मत्ती 16:17 - ओङ राजपूत

¹⁷ ईशु ने ओनु उत्तर ङिला, “हे शमौन, योना चा पूत, तु धन्‍न छी, कांकि मांस ते लुहींया ने ना पर माये ब़ा नरीकारा ने जको स्वर्ग़ा मां छै, हा बात दुधे उपर उजागर करली।

मत्ती 16:17 ပူးပေါင်းရင်းမြစ်များ

लूका 22:32

पर मैं दुधे वास्ते बिनती करली कि दुधा विश्‍वास जता ना रिहो, ते जिसे बेले तु फिरी, तां आपणा भावां नु विश्‍वास मां मजबूत करियो।”

यूहन्‍ना 1:42

बल्ति अन्द्रियास शमौन नु ईशु चे गोढु गेहती आला। ईशु ने शमौन नु ङेखती कर केहले, “तु यूहन्‍ना चा पूत शमौन छी, तु कैफा किहवावे।” (कैफा जानु पतरस वी किही यांचा मतलब चट्टान हुवे)।

यूहन्‍ना 6:45

भविष्यवक्‍ता चीया किताबा मां ईं लिखले पले, ‘वे सारे नरीकारा ची ओर कनु सिखाले आले हुवे।’ हर हेक ऊं बन्दे जको ब़ा नरीकारा ची सुणे ते ओकनु सीखे ऊं माये गोढु आवी।

1 कुरिन्थियां 15:50

हे माये भऊ, मैं ईं किहे पला कि मांस ते लुहीं नरीकारा चे राज़ चे अधिकारी ना हो सग़ी। ते ना नाशवान अविनाशी चा अधिकारी हो सग़े।

गलातियां 1:16

कि, ओ आपणे पूता चा ज्ञान माये उपर उजागर करे, जको मैं नेरीया जातिया मां वी ईशु मसीह चा सुसमाचार सुणा सग़े। ऐ बारे मैं ओ बेले कुई बन्दे चे लारे सलाह कोनी करली।

इफिसियां 2:8

कांकि तम्ही विश्‍वास करला ते नरीकारा ची दया लारे तम्चा उद्धार हुला। हा तम्चे तरफु कोनी, बल्कि नरीकारा चा दान छै।

इफिसियां 3:5

पेहले ओ भेद लौका नु कोनी बावड़ला गेला ते हमा पवित्र आत्मा लारे भविष्यवक्‍ता ते प्रेरितां नु बावड़ला गेला।

इफिसियां 6:12

कांकि हा अम्चा मल्‍लयोद्ध, लुहीं ते मांस चे लारे कोनी, पर प्रधाना ते अधिकारीया चे लारे, ते ऐ संसार चे अन्धकारा चे हाकिमा लारे ते ओ दुष्टता ची आत्मिक सैना लारे छै जको आसमाना मां छै।

इब्रानियां 2:14

ऐवास्ते कि ऊलाद्ध लुहींया ची ते मांस ची हुवे, मसीह ईशु वी लुहीं ते मांस चे हुती गेले कि मौत चे जरिये ओ ओनु यानि शैताना नु, जाये मां मौत ची ताकत हुती, कमजोर करती ङियो

1 पतरस 5:1

तम्चे महु जको अग़ुवा छै, मैं वांचे आलीकर अग़ुवा ते मसीह चे ङुखा चा ग़वाह ते प्रकट हुवणे आली महिमा मां भईवाल हुती कर वानु ईं समझावे पला,

1 यूहन्‍ना 4:15

जको कुई हा मनती गिहे, “कि ईशु नरीकारा चा पूत छै,” ते नरीकार ओचे मां बणला रिहे, ते ऊं नरीकारा मां।

1 यूहन्‍ना 5:20

तां हा वी अम्ही जाणु कि, नरीकारा चा पूत आती गेला ते ओणे अम्हानु हा समझ ङिली, कि अम्ही ओ सच्‍च नु पिछाणु, ते अम्ही ओचे मां जको सच्‍चाई छै, यानिकि ओचे पूत ईशु मसीह चे लारे रिहुं, सच्‍चा नरीकार ते अनन्त जीवन हाओ छै।