मत्ती 12:31 - ओङ राजपूत

³¹ ऐवास्ते मैं तम्हानु सच्‍च किहे पला कि बन्दे चे सब तरह चे पाप ते निन्दा माफ करती ङिले जाये, पर पवित्र आत्मा ची निन्दा माफ नी करले जई।

मत्ती 12:31 ပူးပေါင်းရင်းမြစ်များ

लूका 12:10

जको कुई मैं इन्साना चे पूता चे विरोध मां कुई बात किही, ओचा हा अपराध माफ करला जई, पर जको पवित्र आत्मा ची निन्दा करी, ओचा अपराध माफ नी करला जई।

प्रेरितां चे काम 7:51

“हे जिद्दी लौक, ना तां तम्ही काना लारे सुणने चाहवा, ते ना ही तम्ही समझणे चाहवा, तम्ही सदा पवित्र आत्मा चा विरोध करा। जिंवे तम्चे पुरखा करते, यूंही तम्ही वी करा।

इब्रानियां 10:26

अगर सच्‍चाई ची पिछाण गेहणे चे बाद वी अम्ही जाणती ब़ुझती पाप करु तां पाप वास्ते कुई बलिदान बाकि ना रेहती जई।

इब्रानियां 10:29

तां सोचती गिहा कि ओ कितने भारी ङण्ड चा भाग़ी बणी, जेह्णे नरीकारा चे पूता चा अनादर करला ते वाचा चे लुहींया नु जाये जरिये ओ पवित्र ठहराला गेलता, अपवित्र जाणले ते अनुग्रह ची आत्मा चा अपमान करला।

इब्रानियां 6:4

जेह्णे कुई समय सच्‍च चे ज्ञान चे सोज़ले गेहती गेले हुते, जेह्णे स्वर्ग़ीय वरदान चा स्वाद चाखती गेलता, जको पवित्र आत्मा चे भईवाल हुती गेलते,

1 यूहन्‍ना 1:9

अगर अम्ही नरीकारा चे सामणे आपणे पापा नु मनती गिहुं, ते ओ अम्चे पापा नु माफ करने, ते अम्हानु सारे अधर्मा कनु शोद्ध करने मां विश्‍वास लायक छै, कांकि ओ न्यांयी ते धर्मी छै।

1 यूहन्‍ना 5:16

अगर कुई आपणे भावां ते ब़ेहणीया नु इसड़ा पाप करते ङेखे, जाया नतीजा हमेशा ची मौत ना हो, ते ओनु आपणे भऊ ते ब़ेहणीया चे वास्ते प्राथना करनी चाही छै, ते नरीकार ओनु जीवन ङिही। मैं वांचे बारे मां बात करे पला जको वे इसड़े पाप करने मां लाग़ले आले छी, मैं वानु हमेशा ची मौत तक नी पुचावी। इसड़े पाप वी रिही, जाया नतीजा मौत छै। मैं तम्हानु इसड़े पापा चे वास्ते प्राथना करने वास्ते कोनी किहे पला।