मत्ती 12:34 - ओङ राजपूत

³⁴ हे नाग़ा ची ब़ाले! तम्ही बुरे हुती कर किवें आच्छीया बाता केह सग़ा? कांकि जको मना मां भरले पले, ऊंही मुँहा उपर आवे।

मत्ती 12:34 ပူးပေါင်းရင်းမြစ်များ

मत्ती 12:35

भले इन्सान आपणे मना चे भले भण्डार कनु भलीया बाता काढ़े। ते बुरे इन्सान आपणे बुरे भण्डार कनु बुरीया बाता काढ़े।

मत्ती 15:18

पर जको कोच्छ मुँहा कनु निकले, ऊं मना कनु निकले ते ऊंही इन्साना नु अशुद्ध करे।

मत्ती 23:33

हे नाग़ु! हे अजगर ची ऊलाद्ध! तम्ही नर्का चे ङण्ड कनु किवें बचा?

मत्ती 3:7

जब ओणे घणे फरीसिया ते सदूकिया नु बपतिस्मे वास्ते आपणे गोढु आते ङेखले, तां वानु किहुं लाग़ला, “हे नाग़ा ची ब़च्‍ची! तम्हानु केहणे चिताती ङिले कि तम्ही नरीकारा चे क्रोध कनु द्रोड़ा ?

लूका 3:7

ऐवास्ते जको भीड़ ची भीड़ ओकनु बपतिस्मा गेहणे वास्ते आती, यूहन्‍ना वानु केहता, “हे नाग़ा ची ब़च्‍ची! तम्हानु केहणे चिताती ङिले, कि तम्ही नरीकारा चे क्रोध कनु द्रोड़ा।

लूका 6:45

भले इन्सान आपणे मना चे भले भण्डार कनु भलीया बाता काढ़े ते बुरे इन्सान आपणे मना चे बुरे भण्डार कनु बुरीया बाता काढ़े, कांकि जको मना मां भरले पले, ऊंही ओचे मुँहा उपर आवे।

यूहन्‍ना 8:44

तम्ही आपणे ब़ा शैताना ची ऊलाद्ध छिवा, ते आपणे ब़ा ची इच्छा नु पुरी करने चाहवा। ओ तां शुरु कनु हत्यारा छै, ते सच्‍च उपर कोनी रुकला, कांकि सच्‍च ओचे मां छै ही कोनी। जिसे बेले ओ कूड़ मारे, तां आपणे सुभाव लारे ही कूड़ मारे, कांकि ओ कूड़ा छै, बल्कि कूड़ा चा ब़ा छै।

इफिसियां 4:29

कोच्छ गन्दी बात ना ब़ोला जको ब़ोला आच्छे ब़ोला ते जको नेरा वास्ते आशीष ची वजह हो।

इफिसियां 5:4

ते ना बेइज्जती, ना ही मूर्खा ची चर्चा करली हो, ना ही मजाक ची कांकि ये बाता शोभा ना ङिही, सेर्फ नरीकारा नु धन्यवाद ही ङिला जाओ।

याकूब 3:2

ऐवास्ते कि अम्ही सारे घणा वारी चुकती जऊं : जको कुई बन्दे ब़ोलणे मां ना चुकी, ऊंही तां पक्‍के बन्दे छै, ते पुरे शरीरा नु वी वशा मां कर सग़े।

1 यूहन्‍ना 3:10

ऐचे कनु नरीकारा ची ऊलाद्ध ते शैताना ची ऊलाद्ध जाणली जाये, जको कुई धर्म चे काम ना करी ऊं नरीकारा कनु कोनी, ते ना ऊं जको आपणे भावां ते ब़ेहणीया लारे प्रेम ना राखी।