारा ची कलीसिया छै, ते जको सच्‍चाई चा खम्बा, ते नीम छै, ओचे मां किसड़ा बर्ताव करना चाही छै।

1 तीमुथियुस 3:5

कांकि कुई आपणे घरा ही चा प्रबन्ध ना करने जाणता हो, तां ओ नरीकारा ची कलीसिया ची रखवाली किवें करी?

इब्रानियां 12:28

जिंवे अम्ही अविनाशी राज़ गेहला जको हली ना, ऐवास्ते आवा अम्ही नरीकारा चा भय मनते हुले, ओनु खौश करने आली भग़ती लारे अराधना करु।

प्रकाशितवाक्य 11:15

ते जिसे बेले सातवें स्वर्ग़दूता ने तुरही बजाली, ते स्वर्ग़ा महु इसड़ी तेज अवाज आऊं लाग़ली कि, “हमा जग़त चा राज़ हमा अम्चे प्रभु चा छै, ते ओचे मसीह चा हुती गेला, ते हमेशा तक यानिकि युगानयुग तक राज़ करी।”

प्रकाशितवाक्य 21:14

ते शहरा ची कंधे चा ब़ारहा नीमा चे पत्थर हुते, ते वांचे उपर मैमणे चे ब़ारहा प्रेरितां ची नांवे लिखली आली हुती।