मत्ती 13:12 - ओङ राजपूत

¹² कांकि जाये कनु छै, ओनु ङिले जई, ते ओचे कनु घणे सारे हुती जई। पर जाये कनु कोच्छ कोनी, ओचे कनु जको कोच्छ ओचे गोढु छै, ऊं वी गेहती गेले जई।

मत्ती 13:12 ပူးပေါင်းရင်းမြစ်များ

मत्ती 21:43

“ऐवास्ते मैं तम्हानु किहे पला कि नरीकारा चा राज़ तम्चे बीच महु ही गेहला जई, ते इसड़ी जाति नु जको ओचा फल आणे, ङिला जई।

मत्ती 25:29

कांकि जाये काये कनु छै, ओनु नेरे ङिले जई, ते ओचे कनु घणे सारे हुती जई। पर जाये कनु कोनी, ओचे कनु, ऊं वी जको ओचे कनु छै, गेहती गेले जई।

मरकुस 12:9

“ऐवास्ते अंगूरा ची बाड़ी चा मालिक का करी? ओ आती कर वां जमींदारा नु नाश करी, ते अंगूरा ची बाड़ी नेरा नु सोंपती ङी।

लूका 10:42

पर हेक बात जरुरी छै, ओ सोणे हेंस्से नु मरियम ने चुणती गेले जको विकनु खोसला नी जई।”

लूका 12:48

पर जको ना जाणती कर मार खाणे चे लायक काम करे, ओह थोड़ी मार खई। ऐवास्ते जानु घणे ङिले गेले, ओकनु घणे मांगले जई, ते जानु ब़ोहत घणे सोंपले गेले, ओकनु ब़ोहत घणे गेहले जई।

लूका 16:2

शाहुकारा ने मुनीम नु हकारती कर केहले, ‘ईं का छै जको मैं दुधे बारे मां सुणे पला? आपणे मुनीमगिरी चा लेखा ङे, कांकि तु उग़ते कनु मुनीम ना रेह सग़ी।’

लूका 16:25

“पर अब्राहम ने केहले, ‘हे पूत, याद कर कि तु आपणे जीन्दगी मां आच्छीया चीजा तां गेहती चुकला, ते यूंही लाजर बुरीया चीजा, पर हमा ओ इठे शान्ति लारे छै, ते तु तड़फी पला।

लूका 8:18

“ऐवास्ते चौकस रिहा, कि तम्ही किसी रीति लारे सुणा? कांकि जाये कनु छै, ओनु ङिले जई, ते जाये कनु कोनी, ओकनु ऊं वी गेहती गेले जई, जानु ओ आपणे समझे।”

लूका 9:26

जको कुई माये कनु ते माया बाता कनु लज़ावी, मैं इन्साना चा पूत वी, जिसे बेले आपणी ते आपणे ब़ा नरीकारा ची ते पवित्र स्वर्ग़दूता ची महिमा लारे आवी, तां ओकनु वी लज़ावी।

याकूब 4:6

ओ तां नेरा वी अनुग्रह ङिये, ये वजह पवित्रशास्त्र मां लिखले पले, “नरीकार घमण्डीया चा विरोध करे, पर दीन-दयाला उपर अनुग्रह करे।”

प्रकाशितवाक्य 2:5

ऐवास्ते चैता कर कि तु किठु ढेला आला छी, ते मन फिरा ते पेहले जिसड़े काम कर। अगर तु मन नी फिरावे, तां मैं दुधे गोढु आती कर दुधे जाला नु ओची जग़हा कनु हटाती नाखी।