मत्ती 15:28 - ओङ राजपूत

²⁸ ऐचे उपर ईशु ने विनु उत्तर ङिला, “हे असतरी, दुधा विश्‍वास बङा छै, जिसड़े तु चाहवी, दुधे वास्ते उसड़े ही हो।” ते विची छुवेर वेही घड़ी कनु ठीक हुती गेली।

मत्ती 15:28 ပူးပေါင်းရင်းမြစ်များ

मत्ती 14:31

ईशु ने तुरन्त आपणा हाथ आग़ु करती कर पतरस नु पकड़ती गेले ते ओनु केहले, “हे अल्पविश्‍वासी, तु कां शक्‍क करला?”

मत्ती 15:27

विणे केहले, “सच्‍च छै प्रभु, पर कुत्ते वी ओ चूरा-चारा खाती गिही, जको वांचे स्वामीया चे मेजा तले ढेती पड़ी।”

मत्ती 8:10

ईं सुणती कर ईशु नु अचम्भा हुला, ते जको ओचे भांसु आवी पलते वानु केहले, “मैं तम्हानु सच्‍च किहे पला कि मैं इस्राएल मां वी इसड़ा विश्‍वास कोनी ङेखला।

मत्ती 8:13

ते ईशु ने रोमी सूबेदारा नु केहले, “जा, जिंवे दुधा विश्‍वास छै, यूंही दुधे वास्ते हो।” ते ओचा सेवक ओही बेले ठीक हुती गेला।

मत्ती 9:22

ईशु ने मुड़ती कर विनु ङेखले ते केहले, “धूउ हिम्मत ब़ांध, दुधे विश्‍वास ने तनु ठीक करले” तां वा असतरी ओही बेले ठीक हुती गेली।

मरकुस 5:34

ईशु ने विनु केहले, “धूउ, दुधे विश्‍वास ने तनु ठीक करले। खुशी लारे जा, ते आपणी ये बिमारी कनु बचली रेह।”

लूका 17:5

तब प्रेरितां ने प्रभु नु केहले, “अम्चे विश्‍वासा नु बधा।”

लूका 7:50

पर ईशु ने असतरी नु केहले, “दुधे विश्‍वास ने तनु बचाती गेले, शान्ति लारे चाह्‍ली जा।”

लूका 7:9

ईं सुणती कर ईशु नु अचम्भा हुला ते ओणे मुँह फेरती कर वे भीड़ नु जको ओचे भांसु आवे पलती, केहले, “मैं तम्हानु किहे पला कि मैं इस्राएल मां वी इसड़ा विश्‍वास कोनी ङेखला।”

2 थिस्सलुनीकियां 1:3

हे माये भऊ, तम्चे बारे मां अम्हानु हर समय नरीकारा चा धन्यवाद करना चाही छै, ते ईं ठीक वी छै, ऐवास्ते कि तम्चा विश्‍वास घणा बढ़ता जाये पला, ते तम्चा सब प्रेम आपस मां घणा ही बढ़ता जाये पला।