मत्ती 15:31 - ओङ राजपूत

³¹ जिसे बेले लौका ने ङेखले कि गूंगे ब़ोली, ते टुन्डे ठीक हुवी, ते लंगड़े टुरु पड़ती जई, ते अन्धे ङेख सग़ी तां अचम्भा करती कर इस्राएल चे नरीकारा ची बढ़ाई करली।

मत्ती 15:31 ပူးပေါင်းရင်းမြစ်များ

मत्ती 15:30

बल्ति हेक बङी भीड़ पे भीड़ ओचे गोढु आली, वे आपणे लारे, लंगड़ा नु, अन्धा नु, गूंगा नु, टुन्डा नु ते नेरे ब़ोहता नु ओचे गोढु आणले, ते वानु ओचे पग़्ग़ा उपर नाखती ङिले, ते ओणे वानु ठीक करले।

मत्ती 18:8

“अगर दुधा हाथ जा दुधा पग़्ग़ तनु ठोकर खुलाओ, तां ओनु बाढती कर भुकाती नाख, टुन्डा जा लंगड़ा हुती कर जीवन मां जाणे दुधे वास्ते ऐचे कनु भले छै कि ङोन हाथ जा ङोन पग़्ग़ रेहते हुले तु अनन्त जाखते मां नाखला जई।

मत्ती 21:14

अन्धे ते लंगड़े, मन्दरा मां ओचे गोढु आणले गेले, ते वानु ईशु ने ठीक करले।

मत्ती 8:10

ईं सुणती कर ईशु नु अचम्भा हुला, ते जको ओचे भांसु आवी पलते वानु केहले, “मैं तम्हानु सच्‍च किहे पला कि मैं इस्राएल मां वी इसड़ा विश्‍वास कोनी ङेखला।

मत्ती 9:32

जिसे बेले वे ब़ाहरु जई पलते, तां ङेखा, लौक हेक गूंगे नु जाये मां दुष्टात्मा हुती ओचे गोढु गेहती आले।

मत्ती 9:33

ते जिसे बेले ईशु ने दुष्टात्मा नु काढ़ती छोड़ले, तां गूंगा ब़ोलु लाग़ती गेला। ऐचे उपर भीड़ ने अचम्भा करती कर केहले, “इस्राएल मां इसड़े कङी कोनी ङेखले गेले।”

मत्ती 9:8

लौक ईं ङेखती कर ङरती गेले ते नरीकारा ची महिमा करु लाग़ले, जेह्णे इन्साना नु इसड़ा अधिकार ङिला।

मरकुस 2:12

ओ ऊठला ते तुरन्त खाट चती कर सारा चे सामणे निकलती कर चाह्‍ला गेला, ऐचे उपर सब हैरान हुले ते नरीकारा ची बढ़ाई करती कर किहुं लाग़ले, “अम्ही इसड़े कङी कोनी ङेखले।”

मरकुस 7:37

ते बन्दा नु अचम्भा हुती गेला ते किहुं लाग़ले, “ईशु जको करे भले करे। इठे तक कि ओ बहरा नु सुणने वास्ते ते गूंगा नु ब़ोलणे वास्ते ताकत ङिये।”

मरकुस 9:43

अगर दुधा हाथ तनु ठोकर खुलाओ तां ओनु बाढती नाख। टुन्डा हुती कर जीवन मां जाणे दुधे वास्ते ऐचे कनु भले छै कि ङोन हाथ रेहते हुले नर्का चे जाखते मां नाखला जई जको कङी ब़िझणे चे कोनी।

लूका 14:13

पर जब तु भोज़ करी, तां कंगाल, टुन्डे, लंगड़े, ते अन्धा नु हकार।

लूका 14:21

“ओ दासा ने आती कर आपणे मालका नु ये बाता केहती सुणालीया। बल्ति घरा चे मालका नु गुस्सा आला ते आपणे दासा नु केहले, ‘शहरा चे बजारा ते गलीया मां तुरन्त जती कर कंगाल, टुन्डे, लंगड़े, ते अन्धा नु इठे गेहती आवा।’

लूका 18:43

ते ओ वे घड़ी ङेखु लाग़ती गेला, ते नरीकारा ची बढ़ाई करता हुला, ईशु चे भांसु टुरती पला, जब सारा लौका ने ईं ङेखले तां नरीकारा ची स्तुति करली।

लूका 7:16

ऐचे लारे सारा नु ङर पड़ती गेला, वे नरीकारा ची बढ़ाई करती कर किहुं लाग़ले, “अम्चे बीच मां हेक बङी भविष्यवाणी करने आला उजागर हुला, नरीकारा ने आपणे लौका उपर दया करली।”

यूहन्‍ना 9:24

यहूदी नेता ने ओ बन्दे जको अन्धा हुता बल्ति ङुजी वारी हकारती केहले, “तु ठीक हुला ओची महिमा नरीकारा नु ङे, ओ बन्दे नु ना। कांकि अम्हानु पता छै ऊं बन्दे पापी छै।”