मत्ती 12:25 - ओङ राजपूत

²⁵ ओणे वांचे मना चीया बाता जाणती कर वानु केहले, “जिसे कुई राज़ मां फूट हुवे, ओ उज़ड़ती जाये, ते कुई शहर जा घराणे जाये फूट हुवे, ऊं बणले नी रिही।

मत्ती 12:25 ပူးပေါင်းရင်းမြစ်များ

मत्ती 9:4

ईशु ने वांचे मना चीया बाता जाणती कर केहले, “तम्ही लौक आपणे-आपणे मना मां बुरा विचार कां करा पले?

मरकुस 2:8

ईशु ने तुरन्त आपणी आत्मा मां जाणती गेले कि वे आपणे-आपणे मना मां इसड़ा विचार करी पले, ते ओणे वानु केहले, “तम्ही आपणे-आपणे मना मां इसड़ा विचार कां करा पले?

यूहन्‍ना 21:17

ओणे तीजी वारी ओनु केहले, “हे शमौन यूहन्‍ना चा पूत, का तु माये लारे प्रीत राखी?” पतरस उदास हुला कि ओणे तीजी वारी इसड़े केहले कि, “का तु माये लारे प्रीत राखी?” तां पतरस ने केहले, “हे प्रभु, तु तां सब कोच्छ जाणी, तु ईं जाणी कि मैं दुधे लारे प्रीत राखे।” ईशु ने ओनु केहले, “माया भेङा नु चर्रा।

1 कुरिन्थियां 2:11

इन्साना महु कूण कुई इन्साना चीया बाता जाणे? सेर्फ इन्साना ची आत्मा जको ओचे मां छै। यूंही नरीकारा चीया बाता वी कुई ना जाणी, सेर्फ नरीकारा चा आत्मा।

गलातियां 5:15

पर अगर तम्ही आपस मां हेके ङुजे नु बाढा ते फाड़ती कर खावा, ते ङेखा! तम्ही आपस मां हेके ङुजे चा नाश करती नाखा।

इब्रानियां 4:13

ते सृष्टि ची कुई चीज नरीकारा कनु लुकली आली कोनी, जानु अम्ही लेखा ङेणा। सारीया चीजा ओचे सामणे साफ ते खुड़लीया आलीया छी।

प्रकाशितवाक्य 16:19

ते ओ बङे शहरा ची तीन टुकड़ी हुती गेली, ते जाति-जाति चे शहर ढेती पले, नरीकारा ने बेबीलोन ची महानगरी नु ङण्ड ङेणे चे वास्ते याद करले हुते, कि ओ आपणे खतरनाक गुस्से ची मदिरा ओनु पिलाओ।

प्रकाशितवाक्य 2:23

मैं विचे ब़ाला नु मारती नाखी। बल्ति सारीया कलीसिया जाणती गिहे कि देल ते मना नु परखणे आला मैं ही छै। ते मैं तम्चे महु हर-हेक नु ओचे कामा चे अनुसार बदला ङी।